Isaías 5:25 - Li Santil hu

²⁵ Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Q'eqchi Bible

²⁵ Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Isaías 5:25 ပူးပေါင်းရင်းမြစ်များ

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 9:21

Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

2 Reyes 9:37

Lix tibel, aꞌan chanchanak li cꞌot saꞌ li chꞌochꞌ aran Jezreel re nak ma̱ ani ta̱yehok re, “Cueꞌ lix tibel lix Jezabel”, chan laj Jehú.

Daniel 9:16

At Ka̱cuaꞌ, la̱o nakanau nak la̱at nacat-uxta̱nan u. Joꞌcan nak nakatzꞌa̱ma cha̱cuu nak incꞌaꞌ ta chic tatjoskꞌokꞌ saꞌ xbe̱n la̱ tenamit Jerusalén xban nak aꞌan la̱ lokꞌlaj tenamit. Aꞌan la̱ lokꞌlaj tzu̱l Sión. Xban li ma̱usilal nakaba̱nu ut xban li ma̱c queꞌxba̱nu li kanaꞌ kayucuaꞌ, xuta̱nal na-el ut seꞌenbil la̱ tenamit Jerusalén xbaneb li jalan tenamit.

Jeremías 4:24

Quin-iloc saꞌ eb li tzu̱l ut quinqꞌue retal nak yo̱queb chi ecꞌa̱nc saꞌ xnaꞌajeb. Eb li cocꞌ bol yo̱queb chi tꞌanecꞌ.

1 Ts 2:16

Xicꞌ nequeꞌrecꞌa nak nakachꞌolob xya̱lal chiruheb li ma̱cuaꞌeb aj judío re nak teꞌcolekꞌ. Ut riqꞌuin li ma̱usilal nequeꞌxba̱nu rajlal, kꞌaxal cuiꞌchic nanumta lix ma̱queb. Abanan yal jun nak quichal xjoskꞌil li Dios saꞌ xbe̱neb.

Nahum 1:5

Riqꞌuin lix nimal xcuanquil, nequeꞌecꞌan li tzu̱l saꞌ xnaꞌaj ut nequeꞌhaꞌoꞌ xban lix cuanquil. Na-ecꞌan li ruchichꞌochꞌ xban lix cuanquil ut chixjunileb li cuanqueb saꞌ ruchichꞌochꞌ nequeꞌxucuac.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Salmos 18:7

Nak quixcꞌut lix joskꞌil li Dios quixqꞌue jun li hi̱c saꞌ ruchichꞌochꞌ. Li tzu̱l quilajeꞌecꞌan saꞌ lix naꞌajeb. Li Dios quirecꞌasiheb li tzu̱l xban lix joskꞌil.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

Apocalipsis 20:11

Ut quicuil jun li saki cꞌojariba̱l. Ut li Jun li chunchu aran kꞌaxal nim xcuanquil. Xban xnimal xcuanquil, ma̱cꞌaꞌ chic li ruchichꞌochꞌ ut ma̱cꞌaꞌ chic li choxa. Queꞌsach chi junaj cua nak quicuil.

Sofonías 1:17

Quixye li Ka̱cuaꞌ: —Tinqꞌueheb saꞌ raylal chixjunileb laj Judá ut eb laj Jerusalén. Chanchanakeb li mutzꞌ nak teꞌxyal raj xsicꞌbal bar teꞌxic chixcolbaleb rib, abanan incꞌaꞌ teꞌru̱k xban nak xeꞌma̱cob chicuu. Lix quiqꞌueleb ta̱hoyekꞌ ut aran ta̱osokꞌ saꞌ li poks ut lix tibeleb ta̱kꞌa̱k ut aran ta̱osokꞌ, chan li Ka̱cuaꞌ.

Habacuc 3:10

Ut quicuil ajcuiꞌ nak xban la̱ cuanquilal, li tzu̱l queꞌxucuac cha̱cuu ut quilajeꞌecꞌan saꞌ xnaꞌajeb. Quicuan li butꞌ saꞌ ruchichꞌochꞌ ut cau yo̱ chi ecꞌa̱nc xya̱b li haꞌ nak yo̱ xcutlenquil lix cau ok.

