Isaías 5:13 - Li Santil hu

¹³ Joꞌcan nak eb li tenamit teꞌchapekꞌ ut teꞌcꞌamekꞌ saꞌ jalan tenamit xban nak incꞌaꞌ nequeꞌxtau xya̱lal. Eb li cuanqueb xcuanquil teꞌca̱mk xban xtzꞌocajiqueb ut eb li jun chꞌol chic teꞌca̱mk xban chaki el.

Q'eqchi Bible

¹³ Maak'a' xna'leb' lintenamit, jo'kan naq te'chape'q ut te'isiiq sa' xna'ajeb'. Li xninqaleb' ru winq kamkeb' re xb'aan tz'okaak ut chixjunileb' li poyanam te'chaqiq xb'aan chaqi'eel.

Isaías 5:13 ပူးပေါင်းရင်းမြစ်များ

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Isaías 1:3

Li bo̱yx naxnau ru laj e̱chal re ut li bu̱r naxnau bar qꞌuebil xnaꞌaj xban laj e̱chal re. Abanan lin tenamit Israel incꞌaꞌ nequeꞌxnau cuu chi moco nequeꞌxtau ru lix ya̱lal.

Isaías 27:11

Eb li rukꞌ li cheꞌ queꞌchakic ut queꞌtokeꞌ. Ut eb li ixk nequeꞌxsicꞌ chokꞌ xsiꞌeb. Eb li tenamit incꞌaꞌ nequeꞌxtau xya̱lal. Joꞌcan nak li Ka̱cuaꞌ, li quiyoꞌobtesin reheb incꞌaꞌ quiril xtokꞌoba̱l ruheb. Incꞌaꞌ quiruxta̱naheb ru.

Romanos 1:28

Xban nak incꞌaꞌ nequeꞌxcꞌoxla li Dios, joꞌcan nak queꞌtzꞌekta̱na̱c xban li Dios saꞌ li tzꞌekbe̱tal aj naꞌleb chixba̱nunquil li moco uxc ta naraj.

Isaías 1:7

Queꞌsacheꞌ ruheb le̱ tenamit ut queꞌcꞌateꞌ. Yo̱quex chi iloc la̱ex nak eb li jalan xtenamit nequeꞌxtzaca li cꞌaꞌru xerau. Eb li jalan xtenamit queꞌxchap chixjunil li cꞌaꞌru e̱re ut le̱ chꞌochꞌ xcana chi ma̱cꞌaꞌ chic cuan chi saꞌ.

2 Pedro 3:5

Li nequeꞌxye chi joꞌcan incꞌaꞌ nequeꞌraj xjulticanquil chanru qui-uxman chak najter. Incꞌaꞌ nequeꞌraj xqꞌuebal retal nak yal riqꞌuin ra̱tin li Dios quixyoꞌobtesi li choxa ut li ruchichꞌochꞌ. Li Dios quixyi̱b li ruchichꞌochꞌ saꞌ haꞌ ut saꞌ xbe̱n haꞌ quicꞌojla li chꞌochꞌ xban li Dios.

Lamentaciones 4:9

Kꞌaxal us chokꞌ reheb li xeꞌcamsi̱c saꞌ li ple̱t chiruheb li nequeꞌcam xban xtzꞌocajiqueb. Eb aꞌan timil timil nequeꞌcam xban nak ma̱cꞌaꞌ chic xtzacae̱mkeb.

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Jeremías 14:3

Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

San Lucas 19:44

Teꞌxjuqꞌui le̱ tenamit ut teꞌxtꞌan, joꞌqueb ajcuiꞌ chixjunileb li cuanqueb aran. Ma̱ jun chic li pec ta̱cana̱k saꞌ xnaꞌaj. Te̱cꞌul chi joꞌcan xban nak la̱ex incꞌaꞌ xeqꞌue retal nak li Dios xcꞌulun e̱riqꞌuin che̱colbal, chan li Jesús.

