Isaías 5:24 - Li Santil hu

²⁴ Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Q'eqchi Bible

²⁴ Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Isaías 5:24 ပူးပေါင်းရင်းမြစ်များ

Isaías 30:12

Joꞌcan nak li nimajcual Dios, li Dios santo li nakalokꞌoni la̱o aj Israel, naxye chi joꞌcaꞌin: —La̱ex xetzꞌekta̱na li cua̱tin. Xecꞌojob e̱chꞌo̱l riqꞌuin li pletic ut li ma̱usilal.

Li xHu LAJ JOB 18:16

Chanchanak jun li cheꞌ nachakic lix xeꞌ ut nachakic ajcuiꞌ li rukꞌ.

San Lucas 3:17

Aꞌan chanchan jun aj acuinel ac cuan chak xcꞌanjeleba̱l saꞌ rukꞌ. Ta̱rapu chi us li ru li trigo ut tixxoc lix trigo saꞌ lix cꞌu̱leba̱l ut li rix tixcꞌat saꞌ li xam. Joꞌcan ajcuiꞌ nak li Dios ta̱risiheb li incꞌaꞌ nequeꞌpa̱ban saꞌ xya̱nkeb li ralal xcꞌajol ut tixtaklaheb saꞌ li xam li incꞌaꞌ nachup. Li ralal xcꞌajol ta̱cua̱nk xyuꞌameb chi junelic, chan laj Juan.

Joel 2:5

Chanchanakeb lix ya̱b li qꞌuila carruaje nak teꞌtakekꞌ saꞌ xbe̱n li tzu̱l ut chanchanakeb lix ya̱b li xam li yo̱ chi cꞌatoc re li chaki xak cheꞌ. Ut chanchanakeb ajcuiꞌ jun tu̱b chi soldado ac xeꞌxcauresi rib re teꞌxic chi pletic.

Isaías 47:14

Eb aꞌan teꞌsachekꞌ ruheb. Incꞌaꞌ naru teꞌxcol rixeb. Chanchanakeb li qꞌuim nak teꞌcꞌatekꞌ riqꞌuin xam. Li xam aꞌan ma̱cuaꞌ re teꞌxkꞌixna ribeb. Re ban xsachbal ruheb.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Éxodo 15:7

Riqꞌuin xnimal la̱ cuanquilal xasacheb li queꞌxyal xnimobresinquil rib cha̱cuu. Cacꞌutbesi la̱ joskꞌil chiruheb ut quilajeꞌosoꞌ joꞌ nak na-osoꞌ li qꞌuim nak nacuteꞌ saꞌ xam.

1 Ts 4:8

Joꞌcan nak li ani natzꞌekta̱nan re li tijleb aꞌin, ma̱cuaꞌ cui̱nk li naxtzꞌekta̱na. Aꞌ ban li Dios li naqꞌuehoc ke li Santil Musikꞌej, aꞌan li naxtzꞌekta̱na.

Hechos 13:41

Aꞌan aꞌin li queꞌxtzꞌi̱ba li profeta junxil: Cherabihak, la̱ex li nequextzꞌekta̱nan re li cua̱tin. Chisachk e̱naꞌleb ut chex-osokꞌ ta. La̱in yo̱quin chixba̱nunquil jun li sachba chꞌo̱lej saꞌ eb li cutan aꞌin. Li sachba chꞌo̱lej li yo̱quin chixba̱nunquil incꞌaꞌ raj te̱pa̱b cui yal ani ta junak ta̱serakꞌi̱nk e̱re.— (Hab. 1:5)

San Juan 12:48

Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

San Lucas 7:30

Abanan eb laj fariseo ut eb laj tzolol chakꞌrab queꞌxtzꞌekta̱na li rusilal li Dios li quixcꞌoxla xba̱nunquil reheb. Ut incꞌaꞌ queꞌxcꞌul li cubi haꞌ riqꞌuin laj Juan.

San Mateo 3:12

Ac cuan chak saꞌ rukꞌ lix cꞌanjeleba̱l. Ut ta̱rapu ru chi us li riyajil li trigo ut tixchꞌutub lix trigo saꞌ lix cꞌu̱leba̱l ut li rix tixcꞌat saꞌ li xam li ma̱ jaruj nachup, chan laj Juan.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Amós 2:9

Abanan re e̱colbal la̱ex aj Israel xebinsach laj amorreo, usta kꞌaxal ni̱nkeb rok, joꞌ li caki cheꞌ chacalteꞌ. Usta kꞌaxal cau ribeb joꞌ li ji, xebinsach chi junaj cua.

Oseas 9:16

Eb li ralal xcꞌajol laj Efraín ra teꞌxcꞌul. Chanchanakeb li cheꞌ li yo̱ chi chakic xxeꞌ. Incꞌaꞌ chic teꞌcua̱nk xcocꞌaleb. Ut cui ta teꞌcua̱nk, la̱in tinmakꞌeb chiruheb, usta kꞌaxal raro xbaneb, chan li Dios.

Oseas 5:12

Joꞌcan nak la̱in tebinqꞌue chi sachecꞌ li ralal xcꞌajol laj Efraín. Ut teꞌosokꞌ ajcuiꞌ eb li ralal xcꞌajol laj Judá. Chanchanakeb chic li cꞌaꞌak re ru li namaxen ut li nacꞌuxeꞌ xban li cꞌa̱ms teꞌcana̱k.

