Isaías 5:28 - Li Santil hu

²⁸ Lix tzimajeb kꞌesak ruꞌuj ut cauresinbilakeb. Ut li rixiꞌijeb lix cacua̱y cauhakeb joꞌ li pec. Ut lix ruedil lix carruajes nak nequeꞌsuri rib chanchan li ikꞌ li naxsuti rib.

Q'eqchi Bible

²⁸ Q'es q'es ru'ujeb' li xsimaj ut chixjunil li xna' simaj kaw kaw rixeb'. Chanchan raxjohinkil pek li rixi'ijeb' li kawaay ut li roqeb' li xkaar kama'eb' li kaqsut-iq'.

Isaías 5:28 ပူးပေါင်းရင်းမြစ်များ

Salmos 45:5

Riqꞌuin la̱ tzimaj, li kꞌaxal kꞌes ruꞌuj, ta̱camsiheb li xicꞌ nequeꞌiloc a̱cue. La̱at ta̱cue̱chaniheb li tenamit ut teꞌcana̱k rubel la̱ cuanquil, at rey.

Nahum 3:2

Abihomak chanru nak yo̱queb chi cha̱lc li teꞌnumta̱k saꞌ e̱be̱n la̱ex aj Nínive. Yo̱queb chixsacꞌbal lix cacua̱yeb re nak teꞌcha̱lk chi junpa̱t. Cau nequeꞌecꞌan chak li rok nak yo̱queb chi cha̱lc. Ut eb lix carruajeb nequeꞌpojloc ut nequeꞌpiscꞌoc chak chi cha̱lc.

Miqueas 4:13

Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.

Jeremías 47:3

Ta̱abi̱k xya̱b li rokeb li cacua̱y. Ta̱abi̱k xya̱b eb li carruajes nak yo̱keb chi cha̱lc li xicꞌ nequeꞌiloc reheb. Eb li yucuaꞌbej incꞌaꞌ chic teꞌrileb lix cocꞌal xban nak ma̱cꞌaꞌak chic xmetzꞌe̱uheb.

Jeremías 5:16

Chixjunileb li soldado aꞌan kꞌaxal cauheb rib ut nequeꞌxcamsiheb li nequeꞌxcut riqꞌuineb lix tzimaj.

Isaías 21:1

Aꞌan aꞌin resil li raylal li ta̱cha̱lk saꞌ xbe̱neb laj Babilonia, li cuanqueb saꞌ li chaki chꞌochꞌ li cuan chire li palau. Eb li xicꞌ nequeꞌiloc reheb chanchanakeb li ca̱k-sut-ikꞌ nak teꞌcha̱lk saꞌ li chaki chꞌochꞌ, li naꞌajej li kꞌaxal yibru.

Salmos 120:4

Li cꞌaꞌru te̱cꞌul, aꞌan li tojba ma̱c. Chanchan nak texcutekꞌ riqꞌuin tzimaj ut chanchan nak ta̱qꞌuehekꞌ ru xam saꞌ e̱be̱n nak texqꞌuehekꞌ chixtojbal rix le̱ ma̱c.

Jueces 5:22

Kꞌaxal cau xya̱b rokeb li cacua̱y nak queꞌa̱linac chi cau. Nequeꞌtꞌilicbac nak yo̱queb chi xic.

Isaías 13:18

Riqꞌuin lix tzimaj telajeꞌxcamsiheb li cui̱nk li toj sa̱jeb. Incꞌaꞌ teꞌril xtokꞌoba̱l ruheb li cocꞌal chi moco teꞌril xtokꞌoba̱l ruheb li cꞌulaꞌal.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Ezequiel 26:11

Eb li cacua̱y teꞌnumekꞌ saꞌ chixjunileb li be saꞌ le̱ tenamit. Eb li soldados teꞌxcamsiheb li tenamit riqꞌuin chꞌi̱chꞌ ut teꞌxjuqꞌueb li okech li kꞌaxal cau.

Ezequiel 38:9

Chanchan nak nachal li ca̱k-sut-ikꞌ ut chanchan nak ta̱muku̱nk li tenamit saꞌ li chok nak tatxic chi pletic riqꞌuineb li tenamit a̱cuochben la̱ qꞌuila soldado.

Daniel 11:40

Nak acak cuulac re rosoꞌjic lix cuanquil li rey li cuan saꞌ li norte, li rey li cuan saꞌ li sur ta̱xic chi pletic riqꞌuin. Chanchan xmetzꞌe̱u li ca̱k-sut-ikꞌ nak eb li soldado li teꞌcha̱lk saꞌ li norte teꞌoc chi pletic. Riqꞌuin xnimal xcuanquileb teꞌpletik riqꞌuin lix cacua̱y ut lix carruaje ut lix jucub. Chanchan li butꞌ nak naxhel rib saꞌ li chꞌochꞌ nak teꞌnumta̱k saꞌ xbe̱neb nabal chi tenamit.