Isaías 48:19 - Li Santil hu

¹⁹ Kꞌaxal nabaleb raj le̱ ralal e̱cꞌajol. Lix qꞌuialeb chanchaneb raj li samaib chire li palau. Incꞌaꞌ naru rajlanquileb. Ut incꞌaꞌ raj xexintzꞌekta̱na chi moco xcꞌabaꞌ le̱ tenamit raj xinsach.

Q'eqchi Bible

¹⁹ K'ajo'eb' raj laawalal aak'ajol, li xk'ihaleb' jo' raj xk'ihal li samahib' chire li palaw; maajoq'e raj xeb'insach ru laa'in, chi moko xe'isiik raj chiwu!”.

Isaías 48:19 ပူးပေါင်းရင်းမြစ်များ

Isaías 10:22

Usta kꞌaxal nabaleb laj Israel, joꞌ xqꞌuial li samaib li cuan chire li palau, abanan ta̱cuulak xkꞌehil nak incꞌaꞌ chic qꞌuihakeb. Aꞌaneb li teꞌsukꞌi̱k riqꞌuin li Ka̱cuaꞌ. Ac yebil nak ta̱rakekꞌ a̱tin saꞌ xbe̱neb laj Israel ut ta̱sachekꞌ ruheb lix qꞌuialeb.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Romanos 9:27

Joꞌcaꞌin quixye laj Isaías chirixeb laj Israel: Usta nabaleb li ralal xcꞌajol laj Israel joꞌ xqꞌuial li samaib chire li palau, aban moco qꞌuiheb ta li teꞌcolekꞌ.

Oseas 1:10

Li ralal xcꞌajol laj Israel kꞌaxal cuiꞌchic teꞌta̱mk. Lix qꞌuialeb chanchan li ru li samaib li cuan chire li palau. Incꞌaꞌ naru rajlanquil xban xqꞌuialeb. Saꞌ li naꞌajej bar quiyeheꞌ cuiꞌ reheb xban li Dios, “La̱ex ma̱cuaꞌex chic lin tenamit”, aran ajcuiꞌ ta̱yehekꞌ reheb: “La̱ex cualal incꞌajol la̱in li yoꞌyo̱quil Dios.”

Jeremías 33:22

La̱in tinqꞌue chi qꞌuia̱nc li ralal xcꞌajol laj David ut tinqꞌueheb chi qꞌuia̱nc li ralal xcꞌajol laj Leví. Chanchanakeb xqꞌuial li chahim ut chanchanakeb xqꞌuial li samaib li cuan chire li palau. Incꞌaꞌ ta̱ru̱k rajlanquileb, chan li Dios.

Sofonías 1:4

Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.

Isaías 66:22

Joꞌ nak ta̱cua̱nk chi junelic li acꞌ choxa ut li acꞌ ruchichꞌochꞌ li tinyi̱b, joꞌcan ajcuiꞌ nak ta̱cua̱nk chi junelic le̱ ralal e̱cꞌajol. Ut incꞌaꞌ ta̱sachk le̱ cꞌabaꞌ. Cua̱nk ban chi junelic.

Isaías 56:5

la̱in tinqꞌue reheb li cꞌaꞌru lokꞌ chiruheb li cocꞌal. Tzꞌi̱banbilak retalil lix cꞌabaꞌeb chiru li tzꞌac saꞌ lin templo. Lix cꞌabaꞌeb ta̱julticama̱nk chi junelic kꞌe cutan. Incꞌaꞌ ta̱sachk.

Isaías 48:9

Abanan xban xti̱quilal inchꞌo̱l, la̱in incꞌaꞌ xincꞌut injoskꞌil. Xban lin lokꞌal xincuy cuib. Joꞌcan nak incꞌaꞌ xinsach e̱ru.

Isaías 14:22

Li Ka̱cuaꞌ li nimajcual Dios quixye: —La̱in tinsacheb ru. Tinsach li nimla tenamit Babilonia. Ma̱ ani chic ta̱cana̱k chi yoꞌyo, chi moco li ralal xcꞌajol. La̱in li Ka̱cuaꞌ li nimajcual Dios ninyehoc re aꞌin.

