Isaías 48:20 - Li Santil hu

²⁰ Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Q'eqchi Bible

²⁰ Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Isaías 48:20 ပူးပေါင်းရင်းမြစ်များ

Jeremías 51:45

La̱ex aj Israel, lin tenamit, elenkex saꞌ li tenamit Babilonia. Tex-e̱lelik ut colomak le̱ yuꞌam xban nak la̱in yo̱ injoskꞌil saꞌ xbe̱neb laj Babilonia, chan li Dios.

Isaías 52:9

Jap a̱cue xban xsahil a̱chꞌo̱l ut bichan re xlokꞌoninquil li Ka̱cuaꞌ, la̱at tenamit Jerusalén, li juqꞌuinbil a̱cuu. Sahak saꞌ a̱chꞌo̱l xban nak li Ka̱cuaꞌ tixcoleb lix tenamit ut tixcꞌojob xchꞌo̱leb. Tixcoleb lix tenamit Jerusalén.

Jeremías 51:6

Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Jeremías 50:8

Elenkex Babilonia. Canabomak lix naꞌajeb. Chanchanakex li chiba̱t li nequeꞌcꞌamoc be chiruheb li jun chꞌol chic chiba̱t.

Apocalipsis 18:4

Ut quicuabi jun chic yo̱ chak chi a̱tinac saꞌ choxa ut quixye: Ex ralal xcꞌajol li Dios, elenkex saꞌ li tenamit aꞌan re nak incꞌaꞌ textzꞌako̱nk riqꞌuin lix ma̱queb ut re nak incꞌaꞌ textzꞌako̱nk riqꞌuin li raylal li teꞌxcꞌul.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Isaías 49:13

At choxa, jap a̱cue xban xsahil a̱chꞌo̱l. At ruchichꞌochꞌ, chisahokꞌ a̱chꞌo̱l. Ut la̱ex tzu̱l chisahokꞌ saꞌ e̱chꞌo̱l xban nak li Ka̱cuaꞌ tixcꞌojob cuiꞌchic xchꞌo̱leb lix tenamit ut ta̱ril cuiꞌchic xtokꞌoba̱l ruheb nak yo̱queb chi cꞌuluc raylal.

Isaías 26:1

Saꞌ eb li cutan aꞌan eb li cristian teꞌxbicha li bich aꞌin saꞌ li naꞌajej Judá: Kꞌaxal cau rib li katenamit. Li Ka̱cuaꞌ, aꞌan li quixakaban re li tzꞌac li sutsu cuiꞌ li tenamit re kacolbal.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Jeremías 51:48

Ut chixjunileb li cuanqueb saꞌ choxa ut eb li cuanqueb saꞌ ruchichꞌochꞌ teꞌxjap reheb xban xsahil xchꞌo̱leb xban li cꞌaꞌru teꞌxcꞌul eb laj Babilonia. Eb li teꞌsachok reheb teꞌcha̱lk chak saꞌ li norte, chan li Ka̱cuaꞌ.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Jeremías 31:10

Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Isaías 48:6

Ac xerabi chixjunil li ac xcꞌulman. Cꞌoxlankex chi us. Tento nak te̱ye nak ya̱l li cꞌaꞌru xinye e̱re. Chalen anakcuan jalan chic li tinye e̱re. Tinye e̱re li ma̱ jun sut e̱rabiom junxil.

Salmos 126:1

Cꞌajoꞌ nak quisahoꞌ li kachꞌo̱l nak li Ka̱cuaꞌ coxqꞌue cuiꞌchic chi sukꞌi̱c Jerusalén. Chanchan matqꞌuec yo̱co.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

Deuteronomio 30:4

Usta kꞌaxal najt quextakla li Ka̱cuaꞌ, abanan toj aran tixchꞌutub chak e̱ru li Ka̱cuaꞌ le̱ Dios ut texcꞌam cuiꞌchic saꞌ le̱ naꞌaj.

Isaías 12:4

Ta̱cuulak xkꞌehil nak eb li tenamit teꞌxye: —Bichahomak xlokꞌal li Ka̱cuaꞌ. Cheqꞌuehak xlokꞌal lix cꞌabaꞌ. Yehomak resilal reheb li tenamit li nalajxba̱nu li Ka̱cuaꞌ. Yehomak resilal nak kꞌaxal nim lix cuanquil.

Isaías 24:14

Eb li incꞌaꞌ teꞌsachekꞌ teꞌbicha̱nk xban xsahil xchꞌo̱leb ut eb li cuanqueb chire li palau teꞌxye nak kꞌaxal nim xcuanquil li Ka̱cuaꞌ.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Isaías 51:14

Eb li cuanqueb chi pre̱xil chi se̱b teꞌachꞌaba̱k. Incꞌaꞌ teꞌca̱mk saꞌ li naꞌajej li cuanqueb cuiꞌ chi pre̱xil. Ut junelic ta̱cua̱nk xcua rucꞌaheb.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Isaías 62:11

Li Ka̱cuaꞌ quixye reheb chixjunileb li cuanqueb saꞌ ruchichꞌochꞌ: —Yehomak reheb li cuanqueb Sión nak li Ka̱cuaꞌ ta̱cha̱lk chixcolbaleb. Ut tixcꞌam chak lix kꞌajca̱munquileb li ac xcoleb.

Jeremías 31:11

Li Ka̱cuaꞌ ta̱colok reheb li ralal xcꞌajol laj Jacob. Aꞌan ta̱colok reheb saꞌ rukꞌeb li kꞌaxal cauheb rib chiruheb aꞌan.

Jeremías 31:21

Qꞌuehomak retalil li be li quexnumeꞌ cuiꞌ nak quexco̱ex. Qꞌuehomak retal chi us. Sukꞌinkex cuiꞌchic saꞌ le̱ naꞌaj, ex tukꞌ ixk aj Israel.

Jeremías 50:28

Cuanqueb li queꞌe̱lelic Babilonia ut queꞌco̱eb Jerusalén ut yo̱queb chixserakꞌinquil chanru nak li Ka̱cuaꞌ li kaDios quixqꞌue re̱kaj li incꞌaꞌ us li queꞌxba̱nu eb laj Babilonia re lix templo li Ka̱cuaꞌ.

Esdras 2:1

Aꞌaneb aꞌin li ralal xcꞌajoleb laj Israel li yoꞌlajenakeb aran Judá li queꞌchapeꞌ ut queꞌcꞌameꞌ Babilonia. Queꞌsukꞌi cuiꞌchic Jerusalén ut saꞌ eb li naꞌajej li cuanqueb Judá. Ac saꞌ xnaꞌajeb queꞌcana li junju̱nk.

Zacarías 2:10

Li Ka̱cuaꞌ quixye: —Bichankex chi sa saꞌ e̱chꞌo̱l la̱ex aj Jerusalén xban nak la̱in tincua̱nk e̱riqꞌuin, chan.

Zacarías 10:8

La̱in tebinbok cuiqꞌuin ut tinchꞌutub ruheb xban nak ac xebincol. Ut kꞌaxal cuiꞌchic nabalakeb joꞌ nak queꞌcuan chak junxil.