Isaías 49:8 - Li Santil hu

⁸ Joꞌcaꞌin naxye li Ka̱cuaꞌ li nimajcual Dios: —Saꞌ xkꞌehil la̱in tinsume la̱ tij. Saꞌ xkꞌehil li colba-ib la̱in tintenkꞌa̱nk a̱cue. La̱in tin-ilok a̱cue ut tatinqꞌue chixxakabanquil lin contrato riqꞌuineb lin tenamit. Tatinqꞌue cuiꞌchic chi cua̱nc saꞌ la̱ naꞌaj ut ta̱cꞌameb cuiꞌchic lin tenamit saꞌ xnaꞌajeb.

Q'eqchi Bible

⁸ Jo'ka'in kixye li Qaawa': “Sa' chaab'il kutan xatwab'i, sa' xq'ehil li kolb'a ib' xatintenq'a. Xatinyoob'tesi ut xatinxaqab' chi xk'ojob'ankil li sumwank rik'in li tenamit, re xwaklesinkil wi' chik li na'ajej ut xjek'inkil li ch'och' ak sachb'il xchaab'ilal;

Isaías 49:8 ပူးပေါင်းရင်းမြစ်များ

2 Corintios 6:2

Joꞌcaꞌin tzꞌi̱banbil saꞌ li Santil Hu: Nak xcuulac xkꞌehil, xaya̱ba incꞌabaꞌ ut xatcuabi. Saꞌ xkꞌehil xcꞌulbal li colba-ib, xatintenkꞌa, chan li Dios. (Isa. 49:8) Joꞌcan nak la̱in ninye e̱re nak anakcuan xkꞌehil xcꞌulbal li rusilal li Dios. Anakcuan ajcuiꞌ naru texcolekꞌ.

Isaías 42:6

La̱in li Ka̱cuaꞌ li nimajcual Dios. La̱in xinsicꞌoc a̱cuu. La̱in xinqꞌuehoc re la̱ cuanquilal re nak ta̱xakab li ti̱quilal saꞌ ruchichꞌochꞌ. Saꞌ a̱cꞌabaꞌ la̱at la̱in tinba̱nu li contrato riqꞌuineb li tenamit. Ut la̱at tatcutanobresi̱nk re lix cꞌaꞌuxeb li tenamit li ma̱cuaꞌeb aj judío.

Salmos 69:13

Abanan la̱in, at Ka̱cuaꞌ, nintijoc cha̱cuu nak yo̱quin chixcꞌulbal li raylal. At inDios, china̱tenkꞌa anakcuan. Xban xnimal la̱ cuuxta̱n, china̱cuabi ut china̱col.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Isaías 61:4

Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Isaías 58:12

Eb le̱ ralal e̱cꞌajol teꞌxyi̱b cuiꞌchic li tenamit ut teꞌxcuaclesi cuiꞌchic li cimiento li juqꞌuinbil junxil. Ut naꞌno̱k chic e̱ru xban nak xeyi̱b cuiꞌchic li tzꞌac ut li tenamit li queꞌtꞌaneꞌ junxil.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

Isaías 51:16

La̱in xinqꞌue a̱cue li cua̱tin, ut xatincol riqꞌuin lin cuanquil. La̱in quinyi̱ban re li choxa joꞌ ajcuiꞌ li ruchichꞌochꞌ ut quinqꞌue saꞌ xnaꞌaj. Ut quinye reheb li cuanqueb Sión “La̱ex intenamit”, chan li Dios.

Isaías 44:26

Abanan, la̱in ninba̱nun re nak ta̱uxma̱nk li cꞌaꞌru nequeꞌxye laj cꞌanjel chicuu. Us ta̱e̱lk lix cꞌanjeleb li tintaklaheb. La̱in ninye nak teꞌcua̱nk cuiꞌchic cristian saꞌ li tenamit Jerusalén. Ut teꞌyi̱ba̱k cuiꞌchic li tenamit li cuanqueb Judá, li queꞌsacheꞌ junxil.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Isaías 49:19

Usta xsacheꞌ ru la̱ tenamit ut xtzꞌekta̱na̱c la̱ chꞌochꞌ, abanan teꞌnabalokꞌ cuiꞌchic li tenamit ut incꞌaꞌ chic ta̱tzꞌaklok li naꞌajej chokꞌ reheb. Ut eb li xeꞌsachoc a̱cuu teꞌcua̱nk chi najt.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Isaías 26:3

At Ka̱cuaꞌ, la̱at nacatqꞌuehoc reheb chi cua̱nc saꞌ usilal li nequeꞌcꞌoxlan a̱cue. Ma̱cꞌaꞌ nachꞌiꞌchꞌiꞌin reheb xban nak cauheb xchꞌo̱l a̱cuiqꞌuin.

