Isaías 5:10 - Li Santil hu

¹⁰ Te̱rau laje̱b cꞌa̱m le̱ uvas, ut jun chꞌina barril ajcuiꞌ lix yaꞌal ta̱e̱lk. Ut te̱rau laje̱b coxtal li iyaj trigo, abanan jun coxtal ajcuiꞌ li ru tixqꞌue.

Q'eqchi Bible

¹⁰ Xb'aan naq lajeeb' k'aam chi uub' taa'awmanq, ut moko k'i ta li b'iin tixk'e. Jun iiq chi iyaj taa'awmanq, ut yal jun chakach ajwi' chi triiw taa'elq”.

Isaías 5:10 ပူးပေါင်းရင်းမြစ်များ

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Hageo 2:16

Nak toj ma̱jiꞌ xetiquib xyi̱banquil li templo, saꞌ e̱chꞌo̱l la̱ex nak junmay coxtal li ru le̱ trigo te̱xoc, abanan laje̱b ajcuiꞌ x-el. Ut nak oc e̱re xyatzꞌbal ru le̱ uvas, xecꞌoxla nak te̱cꞌul mero ciento cuc li xyaꞌal. Abanan junmay ajcuiꞌ x-el.

Hageo 1:6

Kꞌaxal nabal nequerau, ut ma̱cꞌaꞌ ajcuiꞌ nequekꞌol; nequexcuaꞌac ut incꞌaꞌ nequexnujac; nequex-ucꞌac ut incꞌaꞌ nanumeꞌ le̱ chaki el; nequeqꞌue le̱ rakꞌ che̱rix ut incꞌaꞌ nequextikcuoꞌ; li nacꞌanjelac saꞌ cutan, chanchan saꞌ hopol aj bo̱ls naxqꞌue lix tojbal.

Joel 1:17

Li iyaj quikꞌa saꞌ li chꞌochꞌ ut incꞌaꞌ quimok. Ma̱cꞌaꞌ chic cuan saꞌ eb li naꞌajej bar nequeꞌxxoc cuiꞌ ru li acui̱mk. Queꞌxjucꞌ li naꞌajej li naxocman cuiꞌ ru li acui̱mk xban nak incꞌaꞌ chic quixqꞌue ru li trigo.

Levítico 27:16

Cui junak naxyechiꞌi lix chꞌochꞌ re li Ka̱cuaꞌ, lix tzꞌak aꞌan aꞌ yal joꞌ qꞌuial li iyaj ta̱oc saꞌ li chꞌochꞌ. Lix tzꞌak, aꞌan laje̱b roxcꞌa̱l (50) chi tumin plata re li cuib ciento riqꞌuin junmay litro li cebada.

Deuteronomio 28:38

Nabal li iyaj li te̱rau, abanan caꞌchꞌin ajcuiꞌ li ru li te̱xoc xban nak eb laj sa̱cꞌ teꞌxcuaꞌ le̱ racui̱mk.

Deuteronomio 28:39

Te̱rau le̱ uvas ut te̱sabesi, abanan incꞌaꞌ te̱rucꞌ li xyaꞌal le̱ uvas, chi moco te̱sicꞌ li ru xban nak eb li motzoꞌ teꞌxcuaꞌ.

Isaías 7:23

Ut ta̱cꞌulma̱nk ajcuiꞌ saꞌ eb li cutan aꞌan nak li naꞌajej li na-el cuiꞌ nabal li uvas ta̱cana̱k chokꞌ xnaꞌaj li qꞌuix ut li pim. Ut aꞌan raj li naꞌajej li naqꞌuehoc jun mil chi tumin plata.

Isaías 32:13

Junes aj chic li pim ut li qꞌuix ta̱e̱lk saꞌ xnaꞌajeb le̱ racui̱mk la̱ex lin tenamit. Texya̱bak chirixeb le̱ rochoch ut eb le̱ tenamit li quisahoꞌ cuiꞌ le̱ chꞌo̱l junxil.

Jeremías 48:33

Ma̱cꞌaꞌak chic li sahil chꞌo̱lej saꞌ li xnaꞌaj li acui̱mk ut saꞌ li cꞌaleba̱l li cuanqueb Moab. Incꞌaꞌ chic ta̱yatzꞌma̱nk ru li uvas. Ma̱ ani chic tixyatzꞌ li uvas chi sa saꞌ xchꞌo̱leb. Nequeꞌxjap reheb, abanan ma̱cuaꞌ xban xsahil xchꞌo̱leb. Nequeꞌxjap ban reheb xban xrahileb xchꞌo̱l.

Éxodo 37:22

Chixjunil li candelero rochben lix sahob ru, junaj ru nak queꞌxyi̱b riqꞌuin tzꞌakal oro tenbil riqꞌuin martillo.