Isaías 49:4 - Li Santil hu

⁴ Abanan la̱in quincꞌoxla nak yo̱quin chi cꞌanjelac chi ma̱cꞌaꞌ rajbal. Saꞌ inchꞌo̱l la̱in nak yo̱quin chixchoybal inmetzꞌe̱u chi ma̱cꞌaꞌ aj e. Abanan, li Dios naxnau ma us ma incꞌaꞌ us li yo̱quin chixba̱nunquil. Aꞌan ta̱qꞌuehok re lin kꞌajca̱munquil.

Q'eqchi Bible

⁴ Xb'aan naq laa'in kink'oxla: “Maak'a' aj e naq xinyal inq'e chi k'anjelak, yal xintawasi wib' chi maak'a' rajb'al”. Ab'anan ninb'aanu link'anjel sa' xk'ab'a' li Qaawa' ut linq'ajkamunkil wan chaq rik'in linYos.

Isaías 49:4 ပူးပေါင်းရင်းမြစ်များ

Isaías 35:4

Qꞌuehomak xcacuil xchꞌo̱leb li yo̱queb chi lucta̱c. Yehomak reheb: —Cacuubresihomak e̱chꞌo̱l. Mexxucuac. Li Ka̱cuaꞌ ta̱colok e̱re ut tixqꞌueheb chixtojbal lix ma̱queb li xicꞌ nequeꞌiloc e̱re.—

Gálatas 4:11

Nachal incꞌaꞌux e̱ban. Ma̱re yal ma̱cꞌaꞌ rajbal nak xincꞌanjelac saꞌ e̱ya̱nk.

2 Corintios 12:15

Joꞌcan nak chixjunil li cꞌaꞌru cuan cue chi anchal inchꞌo̱l tinsach re e̱tenkꞌanquil ut tintacuasi cuib re nak texcolekꞌ. Cui kꞌaxal nequexinra, ¿ma incꞌaꞌ ta biꞌ ta̱ru̱k tine̱ra la̱in?

2 Corintios 2:15

Chanchano li sununquil ban li quixmayeja li Cristo chiru li Dios. Lix bo̱c nacuulac riqꞌuineb li nequeꞌcoleꞌ ut nacuulac ajcuiꞌ riqꞌuineb li nequeꞌsach.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

San Mateo 17:17

Li Jesús quixye: —Ex tenamit, ti̱c incꞌaꞌ nequexpa̱ban ut incꞌaꞌ us le̱ naꞌleb. ¿Joꞌ najtil chic tincua̱nk e̱riqꞌuin re nak texpa̱ba̱nk? ¿Joꞌ najtil chic texincuy nak nequecꞌoxla? Cꞌam chak li al arin cuiqꞌuin, chan li Jesús nak quichakꞌoc.

Ezequiel 3:19

Abanan cui la̱at ta̱chꞌolob lix ya̱lal chiru li incꞌaꞌ us xnaꞌleb ut cui aꞌan incꞌaꞌ tixcanab xba̱nunquil li ma̱usilal ut incꞌaꞌ tixjal xcꞌaꞌux, aꞌan ta̱ca̱mk xban lix ma̱usilal. Ma̱cuaꞌ chic la̱at cuan a̱ma̱c.

Isaías 65:23

Incꞌaꞌ teꞌcꞌanjelak chi ma̱cꞌaꞌ rajbal, chi moco eb li ralal xcꞌajol teꞌca̱mk chi toj ma̱jiꞌ nacuulac xkꞌehil. Li tenamit aꞌan osobtesinbilakeb xban li Ka̱cuaꞌ joꞌ ajcuiꞌ li ralal xcꞌajoleb.

Isaías 62:11

Li Ka̱cuaꞌ quixye reheb chixjunileb li cuanqueb saꞌ ruchichꞌochꞌ: —Yehomak reheb li cuanqueb Sión nak li Ka̱cuaꞌ ta̱cha̱lk chixcolbaleb. Ut tixcꞌam chak lix kꞌajca̱munquileb li ac xcoleb.

Isaías 40:10

Li Ka̱cuaꞌ Dios ta̱cha̱lk riqꞌuin xnimal xcuanquil ut aꞌan chic ta̱takla̱nk saꞌ xbe̱n chixjunil. Ut tixcꞌam chak lix kꞌajca̱munquileb li ac xcoleb.