Salmos 75:3

Nak na-ecꞌan li ruchichꞌochꞌ saꞌ xnaꞌaj ut nequeꞌsicsot li cristian xbaneb xxiu, la̱in ninchapoc re li nacu̱tun re li ruchichꞌochꞌ re nak ma̱cꞌaꞌ nequeꞌxcꞌul xban nak la̱in yal cue saꞌ xbe̱n chixjunil.

Salmos 2:8

Tzꞌa̱ma cue ut tinqꞌue a̱cue re nak ta̱cue̱chani chixjunil li tenamit. Ut tinkꞌaxtesi saꞌ a̱cuukꞌ chixjunil li ruchichꞌochꞌ.

Hebreos 8:6

Aꞌut lix cꞌanjel li Jesucristo numtajenak xcuanquil chiru li queꞌxba̱nu chak eb laj tij junxil. Saꞌ li acꞌ contrato li Jesucristo chic naa̱tinac chikix chiru li Dios. Kꞌaxal cha̱bil li acꞌ contrato xban nak riqꞌuin aꞌan kꞌaxal lokꞌ cuiꞌchic li yechiꞌinbil ke xban li Dios.

San Mateo 26:28

xban nak aꞌan aꞌin lin quiqꞌuel li ta̱hoyekꞌ re nak ta̱cuyekꞌ xma̱queb nabal chi tenamit. Ut aꞌan ta̱xakaba̱nk xcuanquil li Acꞌ Contrato.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

2 Samuel 7:13

Aꞌan li ta̱yi̱ba̱nk re li templo li tineꞌxlokꞌoni cuiꞌ li tenamit. Ut la̱in tinxakaba̱nk re saꞌ xnaꞌaj lix cuanquil chi junelic.

Isaías 27:3

Eb laj Israel, aꞌaneb lix naꞌaj lin uvas. La̱in li Ka̱cuaꞌ nin-iloc reheb. Chanchan nintꞌakresi nak nacuileb. Nequeꞌcuil chi kꞌek chi cutan re nak ma̱cꞌaꞌ teꞌxcꞌul.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Isaías 55:6

Sicꞌomak li Ka̱cuaꞌ nak toj naru xtaubal. Cheya̱ba lix cꞌabaꞌ nak toj naru texrabi.

Isaías 57:13

Nak te̱jap e̱re chixtzꞌa̱manquil e̱tenkꞌanquil, eb le̱ yi̱banbil dios incꞌaꞌ textenkꞌa. Texcꞌamekꞌ xban ikꞌ usta moco cau ta ta̱ecꞌa̱nk. Abanan eb li nequeꞌxcꞌojob xchꞌo̱l cuiqꞌuin teꞌre̱chani li naꞌajej ut teꞌre̱chani ajcuiꞌ lin santil tzu̱l.

Isaías 58:5

¿Ma aꞌin ta biꞌ li ayunic li nacuulac chicuu la̱in? ¿Ma jun cutan ajcuiꞌ naru te̱cubsi e̱rib? ¿Ma riqꞌuin xxulubanquil le̱ jolom joꞌ na-ecꞌan li caxlan aj te̱ba̱nu li us? ¿Ma nequecꞌoxla la̱ex nak riqꞌuin xqꞌuebal li kꞌes ru tꞌicr che̱rix ut riqꞌuin xyocobanquil e̱rib saꞌ li cha te̱ba̱nu li us? ¿Ma aꞌan xya̱lal li ayunic che̱ru la̱ex? ¿Ma nacuulac chicuu li ayunic chi joꞌcan nak nequecꞌoxla la̱ex?

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Isaías 65:9

La̱in tinqꞌueheb chi ta̱mc li ralal xcꞌajol laj Jacob ut laj Judá. Eb aꞌan teꞌcua̱nk saꞌ eb lin tzu̱l li quinqꞌue reheb. Li sicꞌbil ruheb inban teꞌcua̱nk saꞌ li naꞌajej li teꞌre̱chani. Aran teꞌcua̱nk li nequeꞌcꞌanjelac chicuu.