Isaías 48:12 - Li Santil hu

¹² La̱ex laj Israel, li ralal xcꞌajol laj Jacob, cherahihak li oc cue chixyebal. La̱in li Ka̱cuaꞌ. La̱in cuanquin saꞌ xticlajic ut cua̱nkin ajcuiꞌ toj saꞌ rosoꞌjic.

Q'eqchi Bible

¹² “Ab'i, a Israel, xtenamitat laj Jakob, li insik'om chaq aawu: Laa'inin; laa'in li xtiklajik ut li xraqik.

Isaías 48:12 ပူးပေါင်းရင်းမြစ်များ

Isaías 41:4

¿Ani li quiba̱nun re chixjunil aꞌin? ¿Ani li ya̱l re saꞌ xbe̱n li ruchichꞌochꞌ chalen saꞌ xticlajic? La̱in li Ka̱cuaꞌ. Ac cuanquin chak saꞌ xticlajic ut cua̱nkin ajcuiꞌ toj saꞌ rosoꞌjic. La̱in li Dios quinba̱nun re chixjunil.

Apocalipsis 22:13

La̱in li Alfa ut li Omega. La̱in ac cuanquin chak saꞌ xticlajic li ruchichꞌochꞌ ut cua̱nkin ajcuiꞌ saꞌ rosoꞌjic.—

Apocalipsis 1:8

Quixye li Ka̱cuaꞌ Dios: —La̱in quinyoꞌobtesin re chixjunil ut la̱in tinsachok re chixjunil. La̱in li Alfa ut li Omega. Ut kꞌaxal nim incuanquil, chan li nimajcual Dios.

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Isaías 43:11

Caꞌaj cuiꞌ la̱in li nimajcual Dios. Caꞌaj cuiꞌ la̱in nincoloc.

Isaías 49:1

Abihomak la̱ex li cuanquex saꞌ najtil tenamit. Qꞌuehomak retal li oc cue chixyebal. Nak toj ma̱jiꞌ ninyoꞌla li Ka̱cuaꞌ quixsicꞌ chak cuu chi cꞌanjelac chiru. Nak toj ma̱jiꞌ ninyoꞌla ac naxnau ani incꞌabaꞌ.

Isaías 46:3

Li Dios quixye: —La̱ex li ralal xcꞌajol laj Jacob, chine̱rabihak. Che̱junilex la̱ex laj Israel, li incꞌaꞌ xsacheꞌ e̱ru, cherabi li cꞌaꞌru tinye e̱re. Nak toj ma̱jiꞌ nequeꞌxyoꞌla chak, la̱in quin-iloc e̱re. La̱in quinberesin chak e̱re.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Apocalipsis 17:14

Eb li rey teꞌpletik riqꞌuin li Jun li chanchan carner. Abanan aꞌan ta̱numta̱k saꞌ xbe̱neb xban nak aꞌan li Ka̱cuaꞌ, li kꞌaxal nim xcuanquil saꞌ xbe̱n chixjunil. Ut aꞌan li tzꞌakal rey li nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Ut li sicꞌbileb ru, li ti̱queb xchꞌo̱l chixta̱kenquil, teꞌnumta̱k ajcuiꞌ saꞌ xbe̱neb li rey, rochbeneb li Jun li chanchan carner.—

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Apocalipsis 1:11

Quixye cue: —Li cꞌaꞌru tincꞌutbesi cha̱cuu ta̱tzꞌi̱ba saꞌ jun li botbil hu ut ta̱takla riqꞌuineb li cuukub chꞌu̱taleb laj pa̱banel li cuanqueb saꞌ xcue̱nt Asia. Takla riqꞌuineb li cuanqueb Éfeso, Esmirna, ut Pérgamo. Ut ta̱takla ajcuiꞌ riqꞌuineb li cuanqueb Tiatira, Sardis, Filadelfia ut Laodicea, chan.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

1 Corintios 1:24

Abanan chiku la̱o li sicꞌbil ku xban li Dios, usta la̱o aj judío usta ma̱cuaꞌo aj judío, riqꞌuin xcamic li Cristo chiru cruz nakil xcuanquil li Dios nak coxcol ut nakanau chic chanru xnaꞌleb li Dios.

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

Romanos 1:6

Joꞌcan ajcuiꞌ la̱ex sicꞌbil ajcuiꞌ e̱ru, ut la̱ex chic ralal xcꞌajol li Ka̱cuaꞌ Jesucristo.

San Mateo 20:16

Joꞌcan nak nabaleb li cuanqueb xcuanquil anakcuan teꞌcana̱k chi ma̱cꞌaꞌak xcuanquil mokon. Ut li ma̱cꞌaꞌeb xcuanquileb anakcuan, teꞌqꞌuehekꞌ xcuanquileb mokon. Nabaleb li bokbileb, abanan incꞌaꞌ qꞌuiheb li teꞌxtau ru lix ya̱lal.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Isaías 51:4

Chine̱rabi, ex intenamit. Cheqꞌuehak retal li oc cue chixyebal. La̱in tinqꞌue lin chakꞌrab reheb li xni̱nkal ru tenamit. Ut lin ti̱quilal ta̱cutanobresi̱nk reheb li tenamit.

Isaías 51:1

Li Dios quixye: —Chine̱rabi la̱ex li nequeqꞌue e̱chꞌo̱l chixba̱nunquil li ti̱quilal ut nequesicꞌ li Ka̱cuaꞌ. Cꞌoxlahomak aniheb le̱ xeꞌto̱nil yucuaꞌ. Eb aꞌan chanchaneb li pec li isinbil chak saꞌ junak li sako̱nac.

Isaías 34:1

Quimkex la̱ex li cuanquex saꞌ eb li xni̱nkal ru tenamit, ut chꞌutubomak e̱rib chirabinquil li oc cue chixyebal. Ex tenamit checanabak e̱rib chixqꞌuebal retal li tinye e̱re. Cherabihak che̱junilex la̱ex li cuanquex saꞌ ruchichꞌochꞌ ut cheqꞌuehak retal.

Proverbios 8:32

Joꞌcan ut, ex cualal incꞌajol, cherabihak li cꞌaꞌru ninye e̱re. Us xak e̱re cui te̱ba̱nu li cꞌaꞌru ninye.

Proverbios 7:24

Joꞌcan ut, ex cualal incꞌajol, cherabihak li cꞌaꞌru tinye e̱re. Canabomak e̱rib chirabinquil le̱ naꞌleb tinqꞌue.

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

Isaías 46:4

La̱in junelic tin-ilok e̱re toj saꞌ e̱ti̱xilal. Texcuil nak sak chic le̱ jolom. La̱in quinyoꞌobtesin e̱re ut la̱in tin-ilok e̱re. La̱in tintenkꞌa̱nk e̱re ut tincolok e̱re.

Isaías 44:1

—Cherabihak la̱ex aj Israel ralal xcꞌajolex laj Jacob laj cꞌanjel chicuu. La̱ex li sicꞌbil e̱ru inban.