Isaías 5:12 - Li Santil hu

¹² Ut saꞌ li ninkꞌe li nequeba̱nu yo̱ le̱ son. Nak nequeqꞌue le̱ son nequechꞌeꞌ li arpa, li salterio, li tambor, ut li xo̱lb. Ut nequerucꞌ li vino. Abanan incꞌaꞌ nequecꞌoxla li Dios chi moco nequeqꞌue retal li cꞌaꞌru naxba̱nu.

Q'eqchi Bible

¹² Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Isaías 5:12 ပူးပေါင်းရင်းမြစ်များ

Salmos 28:5

Eb aꞌan incꞌaꞌ nequeꞌxqꞌue xcuanquil li cꞌaꞌru quixyi̱b li Ka̱cuaꞌ chi moco li cꞌaꞌru naxba̱nu. Joꞌcan nak li Dios tixqꞌueheb chixtojbal rix lix ma̱queb ut tixsacheb chi junaj cua.

Li xHu LAJ JOB 34:27

Eb aꞌan incꞌaꞌ queꞌabin chiru li Dios. Queꞌxcanab ban xba̱nunquil li cꞌaꞌru naraj.

San Judas 1:12

Xuta̱nal chokꞌ e̱re nak cuanqueb laj balakꞌ saꞌ e̱ya̱nk nak nequeba̱nu le̱ ninkꞌe re sahil chꞌo̱lej. Eb laj balakꞌ caꞌaj cuiꞌ li numcuaꞌac ut num ucꞌac nequeꞌxba̱nu ut incꞌaꞌ nequeꞌxuta̱nac. Junes xchꞌolaninquileb rib nequeꞌxcꞌoxla. Eb laj balakꞌ aꞌan chanchaneb li chok li ma̱cꞌaꞌ hab chi saꞌ, li nacꞌameꞌ yalak bar xban li ikꞌ. Laj balakꞌ ma̱cꞌaꞌ nequeꞌoc cuiꞌ. Chanchaneb li cheꞌ li incꞌaꞌ nequeꞌu̱chin, li namichꞌman chi junaj cua ut nachakic.

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.

Isaías 22:13

Abanan la̱ex sa saꞌ e̱chꞌo̱l nak yo̱quex chi ninkꞌei̱c. Xecamsiheb li carner ut li cuacax re te̱tiu. Xexcuaꞌac ut xex-ucꞌac vino. Xeye: —Cuaꞌako, ucꞌako xban nak ma̱re cuulaj caꞌbej nococam, chanquex.

Isaías 5:19

La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

Génesis 31:27

—¿Cꞌaꞌut nak incꞌaꞌ xaye cue nak e̱lc chak e̱re cuiqꞌuin? Cui ta xaye cue, la̱in xinba̱nu raj jun nimla ninkꞌe re e̱chakꞌrabinquil. Xinbokeb raj saꞌ li ninkꞌe li nequeꞌchꞌeꞌoc tambor joꞌ eb ajcuiꞌ li nequeꞌchꞌeꞌoc arpa.

1 Corintios 14:7

Ut joꞌcan ajcuiꞌ li cꞌaꞌak re ru incꞌaꞌ yoꞌyo joꞌ li xo̱lb ut li arpa. Cui incꞌaꞌ nachꞌeꞌman chi tzꞌakal incꞌaꞌ nacꞌutun li cꞌaꞌru yo̱ chixya̱basinquil ut ma̱cꞌaꞌ rajbal nak nachꞌeꞌman.

1 Samuel 12:24

Qꞌuehomak e̱chꞌo̱l chi cꞌanjelac chiru li Ka̱cuaꞌ ut chexucua ru. Cheqꞌuehak retal li sachba chꞌo̱lej ut li xni̱nkal usilal quixba̱nu e̱re.

2 Samuel 19:35

La̱in cuan ca̱cꞌa̱l chihab cue anakcuan. Ma̱cꞌaꞌ chic naxqꞌue xsahil inchꞌo̱l. Incꞌaꞌ chic ninnau cꞌaꞌru li sa xtzacanquil, chi moco naru tincuutzꞌ ma sunu̱nc malaj ut incꞌaꞌ sunu̱nc li cua cuucꞌa. Chi moco naru chic nacuabi lix bicheb li nequeꞌbichan. ¿Cꞌaꞌut nak tinqꞌue i̱k saꞌ a̱be̱n re cuilbal?

Isaías 24:8

Incꞌaꞌ chic na-abi̱c xya̱b li cuajb ut li tambor. Ut incꞌaꞌ chic na-abi̱c li choki̱nc li nequeꞌxba̱nu li tenamit nak sa saꞌ xchꞌo̱leb.

Isaías 29:1

Raylal ta̱cha̱lk saꞌ xbe̱n li tenamit Jerusalén, li nequeꞌxye ajcuiꞌ Ariel re, li tenamit li quicuan cuiꞌ laj David. Xba̱nuhakeb cuan cuib oxibak chihab lix ninkꞌeheb.

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

Ezequiel 26:13

La̱in tinba̱nu nak incꞌaꞌ chic ta̱abi̱k xya̱b le̱ bich chi moco ta̱abi̱k xya̱b le̱ arpa.