Miqueas 1:4

Ut nak ta̱be̱k saꞌ xbe̱neb li tzu̱l, telajeꞌhaꞌokꞌ li tzu̱l xban. Chanchan nak nahaꞌoꞌ li cera xban li xam. Nak teꞌhaꞌokꞌ li tzu̱l, teꞌhoyekꞌ. Chanchanak li haꞌ li na-el chak saꞌ tzu̱l.

Oseas 14:4

Ut li Ka̱cuaꞌ texsume ut tixye e̱re: —La̱in tincuisi chixjunil le̱ ma̱usilal. Ut yal xban li cuusilal, texinra xban nak incꞌaꞌ chic yo̱ injoskꞌil saꞌ e̱be̱n.

Lamentaciones 5:22

¿Malaj ut toa̱tzꞌekta̱na chi junaj cua? ¿Ma junelic yo̱k a̱joskꞌil saꞌ kabe̱n?

Jeremías 15:3

Ca̱hib pa̱y ru li tojba ma̱c tinqꞌue saꞌ xbe̱neb. La̱in tincanabeb chi camsi̱c saꞌ li ple̱t. Eb li tzꞌiꞌ teꞌxtꞌupi eb li camenak ut eb li soꞌsol, joꞌ eb ajcuiꞌ li joskꞌ aj xul li cuanqueb saꞌ qꞌuicheꞌ teꞌxtiu lix tibeleb.

Jeremías 9:22

Eb li camenak tꞌantꞌo̱queb yalak bar. Chanchaneb li cꞌot saꞌ li cꞌaleba̱l. Chanchan li ru trigo li natꞌaneꞌ chirixeb li yo̱queb chi sicꞌoc re ut ma̱ ani ta̱xocok re”, chan.

Jeremías 8:2

Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.

Jeremías 4:8

Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

Salmos 114:7

Li nimajcual Dios li quixlokꞌoni laj Jacob kꞌaxal nim xcuanquil. Joꞌcan nak na-ecꞌan li ruchichꞌochꞌ chiru.

Salmos 106:40

Cꞌajoꞌ nak quijoskꞌoꞌ li Dios saꞌ xbe̱neb lix tenamit. Joꞌcan nak quixtzꞌekta̱naheb.

Salmos 83:10

La̱at casach ruheb saꞌ li naꞌajej Endor ut aran queꞌkꞌa ut queꞌsukꞌi chokꞌ xkꞌemal li chꞌochꞌ.

Salmos 78:38

Abanan junelic quixtokꞌoba ruheb. Quixcuy xma̱queb. Nabal sut quijoskꞌoꞌ saꞌ xbe̱neb; abanan quixcuy rib. Joꞌcan nak incꞌaꞌ quixsach ruheb xban xjoskꞌil.

Salmos 77:18

Lix ya̱b li ca̱k qui-abi̱c saꞌ li ikꞌ. Quisakenoꞌ li ruchichꞌochꞌ xban li rakꞌ li ca̱k ut qui-ecꞌan saꞌ xnaꞌaj xban li hi̱c.

Salmos 68:8

Ut qui-ecꞌan li chꞌochꞌ xban la̱ cuanquil. Ut quixqꞌue li hab. Ut li tzu̱l Sinaí qui-ecꞌan xban xnimal la̱ cuanquilal, la̱at lix Dioseb laj Israel.

2 Reyes 13:3

Xban li ma̱usilal li queꞌxba̱nu, quichal xjoskꞌil li Ka̱cuaꞌ Dios saꞌ xbe̱neb laj Israel. Najt quixcanabeb rubel xcuanquil laj Hazael lix reyeb laj Siria joꞌ ajcuiꞌ laj Ben-adad li ralal.

1 Reyes 21:24

Ut eb la̱ cualal a̱cꞌajol li teꞌca̱mk saꞌ tenamit teꞌcꞌuxekꞌ xbaneb li tzꞌiꞌ. Ut eb li teꞌca̱mk saꞌ cꞌaleba̱l teꞌcꞌuxekꞌ xbaneb li soꞌsol, chan li Dios.

