Isaías 5:1 - Li Santil hu

¹ Tinbicha jun li bich saꞌ xcꞌabaꞌ li kꞌaxal raro inban. Tinbicha̱nk chirix li racui̱mk. Aꞌan aꞌin li bich: Li kꞌaxal raro inban cuan jun lix chꞌochꞌ kꞌaxal cha̱bil saꞌ jun li chꞌina tzu̱l.

Q'eqchi Bible

¹ Ok we chi b'ichank cho'q re li wamiiw; tinb'icha jun li b'ich sa' xk'ab'a' li rawimq uub'. Li wamiiw wank jun xna'aj li x'uub' sa' jun siir chi chaab'il ch'och'.

Isaías 5:1 ပူးပေါင်းရင်းမြစ်များ

San Marcos 12:1

Li Jesús qui-oc chixyebal li jaljo̱quil ru a̱tin reheb ut quixye chi joꞌcaꞌin: Jun li cui̱nk quirau jun si̱r li racui̱mk uvas ut quixsut saꞌ corral. Quixyi̱b jun xnaꞌaj bar teꞌxyatzꞌ cuiꞌ li uvas ut quixyi̱b ajcuiꞌ jun chꞌina cab najt xteram re li ta̱cꞌacꞌale̱nk re li acui̱mk. Quixsiqꞌueb laj ilol re li racui̱mk. Ut laj e̱chal re li acui̱mk co̱ saꞌ jalanil tenamit.

San Lucas 20:9

Ut li Jesús qui-oc chixyebal reheb li tenamit li jaljo̱quil ru a̱tin aꞌin: —Jun li cui̱nk quirau jun si̱r li racui̱mk uvas. Quixqꞌue chi toꞌ riqꞌuineb li cui̱nk aj cꞌalom. Ut co̱ saꞌ jalan tenamit ut najt quisach.

San Juan 15:1

Li Jesús quixye ajcuiꞌ reheb: —La̱in chanchanin li xto̱nal li uvas. Ut lin Yucuaꞌ joꞌ jun li nasabesin re.

San Mateo 21:33

Abihomak jun chic li jaljo̱quil ru a̱tin li oc cue xyebal: Quicuan jun yucuaꞌbej. Quirau jun si̱r li racui̱mk uvas ut quixsut saꞌ corral. Quixyi̱b jun xnaꞌaj bar teꞌxyatzꞌ cuiꞌ li uvas ut quixyi̱b ajcuiꞌ jun chꞌina cab najt xteram re li ta̱cꞌacꞌale̱nk re li acui̱mk. Quixsiqꞌueb laj ilol re li racui̱mk. Ut laj e̱chal re co̱ chi najt saꞌ jalan tenamit.

Jeremías 2:21

La̱in xinsicꞌ e̱ru ut xexinqꞌue chi cua̱nc saꞌ le̱ naꞌaj. Chanchan nak nasiqꞌueꞌ ru li cha̱bil iyaj ut na-aueꞌ. ¿Chanru nak xejal e̱naꞌleb? Chanchanex chic li acui̱mk li ma̱cꞌaꞌ na-oc cuiꞌ.

Salmos 80:8

Chanchano li jun to̱n chi uvas nak coa̱cuisi chak aran Egipto la̱o aj Israel. Cacuisiheb li jalaneb xtenamit saꞌ li naꞌajej li coa̱cꞌam cuiꞌ ut aran coa̱qꞌue chi cua̱nc.

Cantares 2:16

Li cui̱nk li ninra, aꞌan cue la̱in ut la̱in rehin aꞌan. Aꞌan naxberesiheb lix queto̱mk saꞌ xya̱nkeb li utzꞌuꞌuj.

Cantares 6:3

Li cui̱nk li ninra, aꞌan cue la̱in ut la̱in rehin aꞌan. Yo̱ chixqꞌuebal xcuaheb lix queto̱mk saꞌ xnaꞌajeb li utzꞌuꞌuj.

