Isaías 5:21 - Li Santil hu

²¹ Raylal ta̱cha̱lk saꞌ e̱be̱n la̱ex li nequeye nak cuan e̱naꞌleb e̱junes e̱rib ut la̱ex li se̱b e̱chꞌo̱l nak nequecꞌoxla e̱rib.

Q'eqchi Bible

²¹ Ra chaalel sa' eeb'een li nekeye naq wank eena'leb' ut nekek'oxla naq seeb' leech'ool.

Isaías 5:21 ပူးပေါင်းရင်းမြစ်များ

Romanos 12:16

Junajak e̱chꞌo̱l chi ribil e̱rib. Me̱nimobresi e̱rib chiruheb le̱ ras e̱ri̱tzꞌin, ut me̱cꞌoxla nak numtajenak e̱naꞌleb.

Proverbios 3:7

Me̱cꞌoxla nak kꞌaxal cuan e̱naꞌleb e̱junes e̱rib. Chexucua̱k ban ru li Ka̱cuaꞌ ut canabomak xba̱nunquil li incꞌaꞌ us.

Proverbios 26:12

Toj naru xqꞌuebal xnaꞌlebeb li incꞌaꞌ nequeꞌxtau xya̱lal chiruheb li nequeꞌxye nak cuanqueb xnaꞌleb. ¿Ma incꞌaꞌ ta biꞌ nequeqꞌue retal aꞌan?

Romanos 1:22

Eb aꞌan nequeꞌxye nak cuanqueb xnaꞌleb abanan ma̱cꞌaꞌeb xnaꞌleb.

San Juan 9:41

Li Jesús quixye reheb: —Chanchanex mutzꞌ. Cui ta la̱ex incꞌaꞌ nequenau xya̱lal, ma̱cꞌaꞌ raj e̱ma̱c. Abanan cuan e̱ma̱c xban nak nequeye nak nequenau xya̱lal, chan li Jesús.

Proverbios 26:16

Li incꞌaꞌ naraj trabajic naxye nak aꞌan cuan xnaꞌleb chi us chiru cuukub chi cristian li nequeꞌxnau qꞌuehoc xnaꞌleb.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

Li xHu LAJ JOB 11:12

Li ani incꞌaꞌ naraj xtaubal xnaꞌleb, incꞌaꞌ ajcuiꞌ tixtau xnaꞌleb. Chanchan jun li bu̱r li tojeꞌ xyoꞌla, li toj ma̱jiꞌ natu̱lanobresi̱c.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Isaías 40:23

Naxcubsi xcuanquileb li ni̱nkeb xcuanquil ut naxcanabeb chi ma̱cꞌaꞌ nequeꞌoc cuiꞌ li nequeꞌtaklan saꞌ ruchichꞌochꞌ.

Isaías 47:10

Xecꞌojob e̱chꞌo̱l riqꞌuin li ma̱usilal xeba̱nu ut xeye, “Ma̱ ani na-iloc ke,” chanquex. Xebalakꞌi e̱rib xban nak xecꞌoxla nak cuan e̱naꞌleb ut xeye, “La̱o kꞌaxal cuan kacuanquil. Ma̱ jun chic cuan xcuanquil joꞌ la̱o,” chanquex.

Isaías 10:13

Lix reyeb laj Asiria naxye: —Chixjunil li xinba̱nu, xinba̱nu xban nak cuan innaꞌleb ut incuanquil. Xban nak ninnau cꞌoxlac, us xin-el riqꞌuin li xinba̱nu. Xinnumta saꞌ xbe̱neb nabal li tenamit ut xincꞌam chokꞌ cue lix biomaleb. Ut xinmakꞌ lix cuanquileb lix reyeb.