Isaías 48:8 - Li Santil hu

⁸ Incꞌaꞌ xerabi chi moco xetau ru. Chalen najter incꞌaꞌ nequetau xya̱lal. La̱in ninnau chanru le̱ naꞌleb. La̱in ninnau nak kꞌetkꞌetex chalen saꞌ le̱ yoꞌlajic.

Q'eqchi Bible

⁸ Ink'a' aawab'ihom resil a'an chi moko aanawom, xb'aan naq tz'aptz'o laaxik chi junelik. Ak ninnaw laa'in naq moko tiik ta laach'ool, jo'kan naq: «Aj q'etol aatin» nakak'ab'a'in chalen chaq sa' laasiyajik.

Isaías 48:8 ပူးပေါင်းရင်းမြစ်များ

Salmos 58:3

Li incꞌaꞌ useb xnaꞌleb ac reheb ajcuiꞌ chak saꞌ xyoꞌlajiqueb. Ac aj ticꞌtiꞌeb chak chalen nak nequeꞌyoꞌla.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.

Oseas 5:7

Nequeꞌxba̱nu rib nak niquineꞌxlokꞌoni, abanan ma̱cuaꞌ la̱in nequeꞌxlokꞌoni cuu. Aꞌ ban chic li jalanil dios nequeꞌxlokꞌoni. Eb li ralal xcꞌajol ma̱cuaꞌeb chic intenamit. Joꞌcan nak chi se̱b tebinsach ut tinsach ajcuiꞌ lix naꞌajeb.

Jeremías 6:10

La̱in quinye re li Ka̱cuaꞌ: —¿Aniheb li tincua̱tinaheb? ¿Aniheb li tinqꞌueheb xnaꞌleb? ¿Ma teꞌraj ta biꞌ rabinquil li cꞌaꞌru tinye reheb? Eb aꞌan chanchan tzꞌaptzꞌo̱queb xxic. Incꞌaꞌ nequeꞌraj rabinquil la̱ cua̱tin. Xuta̱nal chokꞌ reheb nak nequeꞌrabi.

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

Jeremías 5:11

Eb laj Israel ut eb laj Judá xineꞌxtzꞌekta̱na, chan li Ka̱cuaꞌ.

Jeremías 3:20

Abanan la̱ex xine̱tzꞌekta̱na. Chanchanex li ixk li xtzꞌekta̱na xbe̱lom. La̱in li Ka̱cuaꞌ yo̱quin chi yehoc re aꞌin.

Isaías 50:5

Li Ka̱cuaꞌ Dios quiqꞌuehoc innaꞌleb ut la̱in incꞌaꞌ quincacuubresi inchꞌo̱l, chi moco quinkꞌetkꞌeti cuib chiru.

Isaías 48:4

La̱in xinba̱nu chi joꞌcan xban nak ninnau nak la̱ex incꞌaꞌ nequetau xya̱lal. Cau e̱chꞌo̱l. Chanchan xcacuil li chꞌi̱chꞌ hierro ut bronce.

Isaías 46:8

Qꞌuehomak retal aꞌin, la̱ex aj ma̱c, ut chexxuta̱na̱k. Me̱balakꞌi e̱rib. Checꞌoxla chi us li xinye.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Salmos 51:5

Relic chi ya̱l chalen saꞌ inyoꞌlajic ac la̱in chak aj ma̱c. Saꞌ ma̱c quinyoꞌla chak.

Salmos 40:6

La̱at incꞌaꞌ nacacuaj nak tomayejak ut incꞌaꞌ nacacuaj nak ta̱cꞌatma̱nk li xul saꞌ xbe̱n li artal. Xacutanobresi ban li kanaꞌleb ut xkaqꞌue retal nak moco riqꞌuin ta li nakamayeja nak ta̱isi̱k li kama̱c.

Oseas 6:7

Joꞌ quixba̱nu laj Adán nak quixkꞌet li cua̱tin, joꞌcan ajcuiꞌ queꞌxba̱nu lin tenamit nak quineꞌxtzꞌekta̱na.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Isaías 47:11

Ta̱cha̱lk li raylal saꞌ e̱be̱n ut incꞌaꞌ ta̱ru̱k te̱col e̱rib chiru usta la̱ex aj kꞌe. Chi ma̱cꞌaꞌ saꞌ e̱chꞌo̱l te̱cꞌul li raylal ut ma̱cꞌaꞌ ta̱ru̱k te̱ba̱nu re xcolbal e̱rib. Chi incꞌaꞌ nequenau kꞌaxal ra te̱cꞌul.

Isaías 48:7

Anakcuan tinba̱nu. Ma̱cuaꞌ li quinba̱nu najter. Incꞌaꞌ xerabi resil toj anakcuan. Joꞌcan nak incꞌaꞌ naru te̱ye nak ac e̱rabiom junxil li cꞌaꞌru tinba̱nu anakcuan.

Isaías 57:4

¿Ani li nequehob nak nequecꞌoxla? Ut, ¿ani li nequeseꞌe? ¿Ani chi aj u nequebitzꞌ le̱ re? ¿Ma ma̱cuaꞌ ta biꞌ la̱ex li ralal xcꞌajol li nequeꞌxkꞌetkꞌeti ribeb ut nequeꞌticꞌtiꞌic?

Oseas 7:9

Yo̱ xsachbal xcuanquileb xbaneb li jalaneb xtenamit ut eb aꞌan incꞌaꞌ nequeꞌxqꞌue retal. Chanchan li yo̱ chi sakocꞌ xjolomeb nak yo̱queb chi osocꞌ xbaneb li jalaneb xtenamit ut incꞌaꞌ nequeꞌxqꞌue retal.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Deuteronomio 31:18

Ut la̱in incꞌaꞌ tincuabi lix tijeb saꞌ li cutan aꞌan. Tinmuk ban cuib chiruheb xban li ma̱usilal teꞌxba̱nu nak teꞌxlokꞌoniheb li jalanil Dios.