Isaías 48:13 - Li Santil hu

¹³ La̱in quinyi̱ban re li ruchichꞌochꞌ ut la̱in ajcuiꞌ quinyi̱ban re li choxa. Yal riqꞌuin li cua̱tin queꞌcana saꞌ xnaꞌajeb chixjunileb.

Q'eqchi Bible

¹³ Rik'in li wuq' kink'ojob' li ruuchich'och' sa' xna'aj ut kinhel ru li choxa: ka'ajwi' kinb'oqeb', junchalikeb' naq ke'chalk wik'in.

Isaías 48:13 ပူးပေါင်းရင်းမြစ်များ

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Salmos 102:25

Najter kꞌe cutan la̱at catyi̱ban re li ruchichꞌochꞌ. Ut la̱at ajcuiꞌ catyi̱ban re li choxa riqꞌuin la̱ cuukꞌ.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Isaías 42:5

Li Ka̱cuaꞌ li quiyi̱ban re li choxa ut quixhel ru, li quiyi̱ban re li ruchichꞌochꞌ ut chixjunil li cuan chiru, li quiyoꞌobtesin reheb li tenamit ut quixqꞌue xyuꞌameb naxye chi joꞌcaꞌin re laj cꞌanjel chiru:

Isaías 40:12

¿Ma cuan ta biꞌ junak quiru xbisbal li palau riqꞌuin li rukꞌ? Ut, ¿ma cuan ta biꞌ junak quiru xbisbal lix nimal ru li choxa riqꞌuin li rukꞌ? ¿Ani ta biꞌ quiru xbisbal chixjunil li ruchichꞌochꞌ? ¿Ma cuan ta biꞌ junak quiru xbisbaleb li tzu̱l riqꞌuin lix bisleb?

Isaías 40:22

Li Dios cuan chak toj saꞌ choxa. Ut eb li cristian saꞌ ruchichꞌochꞌ chanchaneb laj sa̱cꞌ chiru li Dios. Li Dios naxhel ru li choxa. Chanchan jun li muheba̱l nequeꞌcuan cuiꞌ li cristian.

Salmos 147:4

Yal re li Ka̱cuaꞌ jarub li chahim cuan ut aꞌan ajcuiꞌ naqꞌuehoc xcꞌabaꞌeb.

Li xHu LAJ JOB 37:18

¿Ma xatenkꞌa ta biꞌ li Dios chixyi̱banquil li choxa? Ut, ¿ma xatenkꞌa ta biꞌ chixyi̱banquil chi chꞌinaꞌus joꞌ li chꞌi̱chꞌ li nalemtzꞌun?

Romanos 4:17

Tzꞌi̱banbil saꞌ li Santil Hu li quixye li Dios re laj Abraham: Xatinqꞌue chokꞌ xxeꞌto̱nil yucuaꞌ li qꞌuila tenamit. (Gén. 17:5) Ut chiru li Dios toj cuan ajcuiꞌ xcuanquil li cꞌaꞌru quixyechiꞌi re laj Abraham. Laj Abraham quixpa̱b li Dios li nacuaclesin cuiꞌchic reheb li camenak chi yoꞌyo ut yal riqꞌuin ra̱tin naxyoꞌobtesiheb li cꞌaꞌak re ru toj ma̱cꞌaꞌ.

Isaías 40:21

¿Ma incꞌaꞌ ta biꞌ nequenau? ¿Ma incꞌaꞌ ta biꞌ querabi chak resil junxil? ¿Ma incꞌaꞌ ta biꞌ quiyeheꞌ chak resil saꞌ xticlajic? ¿Ma incꞌaꞌ ta biꞌ quicꞌuteꞌ chak che̱ru lix ya̱lal chalen saꞌ xticlajic li ruchichꞌochꞌ?

Isaías 45:12

La̱in quinyi̱ban re li ruchichꞌochꞌ ut la̱in quinyoꞌobtesin reheb li cristian li cuanqueb saꞌ ruchichꞌochꞌ. Riqꞌuin lin cuanquil quinyi̱b li choxa. La̱in yal cue saꞌ xbe̱n li sakꞌe, li po ut eb li chahim.

Isaías 51:13

¿Cꞌaꞌut nak ninsach saꞌ a̱chꞌo̱l la̱in li Ka̱cuaꞌ li quinyoꞌobtesin a̱cue? La̱in li quinyi̱ban re li choxa ut chixjunil li cuan chiru ut la̱in ajcuiꞌ li quinyi̱ban re li ruchichꞌochꞌ ut quinqꞌue saꞌ xnaꞌaj. ¿Cꞌaꞌut nak junelic yo̱ a̱xiu xbaneb li nequeꞌrahobtesin a̱cue? ¿Cꞌaꞌut nak nacaxucuaheb li nequeꞌraj a̱sachbal? Eb aꞌan ma̱cꞌaꞌ naru teꞌxba̱nu a̱cue.

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Jeremías 51:15

Li Ka̱cuaꞌ quixyi̱b li ruchichꞌochꞌ riqꞌuin lix cuanquil. Quixxakab saꞌ xnaꞌaj riqꞌuin lix naꞌleb ut quixyi̱b li choxa.