Isaías 5:19 - Li Santil hu

¹⁹ La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

Q'eqchi Bible

¹⁹ Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

Isaías 5:19 ပူးပေါင်းရင်းမြစ်များ

Ezequiel 12:22

—At ralal cui̱nk, ¿cꞌaꞌut nak eb laj Israel nequeꞌxye nak eb li cutan nequeꞌnumeꞌ ut incꞌaꞌ nacꞌulman li cꞌaꞌru nequeꞌxye li profetas li quicꞌuteꞌ chiruheb saꞌ visión? chanqueb.

Jeremías 17:15

Qꞌue retal li cꞌaꞌru nequeꞌxye cue li tenamit, “¿Ma toj takacꞌul ta biꞌ li cꞌaꞌru quixye a̱cue li Ka̱cuaꞌ? Cui toj takacꞌul, chicꞌulma̱nk anakcuan,” chanqueb.

Jeremías 23:36

Incꞌaꞌ chic ta̱julticokꞌ reheb xyebal, “Aꞌin ra̱tin li Ka̱cuaꞌ” xban nak cui teꞌxba̱nu aꞌan, la̱in tinsukꞌisi li cua̱tin chokꞌ raylal chokꞌ reheb. Eb li tenamit queꞌxjal ru li cua̱tin la̱in lix Dioseb laj Israel. Nim incuanquil ut yoꞌyo̱quin.

Ezequiel 12:27

—At ralal cui̱nk, eb laj Israel yo̱queb chixyebal nak toj ma̱jiꞌ ta̱cꞌulma̱nk li cꞌaꞌru xcꞌutbesi̱c cha̱cuu saꞌ visión. Toj mokon ta̱cꞌulma̱nk, chanqueb.

Jeremías 23:18

Abanan, ¿Ma cuan ta biꞌ junak naxnau cꞌaꞌru cuan saꞌ xchꞌo̱l li Ka̱cuaꞌ? ¿Ma cuan ta biꞌ junak quiril ut quirabi nak yo̱ chi a̱tinac? ¿Ma queꞌraj ta biꞌ rabinquil li ra̱tin li Ka̱cuaꞌ? ¿Ma queꞌxba̱nu ta biꞌ li cꞌaꞌru quixye?

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Isaías 30:11

Elenkex chiku. Canabomak xba̱nunquil li us li yo̱quex chixba̱nunquil. Incꞌaꞌ chic nakaj rabinquil li cꞌaꞌru nequeye chirix li kaDios santo, la̱o aj Israel, chanqueb.

Jeremías 36:23

Nak yo̱ chirilbal xsaꞌ li hu laj Jehudí, li rey quixchap li ac xril ut quixset chi chꞌi̱chꞌ ut quixcut saꞌ xam. Quixba̱nu chi joꞌcan toj retal quixchoy xcꞌatbal chixjunil li hu nak ac xeꞌrabi li cꞌaꞌru naxye.

Oseas 10:3

Anakcuan ma̱cꞌaꞌ karey, chanqueb li tenamit, xban nak incꞌaꞌ xkaxucua ru li Ka̱cuaꞌ. Ut ¿cꞌaꞌ ta cuiꞌ ru tixba̱nu li rey kiqꞌuin? chanqueb.

Malaquías 2:17

Li Ka̱cuaꞌ xtitzꞌ chirabinquil li cꞌaꞌru nequeye. Ut toj nequeye, “¿Cꞌaꞌru xtitzꞌ cuiꞌ li Ka̱cuaꞌ kaban?” Xtitzꞌ e̱ban xban nak la̱ex nequeye nak nasahoꞌ xchꞌo̱l li Dios riqꞌuin li ani naxba̱nu ma̱usilal. Ut nequeye ajcuiꞌ, “Cui ta ya̱l nak ti̱c xchꞌo̱l li Dios, ac xqꞌueheb raj chixtojbal xma̱queb li ani nequeꞌba̱nun ma̱usilal,” chanquex.