1 Reyes 16:4

Eb la̱ cualal a̱cꞌajol li teꞌca̱mk saꞌ tenamit teꞌtiꞌekꞌ xbaneb li tzꞌiꞌ. Ut eb li teꞌca̱mk saꞌ cꞌaleba̱l teꞌtiꞌekꞌ xbaneb li soꞌsol,” chan li Ka̱cuaꞌ.—

1 Reyes 14:11

Eb li ralal xcꞌajol laj Jeroboam li teꞌca̱mk saꞌ tenamit teꞌtiꞌekꞌ xbaneb li tzꞌiꞌ. Ut eb li teꞌca̱mk saꞌ cꞌaleba̱l teꞌtiꞌekꞌ xbaneb li soꞌsol xban nak joꞌcan xye li Ka̱cuaꞌ.”

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Éxodo 7:19

Li Dios quixye ajcuiꞌ re laj Moisés: —Ta̱ye re laj Aarón, “Yeꞌ la̱ xukꞌ saꞌ xbe̱neb li haꞌ li cuan Egipto, saꞌ xbe̱neb li nimaꞌ, li cocꞌ rok haꞌ, joꞌ eb ajcuiꞌ li palau re nak ta̱quicꞌokꞌ. Yalak bar naxocman cuiꞌ li haꞌ saꞌ li tenamit Egipto, junes quicꞌ chic ta̱tauma̱nk,” chan.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Isaías 14:19

Abanan la̱at incꞌaꞌ catmukeꞌ saꞌ xya̱lal. Xattzꞌekeꞌ joꞌ nak natzꞌekman li rukꞌ cheꞌ. Tzꞌektzꞌo̱cat saꞌ xya̱nkeb li queꞌcamsi̱c chi chꞌi̱chꞌ. Tatcutekꞌ saꞌ chamal jul rochbeneb joꞌ eb li camenak li yekꞌinbileb.

Isaías 23:11

Li Ka̱cuaꞌ quixyeꞌ li rukꞌ saꞌ xbe̱n li palau ut eb li cuanqueb xcuanquil nequeꞌsicsot xban xxiuheb. Quixye nak ta̱sachekꞌ xcuanquileb li tenamit li nequeꞌxcol cuiꞌ ribeb laj Canaán.

Isaías 25:11

Teꞌxyeꞌ li rukꞌeb re xba̱nunquil li cꞌaꞌru nequeꞌraj joꞌ nequeꞌxba̱nu li nequeꞌnumxic. Abanan incꞌaꞌ teꞌru̱k xban nak li Dios tixcubsi xcuanquileb.

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Isaías 51:20

Xeꞌsach xnaꞌleb le̱ ralal e̱cꞌajol. Yalak bar tꞌantꞌo̱queb saꞌ be. Chanchaneb li quej li queꞌchapeꞌ saꞌ jun li raꞌal. Li Dios quirisi xjoskꞌil saꞌ xbe̱neb nak quixkꞌuseb.

Isaías 64:3

Nak ma̱cꞌaꞌ saꞌ kachꞌo̱l la̱at caba̱nu li sachba chꞌo̱lej. Catcube chak saꞌ choxa ut eb li tzu̱l queꞌecꞌan saꞌ xnaꞌajeb cha̱cuu.

Isaías 66:15

Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Isaías 66:24

Teꞌe̱lk ut teꞌril lix tibeleb li cristian li xeꞌtzꞌekta̱nan cue. Ac camenakeb chic. Eb li motzoꞌ li nequeꞌcꞌuxuc re lix tibel incꞌaꞌ teꞌca̱mk, chi moco ta̱chupk li xam li nacꞌatoc reheb. Cꞌajoꞌak xyibaleb ru ta̱cꞌutu̱nk chiruheb li tenamit, chan li Ka̱cuaꞌ Dios.

Jeremías 17:4

Te̱sach le̱ naꞌaj li quinqꞌue e̱re xban li ma̱c li xeba̱nu. Texinqꞌue chi cꞌanjelac chiruheb li xicꞌ nequeꞌiloc e̱re saꞌ li naꞌajej li incꞌaꞌ nequenau xban nak xechikꞌ injoskꞌil. Anakcuan junelic yo̱k injoskꞌil saꞌ e̱be̱n, chan li Dios.