Cantares 5:16

Kꞌaxal kꞌun naa̱tinac. Cꞌajoꞌ xcha̱bilal li cui̱nk aꞌan. Aꞌan lin be̱lom, li ninra, ex tukꞌ ixk aj Jerusalén.

Cantares 5:2

Usta yo̱quin chi cua̱rc, abanan quicuabi nak li cui̱nk li ninra yo̱ chixtꞌochbal li puerta. Quixye cue: —At, inraro̱quil ixakil, te li puerta. At xsum cua̱m, la̱at chanchanat jun li mucuy xban nak ma̱cꞌaꞌ a̱paltil. Xtꞌaka li cuismal xban li xchuꞌque ut yo̱ chi tꞌuluc xyaꞌal.—

Salmos 45:1

Numtajenak xsahil inchꞌo̱l nak ninbicha li bich aꞌin chokꞌ re li rey. Lix tzꞌu̱mal cue chanchan lix lápiz junak li cui̱nk li naxnau tzꞌi̱bac chi us.

Salmos 101:1

At nimajcual Dios, la̱in tinbicha̱nk re xqꞌuebal a̱lokꞌal xban nak la̱at ti̱c a̱chꞌo̱l ut nacat-uxta̱nan u.

Salmos 60:5

Choa̱tenkꞌa re nak tocolekꞌ la̱o, li raro̱co a̱ban. Choa̱sume ut choa̱col riqꞌuin xnimal la̱ cuanquilal.

Jeremías 12:10

Nabaleb li jalan tenamit li cuanqueb xcuanquil xeꞌxsach ru lix naꞌaj li cuacui̱mk. Xeꞌxyekꞌi saꞌ rokeb li cuacui̱mk. Ut xeꞌxsukꞌisi lin cha̱bil naꞌaj joꞌ chaki chꞌochꞌ xban nak ma̱cꞌaꞌ chic cuan aran.

Ezequiel 15:2

—At ralal cui̱nk, ¿ma juntakꞌe̱t ta biꞌ lix to̱nal li uvas riqꞌuin li cheꞌ li cuan saꞌ qꞌuicheꞌ? ¿Ma juntakꞌe̱t ta biꞌ li rukꞌ li uvas riqꞌuin li rukꞌ li cheꞌ li cuan saꞌ qꞌuicheꞌ?

Oseas 10:1

Eb laj Israel cꞌajoꞌ xchakꞌal ruheb. Chanchan jun to̱n li uvas naxqꞌue nabal li ru ut chiruheb ajcuiꞌ aꞌan nacꞌanjelac. Chanru nak yo̱queb chi biomocꞌ, joꞌcan ajcuiꞌ lix qꞌuialeb li artal li queꞌxyi̱b. Xban nak cha̱bil lix chꞌochꞌeb, kꞌaxal nabal cuiꞌchic li acui̱mk naxqꞌue. Ut xban nak nabal li cꞌaꞌru reheb, nabal ajcuiꞌ lix dioseb nequeꞌxyi̱b.

Deuteronomio 8:7

Li Ka̱cuaꞌ le̱ Dios yo̱ che̱cꞌambal saꞌ jun li cha̱bil naꞌajej. Aran cuan nabal li rok haꞌ, li yuꞌam haꞌ, ut li nimaꞌ, joꞌ eb ajcuiꞌ li haꞌ li nequeꞌel chak saꞌ eb li tzu̱l.

Deuteronomio 8:10

Sa texcuaꞌak toj retal ta̱cꞌojla̱k e̱chꞌo̱l. Ut texbantioxi̱nk chiru li Ka̱cuaꞌ le̱ Dios xban li cha̱bil naꞌajej li tixqꞌue e̱re.

Ezequiel 19:10

Ut quixye reheb li nequeꞌtaklan aran Israel: Le̱ naꞌ chanchan jun xto̱nal li uvas li queꞌrau chire li nimaꞌ. Xban nak nachꞌ cuan li haꞌ riqꞌuin, chꞌinaꞌus nak quiqꞌui. Cꞌajoꞌ li rukꞌ ut nabal li ru naxqꞌue.