Isaías 5:11 - Li Santil hu

¹¹ Raylal cha̱lel saꞌ e̱be̱n la̱ex li nequexcuacli toj ekꞌela ut nequexxic chi cala̱c toj retal nequex-oc kꞌojyi̱n chi cala̱c.

Q'eqchi Bible

¹¹ Ra chaalel sa' xb'eeneb' li neke'atawank b'iin toj eq'la, ut naq na'ok li q'oqyink, toj yookeb' xkalajik.

Isaías 5:11 ပူးပေါင်းရင်းမြစ်များ

Romanos 13:13

Xban nak cuanco chic saꞌ xcutan saken li Jesucristo, chocua̱nk saꞌ xya̱lal joꞌ junak tzꞌakal aj pa̱banel. Incꞌaꞌ chic toma̱cobk riqꞌuin li cala̱c, chi moco riqꞌuin li numcuaꞌac num ucꞌac, chi moco riqꞌuin muxuc caxa̱r, chi moco riqꞌuin coꞌbe̱tac yumbe̱tac, chi moco riqꞌuin li cꞌaꞌak chic re ru chi ma̱usilalil. Ut incꞌaꞌ chic topletik chi moco tocakcali̱nk.

Isaías 5:22

Raylal ta̱cha̱lk saꞌ e̱be̱n la̱ex li nequexnumta chi cala̱c ut la̱ex li cuan e̱naꞌleb re xyi̱banquil li haꞌ li nacaltesin.

Proverbios 20:1

Li na-ucꞌac vino nayiboꞌ ru lix naꞌleb. Ut li na-ucꞌac re li haꞌ li nacaltesin nasach xnaꞌleb. Li ani naba̱nun re chi joꞌcan, aꞌan ma̱cꞌaꞌ xnaꞌleb.

Gálatas 5:21

socue̱nc, camsi̱nc ras ri̱tzꞌin, cala̱c, numcuaꞌac num ucꞌac, ut cꞌaꞌak chic re ru joꞌ eb aꞌin. Yo̱quin cuiꞌchic xyebal e̱re aꞌin, usta ac inyehom ajcuiꞌ e̱re, nak li nequeꞌba̱nun re li cꞌaꞌak re ru aꞌin incꞌaꞌ teꞌre̱chani lix nimajcual cuanquilal li Dios.

1 Corintios 6:10

Eb laj e̱lkꞌ ut eb li nequeꞌxrahi ru li biomal incꞌaꞌ teꞌre̱chani lix nimajcual cuanquilal li Dios, chi moco laj calajenak, chi moco laj majecuanel, chi moco laj balakꞌ teꞌre̱chani lix nimajcual cuanquilal li Dios.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Isaías 28:1

Raylal ta̱cha̱lk saꞌ e̱be̱n la̱ex li ralal xcꞌajol laj Efraín. Xenimobresi e̱rib riqꞌuin li nimla tenamit Samaria li cuan saꞌ li ru takꞌa li cuan cuiꞌ li cha̱bil chꞌochꞌ. Ut cꞌajoꞌ le̱ kꞌetkꞌetil. Yo̱ chi sachc lix lokꞌal li tenamit Samaria xban nak junes cala̱c chic nequeꞌxba̱nu. Chanchan li utzꞌuꞌuj li yo̱ chi chakic.

Habacuc 2:15

Ra xchal saꞌ e̱be̱n la̱ex li xerahobtesiheb le̱ ras e̱ri̱tzꞌin. Chanchan xecaltesiheb nak xemakꞌ chiruheb li cꞌaꞌru reheb. Chanchan tꞌustꞌu xecanabeb nak xemakꞌ chiruheb chixjunil li cꞌaꞌru cuan reheb.

Proverbios 23:32

Cui te̱rucꞌ li vino, aꞌan naqꞌuehoc raylal. Chanchan natiꞌoc li cꞌantiꞌ.

1 Samuel 25:36

Lix Abigail co̱ cuiꞌchic saꞌ rochoch. Ut laj Nabal yo̱ chi ninkꞌei̱c chi sa saꞌ xchꞌo̱l nak quicuulac joꞌ nak nequeꞌninkꞌei̱c li rey ut ta̱cala̱k. Joꞌcan nak lix Abigail ma̱cꞌaꞌ quixye re toj saꞌ li cutan jun chic.

2 Samuel 19:35

La̱in cuan ca̱cꞌa̱l chihab cue anakcuan. Ma̱cꞌaꞌ chic naxqꞌue xsahil inchꞌo̱l. Incꞌaꞌ chic ninnau cꞌaꞌru li sa xtzacanquil, chi moco naru tincuutzꞌ ma sunu̱nc malaj ut incꞌaꞌ sunu̱nc li cua cuucꞌa. Chi moco naru chic nacuabi lix bicheb li nequeꞌbichan. ¿Cꞌaꞌut nak tinqꞌue i̱k saꞌ a̱be̱n re cuilbal?

Isaías 22:13

Abanan la̱ex sa saꞌ e̱chꞌo̱l nak yo̱quex chi ninkꞌei̱c. Xecamsiheb li carner ut li cuacax re te̱tiu. Xexcuaꞌac ut xex-ucꞌac vino. Xeye: —Cuaꞌako, ucꞌako xban nak ma̱re cuulaj caꞌbej nococam, chanquex.

Isaías 24:9

Incꞌaꞌ chic nequeꞌbichan ut incꞌaꞌ chic nequeꞌucꞌac vino. Incꞌaꞌ chic sa nequeꞌrecꞌa li vino. Cꞌa ban chic.

Isaías 28:3

Li tenamit li nequeꞌxnimobresi ribeb ut nequeꞌcala ta̱sachekꞌ ruheb ut ta̱yekꞌi̱k saꞌ chꞌochꞌ.

Isaías 56:12

Nequeꞌxye: —Quimkex. Yoꞌkeb chi ucꞌac. Tocala̱k chi us. Ut joꞌcan ajcuiꞌ cuulaj. Malaj ut kꞌaxal cuiꞌchic ta̱sahokꞌ kachꞌo̱l chiru anakcuan, chanqueb.

Habacuc 2:5

Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani.