Isaías 5:26 - Li Santil hu

²⁶ Li Ka̱cuaꞌ Dios chanchan nak tixtaksi lix bandera re xbokbaleb li jalan tenamit li cuanqueb chi najt. Chanchan nak xuxbanbil tixba̱nu reheb nak tixbokeb li tenamit li kꞌaxal najt cuanqueb chak. Ut eb li tenamit aꞌan saꞌ junpa̱t teꞌcha̱lk.

Q'eqchi Bible

²⁶ Rik'in eetalil xb'oq jun li tenamit wan chaq chi najt; rik'in jun xuxb' xb'oq chaq toj sa' xmaril li ruuchich'och': ilomaq arin chi junpaat, xseeb'ank chaq chi chalk.

Isaías 5:26 ပူးပေါင်းရင်းမြစ်များ

Zacarías 10:8

La̱in tebinbok cuiqꞌuin ut tinchꞌutub ruheb xban nak ac xebincol. Ut kꞌaxal cuiꞌchic nabalakeb joꞌ nak queꞌcuan chak junxil.

Isaías 7:18

Saꞌ eb li cutan aꞌan li Ka̱cuaꞌ tixbokeb laj Egipto ut eb laj Asiria. Eb laj Egipto chanchanakeb li raxya̱t xban xqꞌuialeb nak teꞌcha̱lk chi najt bar cuanqueb cuiꞌ li nimaꞌ. Ut eb laj Asiria chanchanakeb li sak cꞌau nak teꞌcha̱lk.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Habacuc 1:8

Kꞌaxal se̱bakeb lix cacua̱yeb chiruheb li hix. Tzꞌakalakeb aj camsinel chiru laj xoj li nequeꞌbe̱c chiru kꞌojyi̱n. Kꞌaxal cuiꞌchic teꞌta̱mk li nequeꞌxic chirix cacua̱y chi camsi̱nc. Chi najt teꞌcha̱lk chak chirix cacua̱y li teꞌcha̱lk chi pletic. Nak teꞌxic saꞌ a̱nil chi pletic, chanchanakeb li cꞌuch nak naxic chi junpa̱t chixchapbal lix tib.

Joel 2:7

Nak teꞌoc laj sa̱cꞌ chanchanakeb li soldado li ac cauresinbileb chi pletic. Teꞌtakekꞌ chiru li tzꞌac ut ti̱c teꞌxic ut incꞌaꞌ teꞌxjal xbeheb.

Lamentaciones 4:19

Eb li xicꞌ nequeꞌiloc ke kꞌaxal cau nequeꞌa̱linac chiru li cꞌuch li narupupic chiru choxa. Coeꞌra̱lina toj saꞌ eb li tzu̱l ut coeꞌxram saꞌ eb li chaki chꞌochꞌ.

Jeremías 51:27

Taksihomak le̱ bandera ut ya̱basihomak le̱ trompeta re xyebal reheb lix ni̱nkal ru tenamit nak teꞌxcauresi ribeb chi xic chi pletic riqꞌuineb laj Babilonia. Yehomak resil nak teꞌxtiquib pletic eb li tenamit Ararat, Mini ut Askenaz. Xakabomak li ani ta̱takla̱nk saꞌ xbe̱neb li soldado. Ut cꞌamomakeb nabal li cacua̱y. Chanchanakeb li jun tu̱b laj sa̱cꞌ li yo̱queb xjoskꞌil.

Jeremías 5:15

Li Ka̱cuaꞌ quixye ajcuiꞌ reheb: —La̱in tintaklaheb li najtil tenamit chi pletic e̱riqꞌuin la̱ex li ralal xcꞌajol laj Israel. Aꞌaneb kꞌaxal cauheb rib chalen najter. La̱ex incꞌaꞌ nequenau li ra̱tinoba̱leb chi moco te̱tau ru li cꞌaꞌru teꞌxye.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Isaías 39:3

Ut laj Isaías quicuulac riqꞌuin li rey Ezequías ut quixye re: —At rey, ¿bar xeꞌchal chak li cui̱nk aꞌin? ¿Cꞌaꞌru xeꞌxye a̱cue? chan. Ut li rey Ezequías quixye re: —Toj Babilonia xeꞌchal chak saꞌ najtil tenamit, chan.

Isaías 30:16

La̱ex xeye: —La̱o toe̱lelik chirixeb li cacua̱y, chanquex. Joꞌcan nak tex-e̱lelik. Xeye: —La̱o toxic chirix cacua̱y li kꞌaxal cau nequeꞌa̱linac, chanquex. Abanan eb li yo̱keb che̱ra̱linanquil kꞌaxal cuiꞌchic cau teꞌa̱linak che̱ru la̱ex.

Isaías 13:5

Najt xeꞌchal chak li soldados. Li Ka̱cuaꞌ yo̱ chi cha̱lc rochbeneb re tixsacheb ru li cuanqueb Babilonia xban nak yo̱ xjoskꞌil saꞌ xbe̱neb.

Isaías 13:2

Taksihomak le̱ bandera saꞌ xbe̱n junak li tzu̱l ma̱cꞌaꞌ cheꞌ chiru. Japomak e̱re chixyebal reheb li soldado nak teꞌoc saꞌ li oqueba̱l li cuanqueb cuiꞌ li nequeꞌtaklan saꞌ xbe̱neb li tenamit.

Salmos 72:8

Chicua̱nk ta xcuanquil saꞌ chixjunil li ruchichꞌochꞌ. Naticla cuan cuiꞌ li Caki Palau toj saꞌ li Mar Mediterráneo ut saꞌ li nimaꞌ Éufrates ut toj saꞌ chixjunil li ruchichꞌochꞌ.

Salmos 60:4

Xaqꞌue jun ketalil la̱o li nocorahoc a̱cue. Chanchan nak xaqꞌue jun li bandera re nak takacol rix li ya̱l.

Isaías 10:3

Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Isaías 13:3

Li Ka̱cuaꞌ quixsicꞌ ruheb li cha̱bil soldado li cauheb rib re nak teꞌxic chi pletic re xqꞌuebal chixtojbal xma̱queb li tenamit li yo̱ xjoskꞌil saꞌ xbe̱neb. Quixsicꞌ ruheb li teꞌsahokꞌ xchꞌo̱l chixqꞌuebal xlokꞌal.

Isaías 13:4

Abihomak li choki̱nc saꞌ xbe̱n li tzu̱l. Aꞌaneb li qꞌuila soldado. Aꞌaneb li qꞌuila tenamit li queꞌxjunaji ribeb. Li Ka̱cuaꞌ li nimajcual Dios yo̱ chixcauresinquileb lix soldado re teꞌpletik.

Isaías 31:9

Lix reyeb laj Asiria ta̱e̱lelik xban xxiu joꞌ eb ajcuiꞌ li nequeꞌtaklan saꞌ xbe̱neb li soldados, chan li nimajcual Dios, li cuan xxam ac cauresinbil Jerusalén re xqꞌuebal chixtojbaleb xma̱queb li xicꞌ nequeꞌiloc reheb laj Israel.

Ezequiel 38:17

Joꞌcaꞌin xye li nimajcual Dios re laj Gog: ¿Ma ma̱cuaꞌ ta biꞌ la̱at quina̱tinac chak cha̱cuix junxilaj nak quina̱tinac riqꞌuineb li profeta aj Israel li queꞌcꞌanjelac chicuu? Chiru nabal chihab eb aꞌan queꞌxye resil nak la̱in tatintakla chi pletic riqꞌuineb laj Israel.