Isaías 48:5 - Li Santil hu

⁵ La̱in quinye chak resil e̱re junxil li cꞌaꞌru ta̱cꞌulma̱nk. Nak toj ma̱jiꞌ nacꞌulman quinye chak resil e̱re re nak incꞌaꞌ te̱ye nak aꞌaneb le̱ yi̱banbil dios xba̱nun re li cꞌaꞌak re ru aꞌin. Incꞌaꞌ te̱ye nak le̱ dios cheꞌ ut le̱ dios chꞌi̱chꞌ xeꞌba̱nun re.

Q'eqchi Bible

⁵ Jo'kan naq junxil inyehom resil; naq toj maji' nak'ulmank, kink'e chanaw; mare anchal xaye raj sa' laach'ool: «Linyos xb'aanunk re; li jalam u li xink'e chi yiib'aak, a'an xyehok re».

Isaías 48:5 ပူးပေါင်းရင်းမြစ်များ

Isaías 48:3

Li Ka̱cuaꞌ Dios quixye reheb laj Israel: —Li cꞌaꞌru xcꞌulman, ac inyehom chak resilal junxil. La̱in quinyehoc chak re ut li cꞌaꞌru quinye quicꞌulman saꞌ junpa̱t.

San Lucas 1:70

Aꞌin quixyechiꞌi chak junxilaj joꞌ queꞌxye ke li santil profetas.

Hechos 15:18

Ut li Ka̱cuaꞌ Dios li quiyehoc chak re aꞌin, aꞌan ajcuiꞌ li ta̱ba̱nu̱nk re. (Amós 9:11-12)

Isaías 46:10

La̱in quinyehoc chak re cꞌaꞌru quicꞌulman chalen saꞌ xticlajic toj saꞌ rosoꞌjic. Chalen najter kꞌe cutan la̱in quinyehoc re cꞌaꞌru ta̱cꞌulma̱nk usta toj ma̱jiꞌ nacꞌulman. Li cꞌaꞌru ninye, aꞌan li ta̱cꞌulma̱nk. La̱in ninba̱nu chixjunil li cꞌaꞌru nacuaj.

Isaías 44:7

¿Ma cuan ta biꞌ junak li quixye cꞌaꞌru ta̱cꞌulma̱nk chalen saꞌ xticlajic ut li ta̱cha̱lk mokon? ¿Ma cuan ta biꞌ junak li quiru xba̱nunquil li quinba̱nu la̱in nak quinxakabeb lin tenamit saꞌ xnaꞌajeb junxil? Cui cuan junak, xyehak chak cꞌaꞌru ta̱cꞌulma̱nk mokon.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

Isaías 43:19

Jalan chic li cꞌaꞌru tinba̱nu anakcuan. Chi se̱b nequeril li cꞌaꞌru tinba̱nu. Tinyi̱b jun li be saꞌ li chaki chꞌochꞌ ut tinqꞌueheb ajcuiꞌ li nimaꞌ.