Amós 8:13

Saꞌ eb li cutan aꞌan, eb li tukꞌ ixk joꞌqueb ajcuiꞌ li chꞌajom teꞌsachk xnaꞌleb ut teꞌtꞌanekꞌ xban chaki el.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

Isaías 3:1

Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

Isaías 3:3

Ta̱risiheb li nequeꞌtaklan saꞌ xbe̱neb li mero ciento chi soldado. Ta̱risiheb li cui̱nk li ni̱nkeb xcuanquil joꞌ eb ajcuiꞌ laj qꞌuehol naꞌleb. Ta̱risiheb li nequeꞌxnau xyi̱banquil xsahob ru riqꞌuin chꞌi̱chꞌ ut ta̱risiheb ajcuiꞌ li nequeꞌxnau chi us balakꞌic.

Isaías 23:9

Li Ka̱cuaꞌ li nimajcual Dios, aꞌan li quicꞌu̱ban ru xba̱nunquil li raylal re li tenamit Tiro re nak ta̱cubsi̱k xcuanquileb li kꞌetkꞌeteb. Ta̱isi̱k xlokꞌaleb li nequeꞌqꞌueheꞌ xlokꞌal yalak bar saꞌ ruchichꞌochꞌ.

Isaías 44:19

Li cui̱nk li quiyi̱ban re ma̱cꞌaꞌ xnaꞌleb. Incꞌaꞌ nacꞌoxlac chi moco naru tixye, “Jun jachal li cheꞌ xincꞌat. Xinyi̱b lin tzacae̱mk ut xinpom lin tib ut xincuaꞌac. ¿Ma tinyi̱b ta biꞌ li dios cheꞌ li ma̱cꞌaꞌ na-oc cuiꞌ riqꞌuin li jun jachal chic? ¿Ma naru ta biꞌ tincuikꞌib cuib chiru jun tokolak li cheꞌ?”

Isaías 49:21

Ut la̱at ta̱ye saꞌ a̱chꞌo̱l, “¿Bar xeꞌchal chak li tenamit aꞌin? La̱in ra saꞌ inchꞌo̱l xban nak lin tenamit xcana chi ma̱cꞌaꞌ chic cristian chi saꞌ. Xintzꞌekta̱na̱c ut quincꞌameꞌ saꞌ jalan naꞌajej. Quincanaba̱c injunes. Ut ¿bar xeꞌchal chak eb li tenamit aꞌin?”

Isaías 65:13

Li Ka̱cuaꞌ li nimajcual Dios quixye: —Eb li nequeꞌcꞌanjelac chicuu cua̱nk xcuaheb, abanan la̱ex li nequexkꞌetoc li cua̱tin te̱cuy e̱saꞌ. Eb li nequeꞌcꞌanjelac chicuu cua̱nk rucꞌaheb, abanan la̱ex te̱cuy e̱chaki el. Eb li nequeꞌcꞌanjelac chicuu teꞌsahokꞌ saꞌ xchꞌo̱leb, abanan la̱ex li nequeba̱nu li incꞌaꞌ us, ta̱cꞌutekꞌ e̱xuta̱n.

Ezequiel 7:12

Xcuulac xkꞌehil ut xcuulac xcutanquil nak li ani ta̱lokꞌok incꞌaꞌ ta̱sahokꞌ xchꞌo̱l riqꞌuin li tixlokꞌ. Ut li ani ta̱cꞌayi̱nk incꞌaꞌ ta̱rahokꞌ xchꞌo̱l riqꞌuin li tixcꞌayi xban nak lin joskꞌil cuan saꞌ xbe̱n chixjunileb li tenamit.

Proverbios 10:21

Li cha̱bil a̱tin nequeꞌxye li ti̱queb xchꞌo̱l naxtenkꞌa nabal. Abanan eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌxtau xya̱lal.