Isaías 48:17 - Li Santil hu

¹⁷ Li Dios Santo, le̱ Dios la̱ex aj Israel, laj Colol e̱re, quixye chi joꞌcaꞌin: —La̱in li Ka̱cuaꞌ le̱ Dios. La̱in nincꞌutuc che̱ru li cꞌaꞌru te̱ba̱nu re nak us tex-e̱lk. La̱in ninberesin e̱re re nak te̱ba̱nu li us.

Q'eqchi Bible

¹⁷ Jo'ka'in kixye li Qaawa', laj Kolol aawe, li xSant laj Israel: “Laa'in li Qaawa', laaYos; laa'in nink'ut chawu li k'aru us cho'q aawe ut nakatinb'eres sa' li b'e tento taak'am.

Isaías 48:17 ပူးပေါင်းရင်းမြစ်များ

Salmos 32:8

Li Ka̱cuaꞌ quixye: —La̱in tin-ilok a̱cue. La̱in tincꞌutuk cha̱cuu cꞌaꞌru ta̱ba̱nu ut tinqꞌue a̱naꞌleb re nak ta̱tau xya̱lal. La̱in tinberesi̱nk a̱cue.

Salmos 25:12

Li Dios naxcꞌut lix ya̱lal chiruheb li ani nequeꞌxqꞌue xlokꞌal li Dios ut naxcꞌut chiruheb li cꞌaꞌru naraj teꞌxba̱nu.

Isaías 30:20

Li Ka̱cuaꞌ tixqꞌue li raylal saꞌ e̱be̱n ut texrahobtesi. Abanan aꞌan ajcuiꞌ ta̱cua̱nk e̱riqꞌuin che̱tenkꞌanquil. Laj tzolol e̱re incꞌaꞌ tixmuk rib che̱ru. Te̱ril ban riqꞌuin xnakꞌ e̱ru laj tzolol e̱re.

Salmos 73:24

La̱at xaqꞌue innaꞌleb ut xatcꞌamoc be chicuu. Ut mokon tina̱cꞌul a̱cuiqꞌuin saꞌ choxa.

Isaías 54:13

La̱in tincꞌutuk re lix ya̱lal chiruheb chixjunileb le̱ ralal e̱cꞌajol. Tintenkꞌaheb re nak teꞌcua̱nk saꞌ tuktu̱quil usilal.

Li xHu LAJ JOB 36:22

Chaqꞌuehak retal. Li Dios kꞌaxal nim xcuanquil. Ma̱ jun aj cꞌutunel naru xjuntakꞌe̱tanquil riqꞌuin.

San Juan 6:45

Tzꞌi̱banbil retalil chi joꞌcaꞌin saꞌ li Santil Hu xbaneb li profeta: Li Dios tixcꞌut lix ya̱lal chiruheb chixjunileb. Joꞌcan nak chixjunileb li nequeꞌabin re ut nequeꞌxtau ru li cꞌaꞌru naxye li Dios, eb aꞌan tineꞌxpa̱b ajcuiꞌ la̱in.

Miqueas 4:2

Ut nabaleb li tenamit teꞌcha̱lk ut teꞌxye: —Yoꞌkeb. Takekꞌo chiru li tzu̱l li cuan cuiꞌ li templo. Toxic saꞌ rochoch lix Dios laj Jacob ut aꞌan ta̱cꞌutuk chiku cꞌaꞌru ta̱raj takaba̱nu. Ut la̱o takaba̱nu li cꞌaꞌru naraj aꞌan xban nak aran Sión nayeman chak lix chakꞌrab li Ka̱cuaꞌ. Aran Jerusalén nayeman chak li ra̱tin li Dios.

