Isaías 5:17 - Li Santil hu

¹⁷ Eb li carner teꞌcuaꞌak saꞌ li tenamit jucꞌbil. Ut eb li jalaneb xtenamit teꞌcua̱nk saꞌ lix naꞌajeb li biom li ac juqꞌuinbil.

Q'eqchi Bible

¹⁷ Te'juk'e'q li tenamit ut aran, sa' li xpo'lemeb', te'ichajib'q eb' li karneer ut eb' li chib'aat.

Isaías 5:17 ပူးပေါင်းရင်းမြစ်များ

Sofonías 2:6

Li tenamit li cuan chire li palau ta̱pimokꞌ ut ta̱sukꞌi̱k chokꞌ xnaꞌajeb xul. Aran teꞌxchꞌutub ribeb laj ilol xul ut aran teꞌxqꞌue xnaꞌajeb li carner, chan li Ka̱cuaꞌ.

Isaías 7:25

Incꞌaꞌ chic tixtrabaji li chꞌochꞌ riqꞌuin asaron joꞌ queꞌxba̱nu junxil xban nak cꞌajoꞌ li qꞌuix ut li pim li ta̱cua̱nk aran. Aran ta̱qꞌuema̱nk li cuacax ut li carner, chan.

Sofonías 2:14

Lix naꞌajeb laj Asiria ta̱cana̱k chokꞌ xnaꞌajeb li xul xban nak juqꞌuinbil chic chixjunil li naꞌajej aꞌan. Tꞌantꞌo̱keb aj chic chi cutanquil li chacalteꞌ, lix cheꞌel li rochocheb. Teꞌcua̱nk cuacax aran joꞌqueb ajcuiꞌ li xul li cuanqueb saꞌ qꞌuicheꞌ. Saꞌ xbe̱n li oqueba̱l teꞌcua̱rk li soꞌsol ut eb li cuarom. Ut ta̱abi̱k nak tixjap re saꞌ li ventana.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Lamentaciones 5:2

Eb li jalaneb xtenamit queꞌxmakꞌ chiku li kanaꞌaj li xke̱chani junxil. Ut queꞌxmakꞌ ajcuiꞌ li kochoch.

Jeremías 5:28

Ni̱nkeb xtibel xban nak sa nequeꞌtzacan. Kꞌaxal cuiꞌchic numtajenak li ma̱usilal nequeꞌxba̱nu. Incꞌaꞌ nequeꞌrakoc a̱tin saꞌ ti̱quilal saꞌ xbe̱neb li ma̱cꞌaꞌ xnaꞌ xyucuaꞌeb, chi moco nequeꞌoquen chirixeb li nebaꞌ.

Isaías 65:10

Lix queto̱mkeb li cualal incꞌajol li nequeꞌsicꞌoc cue teꞌcua̱nk saꞌ li ru takꞌa Sarón. Ut eb lix cuacax teꞌichajibk saꞌ li ru takꞌa Acor.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Isaías 32:14

Li palacio ta̱canaba̱k chi ma̱cꞌaꞌ chic cuan chi saꞌ. Ut ma̱cꞌaꞌak chic cristian ta̱cana̱k saꞌ li tenamit, usta nabaleb junxil. Chixjunileb li cab li najt xteram joꞌ eb ajcuiꞌ li cab li nequeꞌxcol cuiꞌ ribeb teꞌsachekꞌ. Junes chic eb li bu̱r re qꞌuicheꞌ ut eb li queto̱mk teꞌcua̱nk aran.

Isaías 17:2

Eb li tenamit li cuanqueb Aroer teꞌcana̱k chi ma̱cꞌaꞌ chic cristian. Eb li carner teꞌcuaꞌak aran ut ma̱ ani ta̱seꞌbesi̱nk reheb saꞌ li naꞌajej aꞌan.

Isaías 10:16

Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Isaías 1:7

Queꞌsacheꞌ ruheb le̱ tenamit ut queꞌcꞌateꞌ. Yo̱quex chi iloc la̱ex nak eb li jalan xtenamit nequeꞌxtzaca li cꞌaꞌru xerau. Eb li jalan xtenamit queꞌxchap chixjunil li cꞌaꞌru e̱re ut le̱ chꞌochꞌ xcana chi ma̱cꞌaꞌ chic cuan chi saꞌ.

Salmos 119:70

Eb li cui̱nk aꞌin cauheb xchꞌo̱l. Joꞌcan nak incꞌaꞌ nequeꞌxtau xya̱lal. Abanan la̱in nasahoꞌ saꞌ inchꞌo̱l riqꞌuin la̱ chakꞌrab.

Salmos 73:7

Kꞌaxal ni̱nkeb xtibeleb xban nak cuan chixjunil reheb. Joꞌcan ajcuiꞌ li ma̱usilal li cuan saꞌ ra̱meb. Kꞌaxal numtajenak xqꞌuial.

Salmos 17:14

Riqꞌuin la̱ cuanquil china̱col chiruheb li sa nequeꞌxnumsi li cutan junju̱nk xban lix biomaleb arin saꞌ ruchichꞌochꞌ. Canabeb chixba̱nunquil li cꞌaꞌru nequeꞌraj toj retal teꞌosokꞌ joꞌqueb ajcuiꞌ li ralal xcꞌajol ut eb li ri xmam.

Salmos 17:10

Eb aꞌan incꞌaꞌ nequeꞌtokꞌoban u. Kꞌetkꞌeteb ut nequeꞌxnimobresi rib riqꞌuin li cꞌaꞌru nequeꞌxye.

Nehemías 9:37

Kꞌaxal nabal cuiꞌchic ru li acui̱mk naxqꞌue saꞌ li cha̱bil chꞌochꞌ aꞌin. Abanan chixjunil naxic chokꞌ re li rey li xaqꞌue chi takla̱nc saꞌ kabe̱n xban nak xoma̱cob cha̱cuu. Eb aꞌan nequeꞌxba̱nu li cꞌaꞌru nequeꞌraj ke la̱o joꞌ ajcuiꞌ saꞌ xbe̱neb li kaqueto̱mk ut kꞌaxal ra cuanco.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

Deuteronomio 28:33

Ut li jalaneb xtenamit tixmakꞌ che̱ru le̱ racui̱mk li xetacuasi e̱rib xcꞌanjelanquil. Xicꞌ chic tex-ilekꞌ ut junes raylal chic te̱cꞌul.

Oseas 4:16

La̱ex laj Israel, kꞌaxal cau e̱chꞌo̱l. Chanchanex li joskꞌ aj cuacax. ¿Chan ta cuiꞌ ru nak texinberesi saꞌ cha̱bilal joꞌ nak naxberesi lix carner li cha̱bil pastor?