Isaías 5:14 - Li Santil hu

¹⁴ Lix naꞌajeb li camenak ac cauresinbil ut yo̱ chiroybeninquil li ani ta̱ca̱mk. Chanchan teto li re nak yo̱ chiroybeninquil chixjunileb li teꞌca̱mk. Ut eb li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil telajeꞌxic saꞌ li naꞌajej aꞌan.

Q'eqchi Bible

¹⁴ Jo'kan naq li xna'ajeb' li kamenaq yo chi nimank: kama' junaq josq' aj xul, teeto li re chi xnuq'b'aleb' li poyanam jo'wi' li xjolomileb', a'eb' li sa neke'ninq'ehik.

Isaías 5:14 ပူးပေါင်းရင်းမြစ်များ

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Habacuc 2:5

Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani.

Proverbios 30:16

Li oxibeb, aꞌaneb aꞌin: li mukleba̱l, ut li ixk li incꞌaꞌ nequeꞌqꞌuiresin, ut li chaki chꞌochꞌ li ta̱raj tꞌakresi̱c. Ut li xca̱ li incꞌaꞌ naxcꞌojob xchꞌo̱l riqꞌuin li joꞌ qꞌuial naxcꞌul, aꞌan li xam.

San Mateo 7:13

Chex-oc saꞌ li oqueba̱l li caꞌchꞌin ru xban nak nim ru li oqueba̱l ut nim ru li be li naxic saꞌ li tojba ma̱c ut nabaleb li nequeꞌxic aran.

Proverbios 27:20

Li xbalba ut li mukleba̱l ma̱ jokꞌe nequeꞌnujac riqꞌuin li joꞌ qꞌuial nequeꞌxcꞌul. Joꞌcaneb ajcuiꞌ li cristian. Incꞌaꞌ nequeꞌcꞌojla xchꞌo̱l riqꞌuin li joꞌ qꞌuial cuan reheb. Toj nequeꞌxrahi ru xtzꞌakob.

Salmos 55:15

Cheꞌca̱mk taxak ut teꞌxic ta chi junpa̱t saꞌ xbalba xban nak junes incꞌaꞌ us nequeꞌxba̱nu saꞌ rochocheb ut li ra̱meb nujenak chi ma̱usilal.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Isaías 14:9

Chanchan nak queꞌsach xchꞌo̱leb li camenak nak queꞌril nak yo̱ chi cuulac lix reyeb laj Babilonia saꞌ xnaꞌajeb li camenak. Chanchan nak quilajeꞌcuacli saꞌ li cꞌojariba̱l li queꞌcuan chokꞌ xreyeb li qꞌuila tenamit chixcꞌulbal lix reyeb laj Babilonia.

San Lucas 17:27

Saꞌ eb li cutan aꞌan li tenamit yo̱queb chi cuaꞌac ut yo̱queb chi ucꞌac. Yo̱queb chi sumla̱c ut yo̱queb chi sumuba̱nc toj quicuulac xkꞌehil nak laj Noé qui-oc saꞌ li jucub cab. Nak ma̱cꞌaꞌ saꞌ xchꞌo̱leb quichal li butꞌi haꞌ ut quilajxsacheb chixjunileb li incꞌaꞌ queꞌoc saꞌ li jucub cab.

Isaías 21:4

Ninsicsot xban inxiu ut nachꞌinan inchꞌo̱l. Nak sa saꞌ inchꞌo̱l ninsahoꞌ nak na-oc li kꞌojyi̱n. Abanan anakcuan nak yo̱ inxiu incꞌaꞌ nacuaj nak ta̱oc li kꞌojyi̱n.

Proverbios 1:12

Chanchan nukꞌbil takaba̱nu nak takacamsiheb. Chanchan teꞌnukꞌekꞌ xban li jul nak takacamsiheb chi ma̱cꞌaꞌ saꞌ xchꞌo̱leb.

Salmos 49:14

Li ca̱mc aꞌan tenebanbil saꞌ xbe̱neb chixjunileb. Chanchaneb li carner re camsi̱c. Ut lix tibeleb ta̱kꞌa̱k saꞌ li mukleba̱l. Ut li mukleba̱l aꞌanak chic li rochocheb. Ut saꞌ jun cutan li ti̱queb xchꞌo̱l, aꞌan eb chic li teꞌqꞌuehekꞌ xlokꞌal.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Isaías 14:11

Junxil quiqꞌueheꞌ a̱lokꞌal riqꞌuin arpa, abanan ma̱cꞌaꞌ chic la̱ lokꞌal. Xnuja̱c la̱ tibel chi motzoꞌ. Chanchan nak yocyo̱cat saꞌ xbe̱neb li motzoꞌ.

Isaías 24:8

Incꞌaꞌ chic na-abi̱c xya̱b li cuajb ut li tambor. Ut incꞌaꞌ chic na-abi̱c li choki̱nc li nequeꞌxba̱nu li tenamit nak sa saꞌ xchꞌo̱leb.

Ezequiel 7:12

Xcuulac xkꞌehil ut xcuulac xcutanquil nak li ani ta̱lokꞌok incꞌaꞌ ta̱sahokꞌ xchꞌo̱l riqꞌuin li tixlokꞌ. Ut li ani ta̱cꞌayi̱nk incꞌaꞌ ta̱rahokꞌ xchꞌo̱l riqꞌuin li tixcꞌayi xban nak lin joskꞌil cuan saꞌ xbe̱n chixjunileb li tenamit.