Salmos 71:17

At inDios, chalen chak saꞌ incaꞌchꞌinal la̱at xacꞌut lix ya̱lal chicuu. Ut toj chalen anakcuan yo̱quin ajcuiꞌ xyebal resil li nacaba̱nu riqꞌuin xnimal la̱ cuanquil.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

1 Reyes 8:36

La̱at, at Ka̱cuaꞌ, toj saꞌ choxa ta̱cuabi lix tijeb ut ta̱cuyeb xma̱queb laj Israel li nequeꞌcꞌanjelac cha̱cuu. Ta̱cꞌut chiruheb chanru nak teꞌcua̱nk saꞌ xya̱lal ut ta̱takla cuiꞌchic li hab saꞌ xbe̱n li chꞌochꞌ li caqꞌue reheb la̱ tenamit.

Isaías 43:16

Najter kꞌe cutan la̱in quexinqꞌue chi numecꞌ saꞌ li palau. La̱in quinramoc re li haꞌ re nak incꞌaꞌ chic ta̱be̱k.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Efesios 4:21

La̱ex xerabi li quixye li Cristo ut xetzol lix ya̱lal li quixcꞌut che̱ru.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Isaías 43:14

Li Ka̱cuaꞌ lix santil Dioseb laj Israel li nacoloc e̱re naxye chi joꞌcaꞌin: —La̱in tintaklaheb li xicꞌ nequeꞌiloc reheb laj Babilonia chi pletic riqꞌuineb re e̱colbal la̱ex. La̱in tinqꞌueheb chi numta̱c saꞌ xbe̱neb. Ut eb li tenamit teꞌchapekꞌ ut teꞌcꞌamekꞌ saꞌ lix jucubeb li queꞌxkꞌetkꞌeti cuiꞌ ribeb junxil.

Génesis 24:48

Ut la̱in xinxulub lin jolom chixlokꞌoninquil li Ka̱cuaꞌ Dios li naxlokꞌoni laj Abraham lin patrón. Xinbantioxi chiru li Dios nak aꞌan xberesin chak cue ut xcꞌut chicuu ani tzꞌakal ta̱oc chokꞌ rixakil laj Isaac, chan.

Isaías 28:9

Nequeꞌxcuechꞌi cuix ut nequeꞌxye: —¿Ani li cui̱nk aꞌan nak nachal chixqꞌuebal kanaꞌleb? ¿Ma cuan ta biꞌ xcuanquil nak ta̱cha̱lk chikatijbal? ¿Ma cocꞌalo ta biꞌ la̱o? ¿Ma tojeꞌ ta biꞌ xkacanab tuꞌuc?

Isaías 30:21

Cui la̱ex te̱raj xba̱nunquil li incꞌaꞌ us, te̱rabi nak li Ka̱cuaꞌ ta̱a̱tinak chak che̱rix ut tixye e̱re: —Me̱ba̱nu li incꞌaꞌ us. Ba̱nuhomak ban li ti̱quilal, chaꞌak e̱re.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Isaías 45:11

Li Ka̱cuaꞌ lix santil Dioseb laj Israel li quiyoꞌobtesin re chixjunil quixye: —¿Ma ta̱ru̱k ta biꞌ te̱cuechꞌ rixeb li cualal incꞌajol? ¿Ma ta̱ru̱k ta biꞌ te̱cuechꞌ rix li cꞌaꞌru ninba̱nu la̱in?

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Isaías 54:8

Nak yo̱ injoskꞌil xinmuk cuib che̱ru junpa̱t. Abanan xban nak junelic nin-uxta̱nan u, la̱in tincuil cuiꞌchic xtokꞌoba̱l e̱ru, chan li Ka̱cuaꞌ laj Colol e̱re.

Josué 3:4

re nak te̱nau li be bar yo̱kex chi xic, xban nak la̱ex ma̱ jun sut numenakex saꞌ li be aꞌan. Abanan mexjiloc chi nachꞌ riqꞌuin li Lokꞌlaj Ca̱x li xocxo cuiꞌ lix contrato li Dios. Jun kilómetro ban xnajtil cua̱nkex chirix, chanqueb laj cꞌamol be.