Isaías 9:14

Li Ka̱cuaꞌ tixqꞌueheb chixtojbal xma̱queb laj Israel, eb laj cꞌamol be joꞌ eb ajcuiꞌ li tenamit. Chanchan nak ta̱risi xjolom ut xye junak li xul malaj ut chanchan nak tixsach li palmera joꞌ nak tixsach li pim. Chixjunil aꞌin tixba̱nu chiru jun cutan.

Salmos 109:13

Cheꞌca̱mk ta chixjunileb li ralal xcꞌajol ut chisachk ta lix cꞌabaꞌeb chi junaj cua.

Salmos 9:5

La̱at xatkꞌusuc reheb li incꞌaꞌ nequeꞌpa̱ban cha̱cuu. La̱at ajcuiꞌ xatsachoc reheb aꞌan, xban nak incꞌaꞌ useb xnaꞌleb. Xasacheb chi junaj cua ut incꞌaꞌ chic teꞌabi̱k resileb.

1 Reyes 9:7

cui te̱ba̱nu chi joꞌcan la̱in texcuisi che̱junilex la̱ex aj Israel saꞌ li chꞌochꞌ li xinqꞌue e̱re. Ut li templo aꞌin li xinsantobresi chokꞌ re inlokꞌoninquil tinsach ru. Ut le̱ tenamit Israel ta̱hobekꞌ ut ta̱seꞌe̱k xbaneb li jalan tenamiteb.

Li xHu LIX RUT 4:10

Ut xban nak tinlokꞌ li chꞌochꞌ, tinsumla̱k ajcuiꞌ riqꞌuin lix Rut laj Moab li quicuan chokꞌ rixakil laj Mahlón re nak ta̱cua̱nk ralal xcꞌajol saꞌ xcꞌabaꞌ li camenak. Ut lix cꞌabaꞌeb li camenak incꞌaꞌ ta̱sachk saꞌ xchꞌo̱leb lix comon chi moco ta̱sachk saꞌ xchꞌo̱leb li cuanqueb saꞌ li tenamit aꞌin. La̱ex xerabi ut xeril li xkaba̱nu anakcuan, chan laj Booz.

Josué 7:9

Nak teꞌrabi eb laj cananeo ut chixjunileb li cuanqueb saꞌ li naꞌajej aꞌin li cꞌaꞌru xkacꞌul, ma̱re teꞌxchꞌutub chak rib ut teꞌcha̱lk chi pletic kiqꞌuin ut ma̱re ma̱ ani chic ke ta̱colekꞌ. Cui joꞌcan takacꞌul, ¿cꞌaꞌru ta̱ba̱nu la̱at re xcolbal rix la̱ lokꞌal? chan.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Li xHu LAJ JOB 5:25

Nabalakeb a̱cualal a̱cꞌajol teꞌcua̱nk. Chanchanakeb xqꞌuial li pim saꞌ cꞌaleba̱l.

Isaías 44:3

La̱in tinqꞌue li haꞌ saꞌ li chaki chꞌochꞌ ut tinqꞌueheb li nimaꞌ. Tinqꞌue lin musikꞌ reheb le̱ ralal e̱cꞌajol ut tincuosobtesiheb.

Isaías 44:4

Teꞌta̱mk le̱ ralal e̱cꞌajol joꞌ nak natam li pim saꞌ li cꞌaleba̱l. Chanchanakeb li cheꞌ li naqꞌui chire li nimaꞌ.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Deuteronomio 9:14

Canabin chixba̱nunquil li tincuaj. Tinsach ruheb chi junaj cua ut incꞌaꞌ chic ta̱patzꞌekꞌ lix cꞌabaꞌ jun sut rubel choxa. Ut la̱in tinqꞌueheb chi ta̱mc la̱ cualal a̱cꞌajol la̱at. Kꞌaxal nabalakeb chiruheb aꞌan. Ut riqꞌuineb aꞌan tinyi̱b jun tenamit kꞌaxal cauheb rib chiruheb aꞌan”, chan li Dios.