Isaías 48:3 - Li Santil hu

³ Li Ka̱cuaꞌ Dios quixye reheb laj Israel: —Li cꞌaꞌru xcꞌulman, ac inyehom chak resilal junxil. La̱in quinyehoc chak re ut li cꞌaꞌru quinye quicꞌulman saꞌ junpa̱t.

Q'eqchi Bible

³ Li k'a'aq re ru ak xk'ulmank, junxil ak inyehom resil; rik'in xtz'uumal we kink'e chi nawe'k. Ut chi junpaat xinb'aanu, ut yaal naq xk'ulmank.

Isaías 48:3 ပူးပေါင်းရင်းမြစ်များ

Isaías 42:9

Li cꞌaꞌru quinye chak junxil qui-uxman. Anakcuan tinye e̱re cꞌaꞌru ta̱uxma̱nk. Tinye e̱re nak toj ma̱jiꞌ nacꞌulman, chan li Ka̱cuaꞌ.

Isaías 41:22

Quimkex ut yehomak ke li cꞌaꞌru ta̱cha̱lk chiku mokon. Yehomak ke cꞌaꞌru quicꞌulman saꞌ xticlajic ut la̱o takaqꞌue kachꞌo̱l chixtaubal ru. Yehomak ke li cꞌaꞌru ta̱cꞌulma̱nk mokon re nak ac takanau.

Josué 21:45

Chixjunil li us li quixyechiꞌi reheb laj Israel, li Ka̱cuaꞌ quixqꞌue. Ma̱ jun li cꞌaꞌak re ru li quixyechiꞌi quicana ta yal chi joꞌcan. Quixba̱nu ban chixjunil li quixye.

Isaías 45:21

A̱tinankex re xcolbal rixeb le̱ yi̱banbil dios. Chepatzꞌak saꞌ comonil. ¿Ani li quiyehoc chak re najter kꞌe cutan li cꞌaꞌru talajcꞌulma̱nk? ¿Ma ma̱cuaꞌ ta biꞌ la̱in li Ka̱cuaꞌ, li nimajcual Dios? La̱in li nincoloc reheb lin tenamit. Ma̱ jun chic Dios cuan chicuu la̱in. Caꞌaj cuiꞌ la̱in li tzꞌakal Dios.

Isaías 43:9

Chꞌutubomak li xni̱nkal ru tenamit. Chꞌutubomak chixjunileb li tenamit. ¿Ma cuan junak saꞌ xya̱nkeb li quiyehoc re li cꞌaꞌru ac xcꞌulman? ¿Ma cuan junak saꞌ xya̱nkeb li nanaꞌoc re li cꞌaꞌru toj ta̱cꞌulma̱nk? Cui cuan, chixcꞌamak li ani ta̱a̱tinak chirix re xcꞌutbal nak ya̱l li cꞌaꞌru tixye.

Isaías 37:7

La̱in tintakla jun esilal. Nak lix reyeb laj Asiria ta̱rabi, ta̱xucuak ut ta̱xic cuiꞌchic saꞌ xtenamit. Nak ac cua̱nk chic saꞌ xtenamit, ta̱camsi̱k chi chꞌi̱chꞌ,” chan li Ka̱cuaꞌ.

Isaías 37:29

Xban nak ninnau nak yo̱ a̱joskꞌil ut xakꞌetkꞌeti a̱cuib chicuu, joꞌcan nak la̱in tinram le̱ be. Chanchan nak tinqꞌue jun li chꞌi̱chꞌ saꞌ la̱ cuuꞌuj ut jun li chꞌi̱chꞌ saꞌ a̱cue. Ut tatinqꞌue cuiꞌchic chi sukꞌi̱c saꞌ li xatchal cuiꞌ chak, chan li Ka̱cuaꞌ.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Isaías 30:13

La̱ex cuan le̱ ma̱c. Chanchanex jun li tzꞌac najt xteram, jorol. Chi ma̱cꞌaꞌ saꞌ e̱chꞌo̱l ta̱tꞌanekꞌ.

Isaías 41:27

La̱in li Ka̱cuaꞌ. La̱in li xbe̱n quincꞌutuc chiruheb laj Israel cꞌaꞌru ta̱cꞌulma̱nk. La̱in quintaklan re li takl chixyebal resilal li sahil chꞌo̱lej li ta̱cha̱lk.