Isaías 48:18 - Li Santil hu

¹⁸ Xeba̱nu raj li xinye e̱re. Cui ta xeba̱nu, cuanquex raj saꞌ tuktu̱quil usilal. Li tuktu̱quil usilal chanchan raj jun nimaꞌ incꞌaꞌ nachakic. Ut le̱ ti̱quilal chanchan raj lix cau ok li palau li ma̱cꞌaꞌ rosoꞌjic.

Q'eqchi Bible

¹⁸ Jwal us raj naq xapaab' linchaq'rab'! Li xsahil aach'ool q'axal yo raj chi k'iik jo' junaq nima', ut laawosob'tesinkil jo' raj xnimal li xkawil roq li palaw.

Isaías 48:18 ပူးပေါင်းရင်းမြစ်များ

Deuteronomio 5:29

Us raj nak eb li cualal incꞌajol incꞌaꞌ teꞌxjal xcꞌaꞌuxeb. Junelic raj teꞌxxucua cuu. Junelic raj teꞌxba̱nu li cꞌaꞌru naxye saꞌ lin chakꞌrab re nak junelic us teꞌe̱lk joꞌ eb ajcuiꞌ li ralal xcꞌajoleb.

Isaías 66:12

Joꞌcaꞌin naxye li Ka̱cuaꞌ: —La̱in tinqꞌue li tuktu̱quil usilal e̱re la̱ex aj Jerusalén. Chanchanak jun li nimaꞌ incꞌaꞌ nachakic. Lix biomaleb li xni̱nkal ru tenamit teꞌcꞌamekꞌ chak Jerusalén chi nabal. Chanchan li nimaꞌ nak yo̱ chi butꞌu̱nc. Sa textzaca̱nk. Chanchanakex li cꞌulaꞌal li nequeꞌtuꞌuc ut nequeꞌkꞌalu̱c ut nequeꞌkꞌunbesi̱c xban lix naꞌeb.

Salmos 119:165

Cuan li tuktu̱quilal riqꞌuineb li nequeꞌrahoc re la̱ chakꞌrab ut ma̱cꞌaꞌ cꞌaꞌru naqꞌuehoc reheb chi tꞌanecꞌ.

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Isaías 45:8

Ta̱cua̱nk li ti̱quilal yalak bar. Chanchan nak nachal li hab saꞌ choxa. Ut ta̱cua̱nk li colba-ib. Chanchan nak na-el li acui̱mk saꞌ chꞌochꞌ. Ta̱cua̱nk li ti̱quilal xban nak la̱in li Ka̱cuaꞌ quinyehoc re.—

Salmos 36:8

La̱at nacatqꞌuehoc ke chi tzꞌakal li cꞌaꞌru nakaj xban nak la̱at aj e̱chal re chixjunil li cꞌaꞌru cuan. Lix sahilal li kachꞌo̱l li nacaqꞌue la̱at, chanchan jun li nimaꞌ li incꞌaꞌ nachakic.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

Amós 5:24

Cheba̱nuhak ban li ti̱quilal ut li cha̱bilal chi ma̱cꞌaꞌak rosoꞌjic. Chanchanak li rok haꞌ ut li yuꞌam haꞌ li incꞌaꞌ nachakic.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

Isaías 33:21

Ut li Ka̱cuaꞌ li kꞌaxal nim xcuanquil cua̱nk kiqꞌuin ut toxcol. Chanchanak jun li nimaꞌ nim ru ut tuktu ru. Ut ma̱ jun li xicꞌ na-iloc ke ta̱ru̱k ta̱xic saꞌ li nimaꞌ aꞌan saꞌ lix jucub chikachꞌiꞌchꞌiꞌinquil.

Isaías 42:24

¿Ani li quiqꞌuehoc re chi elkꞌa̱c li cꞌaꞌru reheb li ralal xcꞌajol laj Jacob? Ut, ¿Ani li quikꞌaxtesin reheb laj Israel chi rahobtesi̱c? ¿Ma ma̱cuaꞌ ta biꞌ aꞌan li Ka̱cuaꞌ li xeꞌma̱cob chiru? Eb aꞌan incꞌaꞌ xeꞌxba̱nu li cꞌaꞌru quiraj li Ka̱cuaꞌ chi moco queꞌxba̱nu li cꞌaꞌru naxye saꞌ lix chakꞌrab.

Isaías 54:13

La̱in tincꞌutuk re lix ya̱lal chiruheb chixjunileb le̱ ralal e̱cꞌajol. Tintenkꞌaheb re nak teꞌcua̱nk saꞌ tuktu̱quil usilal.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 61:11

Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Isaías 62:1

Xban nak ninra li tenamit Sión, joꞌcan nak la̱in tinchꞌolob lix ya̱lal. Xban nak ninra li tenamit Jerusalén incꞌaꞌ tincanab xchꞌolobanquil lix ya̱lal chiruheb toj retal ta̱cꞌutu̱nk lix ti̱quilaleb. Ut ta̱cꞌutu̱nk nak colbileb chic. Chanchanak jun li xam lochlo̱k.

Oseas 10:12

La̱in xinye e̱re: —Li cꞌaꞌru te̱rau, aꞌan ajcuiꞌ li te̱kꞌol. Sicꞌomak li ti̱quilal ut texcuosobtesi xban nak niquine̱lokꞌoni. Chanchan nak te̱trabaji li chꞌochꞌ ut tex-a̱uk ut cha̱bil li cꞌaꞌru te̱kꞌol. Anakcuan xcuulac xkꞌehil nak texsukꞌi̱k cuiqꞌuin, ut la̱in texincꞌul cuiꞌchic ut tinqꞌue xti̱quilal e̱chꞌo̱l.