Jeremías 8:9

Teꞌcꞌutekꞌ xxuta̱neb li cuanqueb xnaꞌleb. Teꞌsachk xnaꞌlebeb ut incꞌaꞌ chic teꞌxnau cꞌaꞌru teꞌxba̱nu. Queꞌxtzꞌekta̱na li cua̱tin. ¿Ma cuan ta biꞌ chic xnaꞌlebeb anakcuan eb aꞌan?

Jeremías 6:19

Abihomak la̱ex li cuanquex saꞌ ruchichꞌochꞌ. La̱in tinqꞌue li raylal saꞌ xbe̱neb lin tenamit xban li ma̱usilal queꞌxba̱nu. Incꞌaꞌ queꞌabin chicuu, ut queꞌxkꞌet li chakꞌrab quinqꞌue reheb.

Isaías 8:6

—Eb li tenamit aꞌin queꞌxtzꞌekta̱na li nimaꞌ Siloé, li tuktu ru ut queꞌxcꞌojob xchꞌo̱leb riqꞌuin laj Rezín ut riqꞌuin laj Peka li ralal laj Remalías.

Salmos 50:17

Incꞌaꞌ nacuulac che̱ru nak nequexinkꞌus chi moco nequeqꞌue xcuanquil li cua̱tin.

Nehemías 9:26

Abanan queꞌxchikꞌ a̱joskꞌil xban nak queꞌxkꞌet la̱ cua̱tin. Queꞌxtzꞌekta̱na li chakꞌrab li caqꞌue reheb. Queꞌxcamsiheb li profeta li queꞌyehoc reheb nak teꞌsukꞌi̱k cuiꞌchic a̱cuiqꞌuin. Cꞌajoꞌ li ma̱usilal queꞌxba̱nu.

1 Samuel 15:26

Laj Samuel quixye re: —Incꞌaꞌ tinxic cha̱cuix xban nak xatzꞌekta̱na li ra̱tin li Dios. Ut li Ka̱cuaꞌ xatxtzꞌekta̱na la̱at re nak incꞌaꞌ chic tatcua̱nk chokꞌ xreyeb laj Israel, chan.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

2 Reyes 19:22

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? ¿Ma ma̱cuaꞌ ta biꞌ chiru li Dios Santo reheb laj Israel?

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Isaías 7:9

Li tenamit Samaria, aꞌan lix nimal ru tenamit saꞌ xnaꞌajeb li ralal xcꞌajol laj Efraín. Ut laj Peka li ralal laj Remalías, aꞌan lix reyeb. Cui incꞌaꞌ cau e̱chꞌo̱l saꞌ le̱ pa̱ba̱l joꞌcan ajcuiꞌ te̱cꞌul joꞌ li teꞌxcꞌul li ralal xcꞌajol laj Efraín.—

Isaías 9:18

Lix ma̱usilaleb li tenamit chanchan jun li xam li nasachoc nak naxcꞌat li qꞌuix ut li pim. Chanchan jun li xam li naxcꞌat li qꞌuicheꞌ ut li sib nabukuknac chi xic toj takecꞌ.

Isaías 9:19

Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.

Isaías 24:6

Xban li ma̱usilal li queꞌxba̱nu quisacheꞌ ru li ruchichꞌochꞌ. Ut eb li cristian yo̱queb chixtojbal rix li ma̱c queꞌxba̱nu. Moco qꞌuiheb ta chic li teꞌcana̱k.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Oseas 11:9

La̱in incꞌaꞌ tinba̱nu li cꞌaꞌru quincꞌoxla xba̱nunquil e̱riqꞌuin nak quechikꞌ xxamlel injoskꞌil. La̱in incꞌaꞌ chic texinsach chi junaj cua, la̱ex aj Efraín, xban nak la̱in Diosin. Ma̱cuaꞌin yal cui̱nk. La̱in li Dios Santo li cuanquin saꞌ e̱ya̱nk. Incꞌaꞌ tin-oc saꞌ le̱ tenamit che̱sachbal.

Éxodo 5:12

Tojoꞌnak chixjunileb laj Israel queꞌxjeqꞌui rib saꞌ li tenamit Egipto chixsicꞌbaleb lix qꞌuim.

Deuteronomio 28:24

Li Ka̱cuaꞌ toj saꞌ choxa tixtakla chak li poks ut li samaib saꞌ e̱be̱n chokꞌ re̱kaj li hab toj retal tex-osokꞌ.

Li xHu LAJ JOB 8:17

Li xeꞌ naxic saꞌ xya̱nkeb li pec ut nequeꞌxbaqꞌui rib saꞌ xya̱nkeb li pec.

Ezequiel 15:6

Joꞌcaꞌin xye li Ka̱cuaꞌ li nimajcual Dios: Chanru nak xinqꞌue chicꞌatk lix cheꞌel li uvas li cuan saꞌ qꞌuicheꞌ, joꞌcan ajcuiꞌ tinba̱nu nak tinsach ruheb lin tenamit li cuanqueb Jerusalén.

Amós 2:4

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Judá. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxtzꞌekta̱na lin chakꞌrab ut incꞌaꞌ nequeꞌxba̱nu li cꞌaꞌru ninye reheb. Queꞌxlokꞌoni li yi̱banbil dios joꞌ queꞌxba̱nu lix naꞌ xyucuaꞌeb.