Hebreos 12:2

Kaqꞌuehak kachꞌo̱l chixta̱kenquil li Jesucristo laj cꞌamol be chiku. Aꞌan naqꞌuehoc re li kapa̱ba̱l ut naxtzꞌakobresi ru. Usta xuta̱nal li ca̱mc quixcꞌul chiru li cruz, abanan incꞌaꞌ quixqꞌue saꞌ xchꞌo̱l. Ut quixcuy li raylal saꞌ kacꞌabaꞌ la̱o xban nak lix sahilal xchꞌo̱l quiqꞌueheꞌ re mokon. Ut anakcuan cuan saꞌ choxa saꞌ xnim ukꞌ li Dios.

Romanos 10:21

Ut chirixeb laj judío li Dios quixye: Junelic yo̱quin chixbokbaleb laj Israel re nak teꞌcha̱lk cuiqꞌuin. Abanan eb aꞌan incꞌaꞌ nequeꞌabin chicuu. Nequeꞌxkꞌet ban li cua̱tin. (Isa. 65:2)

San Juan 1:11

Quicꞌulun saꞌ lix tenamit. Abanan incꞌaꞌ quicꞌuleꞌ saꞌ xya̱lal xbaneb.

San Lucas 24:26

¿Ma incꞌaꞌ ta biꞌ tento nak tixcꞌul chixjunil li raylal aꞌin li Cristo laj Colonel li yechiꞌinbil xban li Dios re nak ta̱qꞌuehekꞌ xlokꞌal? chan reheb.

Isaías 65:2

La̱in junelic xinqꞌue inchꞌo̱l re xtenkꞌanquileb lin tenamit. Abanan eb aꞌan xeꞌxkꞌetkꞌeti ribeb chicuu. Ut nequeꞌxba̱nu li incꞌaꞌ us li nequeꞌraj eb aꞌan.

Levítico 26:20

Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.

Filipenses 2:16

Cui joꞌcan yo̱kex, cꞌajoꞌ nak ta̱sahokꞌ saꞌ inchꞌo̱l e̱riqꞌuin nak tol-e̱lk cuiꞌchic li Jesucristo. Ta̱sahokꞌ inchꞌo̱l xban nak tinnau nak cuan rajbal chixjunil li xinba̱nu nak xincꞌanjelac saꞌ e̱ya̱nk.

Proverbios 29:26

Nabaleb li teꞌraj ta̱uxk usilal reheb xban li acuabej. Abanan caꞌaj cuiꞌ li Ka̱cuaꞌ narakoc a̱tin saꞌ ti̱quilal.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

Isaías 40:27

Ex aj Israel, ralal xcꞌajolex laj Jacob, ¿cꞌaꞌut nak nequecuechꞌi rix li Ka̱cuaꞌ? ¿Cꞌaꞌut nak nequeye nak li Ka̱cuaꞌ incꞌaꞌ naxqꞌue retal li raylal li yo̱quex chixcꞌulbal? ¿Cꞌaꞌut nak nequeye nak li Dios incꞌaꞌ naxqꞌue xchꞌo̱l che̱tenkꞌanquil?

Isaías 57:21

Eb li incꞌaꞌ useb xnaꞌleb ma̱ jokꞌe teꞌcua̱nk saꞌ tuktu̱quil usilal, chan lin Dios.

Isaías 59:18

Tixqꞌue re̱kaj reheb li queꞌxba̱nu li ma̱usilal aꞌ yal chanru lix yehom xba̱nuhomeb. Tixqꞌueheb chixtojbal xma̱queb li xicꞌ nequeꞌiloc re usta kꞌaxal najt cuanqueb saꞌ jalan tenamit.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

1 Reyes 19:10

Laj Elías quichakꞌoc ut quixye: —La̱in narahoꞌ saꞌ inchꞌo̱l xban nak xinqꞌue inchꞌo̱l chi cꞌanjelac cha̱cuu, at nimajcual Dios. Eb li ralal xcꞌajol laj Israel xeꞌxcanab xba̱nunquil li naxye saꞌ li contrato li xaba̱nu riqꞌuineb. Ut xelajeꞌxpoꞌ la̱ artal ut xelajeꞌxcamsi chi chꞌi̱chꞌ eb la̱ profetas. Caꞌaj chic la̱in xincana injunes ut yo̱queb ajcuiꞌ chinsicꞌbal la̱in re tineꞌxcamsi, chan laj Elías.