Ezequiel 6:14

La̱in tinsach ru lix naꞌajeb li teꞌcua̱nk cuiꞌ. Ma̱cꞌaꞌ chic cua̱nk chi saꞌ. Li naꞌajej chanchanak chic li chaki chꞌochꞌ naticla chak saꞌ li sur ut nacuulac cuan cuiꞌ li naꞌajej Diblat re nak eb laj Israel teꞌxqꞌue retal nak la̱in li Ka̱cuaꞌ.—

Ezequiel 30:25

La̱in tinqꞌue xcuanquil lix reyeb laj Babilonia, ut lix reyeb laj Egipto ta̱cana̱k chi ma̱cꞌaꞌ chic xcuanquil. Eb aꞌan teꞌxqꞌue retal nak la̱in li Ka̱cuaꞌ nak tinqꞌue xmetzꞌe̱u lix reyeb laj Babilonia chi pletic riqꞌuineb laj Egipto. Chanchan nak tinqꞌue lin chꞌi̱chꞌ saꞌ rukꞌ lix reyeb laj Babilonia.

Amós 8:8

¿Ma incꞌaꞌ ta biꞌ ta̱ecꞌa̱nk li ruchichꞌochꞌ riqꞌuin chixjunil aꞌin? Ut, ¿ma incꞌaꞌ ta biꞌ teꞌya̱bak chixjunileb li tenamit xban li raylal li teꞌxcꞌul? Nak teꞌsachekꞌ chanchan nak nasachoc li nimaꞌ Nilo li cuan aran Egipto nak nabutꞌin.

Deuteronomio 31:18

Ut la̱in incꞌaꞌ tincuabi lix tijeb saꞌ li cutan aꞌan. Tinmuk ban cuib chiruheb xban li ma̱usilal teꞌxba̱nu nak teꞌxlokꞌoniheb li jalanil Dios.

Li xHu LAJ JOB 9:13

Nak li Dios najoskꞌoꞌ moco nanumeꞌ ta lix joskꞌil chi junpa̱t. Ut eb li kꞌaxal kꞌetkꞌeteb nequeꞌxcubsi ribeb rubel xcuanquil.

Isaías 9:11

Li Ka̱cuaꞌ quixchikꞌ xjoskꞌileb li xicꞌ nequeꞌiloc reheb. Queꞌxchꞌutub ribeb re teꞌxic chi pletic riqꞌuineb laj Israel.

Isaías 9:16

Eb li nequeꞌcꞌamoc be, aꞌaneb li nequeꞌbalakꞌin reheb li tenamit. Ut eb li tenamit nequeꞌxpa̱b li cꞌaꞌru nequeꞌxye. Joꞌcan nak nequeꞌsach.

Isaías 9:20

Yalak bar teꞌxsicꞌ xtzacae̱mkeb li tenamit. Teꞌcuaꞌak ut incꞌaꞌ ta̱cꞌojla̱k xchꞌo̱leb. Junelic ban teꞌtzꞌoca̱k toj retal teꞌxtiu xtibeleb lix cocꞌaleb.

Isaías 29:2

Chirix aꞌan li Dios tixqꞌue li raylal saꞌ xbe̱n li tenamit Jerusalén. Teꞌyotꞌekꞌ xchꞌo̱leb ut teꞌya̱bak ut chixjunil li tenamit chanchanak jun li artal li junelic cuan quicꞌ saꞌ xbe̱n.

Jeremías 6:12

Eb li rochoch ta̱cana̱k chokꞌ reheb jalan chic, joꞌ ajcuiꞌ lix chꞌochꞌeb ut eb li rixakil. Joꞌcaꞌin teꞌxcꞌul xban nak la̱in tinqꞌueheb chixtojbal lix ma̱queb li cuanqueb saꞌ li naꞌajej aꞌin.

Ezequiel 15:6

Joꞌcaꞌin xye li Ka̱cuaꞌ li nimajcual Dios: Chanru nak xinqꞌue chicꞌatk lix cheꞌel li uvas li cuan saꞌ qꞌuicheꞌ, joꞌcan ajcuiꞌ tinba̱nu nak tinsach ruheb lin tenamit li cuanqueb Jerusalén.