Isaías 49:2 - Li Santil hu

² Quixqꞌue innaꞌleb re tinnau a̱tinac chi cha̱bil. Chanchanin jun li chꞌi̱chꞌ kꞌes ruꞌuj. Aꞌan qui-iloc cue re nak ma̱cꞌaꞌ tincꞌul. Quinixcauresi chi us. Chanchanin li tzimaj li kꞌes ruꞌuj cuan saꞌ rochochil.

Q'eqchi Bible

² Kixk'e chi xtz'uumal we li aatinak chi yaal, jo' tawi' li q'esnal ch'iich', ut kinxkol rik'in xwankilal li ruq'; kinxji' jo' jun simaj q'esq'es li ru'uj ut sa' rochochil li simaj kinxk'uula.

Isaías 49:2 ပူးပေါင်းရင်းမြစ်များ

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

Apocalipsis 1:16

Saꞌ lix nim ukꞌ chapcho cuukub li chahim. Ut saꞌ re cuan jun li chꞌi̱chꞌ caꞌ pacꞌal xkꞌesnal. Cꞌajoꞌ nalemtzꞌun li ru. Chanchan nak nalemtzꞌun li sakꞌe.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

Isaías 51:16

La̱in xinqꞌue a̱cue li cua̱tin, ut xatincol riqꞌuin lin cuanquil. La̱in quinyi̱ban re li choxa joꞌ ajcuiꞌ li ruchichꞌochꞌ ut quinqꞌue saꞌ xnaꞌaj. Ut quinye reheb li cuanqueb Sión “La̱ex intenamit”, chan li Dios.

Apocalipsis 2:12

Ut quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb laj pa̱banel li cuanqueb Pérgamo ut ta̱ye re: Li cuan xchꞌi̱chꞌ caꞌ pacꞌal xkꞌesnal naxye e̱re chi joꞌcaꞌin:

Jeremías 1:18

Anakcuan tinqꞌue a̱cacuilal joꞌ jun li tenamit cauresinbil chi pletic. Chanchanakat xcacuil li okech chꞌi̱chꞌ malaj ut li tzꞌac chꞌi̱chꞌ. Ut la̱at ta̱ye reheb chixjunileb li cuanqueb Judá nak incꞌaꞌ us yo̱queb. Ta̱ye ajcuiꞌ reheb li rey ut eb laj tij.

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

Apocalipsis 19:15

Li Ti̱c Xchꞌo̱l cuan jun li kꞌesnal chꞌi̱chꞌ saꞌ re, re xsachbal xcuanquileb li xni̱nkal ru tenamit. Cau ta̱takla̱nk saꞌ xbe̱neb. Chanchan riqꞌuin jun xukꞌ chꞌi̱chꞌ tixtaklaheb. Chanchan nak nayatzꞌeꞌ li ru li uvas nak ta̱rakok a̱tin saꞌ xbe̱neb riqꞌuin xjoskꞌil li Dios.

San Lucas 23:46

Quia̱tinac li Jesús chi cau xya̱b xcux ut quixye: —At inYucuaꞌ, saꞌ a̱cuukꞌ tinkꞌaxtesi lin musikꞌ, chan. Nak quixye aꞌan, qui-el xchꞌo̱l.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Efesios 6:17

Li colba-ib ta̱cꞌanjelak e̱re joꞌ nak nacꞌanjelac re li soldado lix tzꞌapbal xjolom. Li Santil Musikꞌej tixcꞌut che̱ru li ra̱tin li Dios. Aꞌan ta̱cꞌanjelak che̱ru joꞌ nak nacꞌanjelac li chꞌi̱chꞌ chiru li soldado.

Apocalipsis 2:16

Joꞌcan nak isihomakeb saꞌ e̱ya̱nk li incꞌaꞌ useb xnaꞌleb. Cui incꞌaꞌ nequerisiheb, la̱in tinxic chi junpa̱t e̱riqꞌuin ut tinpletik riqꞌuineb. Chanchan nak tincamsiheb riqꞌuin kꞌesnal chꞌi̱chꞌ nak tinsach ruheb riqꞌuin li cua̱tin.

Éxodo 33:22

Ut la̱in tatinqꞌue saꞌ jun li chꞌina ochoch pec aran. Tatintzꞌap riqꞌuin cuukꞌ ut aran tatincol nak yo̱ chi numecꞌ inlokꞌal.

Isaías 50:10

Abihomak la̱ex li nequexucua ru li Dios ut nequeba̱nu li cꞌaꞌru naxye laj cꞌanjel chiru. Cui cuanquex saꞌ kꞌojyi̱n ut ma̱cꞌaꞌ e̱saken, checacuubresihak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin le̱ Dios.

Habacuc 3:11

Quicuil nak cuan chak la̱ tzimaj ut la̱ la̱ns saꞌ la̱ cuukꞌ ut cꞌajoꞌ nak nalemtzꞌun. Li po ut li sakꞌe incꞌaꞌ chic queꞌecꞌan saꞌ lix naꞌajeb nak queꞌxqꞌue retal la̱ cuanquilal.