Isaías 48:1 - Li Santil hu

¹ Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.

Q'eqchi Bible

¹ “Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.

Isaías 48:1 ပူးပေါင်းရင်းမြစ်များ

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Salmos 68:26

Chelokꞌoni li Ka̱cuaꞌ che̱junilex la̱ex aj Israel. Cheqꞌuehak xlokꞌal li Ka̱cuaꞌ nak chꞌutchꞌu̱quex.

Jeremías 5:2

Cuanqueb li nequeꞌxba̱nu li juramento saꞌ incꞌabaꞌ la̱in li yoꞌyo̱quil Dios. Abanan moco ya̱l ta li nequeꞌxye xban nak moco nequeꞌxba̱nu ta chi anchaleb xchꞌo̱l, chan li Dios.

Isaías 65:16

Li ani naraj nak ta̱osobtesi̱k tixtzꞌa̱ma li rosobtesinquil cuiqꞌuin la̱in, li tzꞌakal Dios. Ut li ani tixba̱nu li juramento tixba̱nu saꞌ incꞌabaꞌ la̱in, li tzꞌakal Dios. Ut ta̱sachk saꞌ inchꞌo̱l chi junaj cua li cꞌaꞌru quicꞌulman. Chanchan tzꞌaptzꞌo xbe̱n ta̱cana̱k, chan li Dios.

Deuteronomio 6:13

Chelokꞌonihak li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Ut nak te̱ba̱nu junak juramento, te̱ba̱nu saꞌ xcꞌabaꞌ aꞌan.

Génesis 32:28

Ut li cui̱nk quixye: —Anakcuan ma̱cuaꞌ chic aj Jacob a̱cꞌabaꞌ. Aj Israel chic a̱cꞌabaꞌ xban nak xayal a̱metzꞌe̱u riqꞌuin li Dios joꞌ ajcuiꞌ riqꞌuineb li cui̱nk. La̱at cau a̱cuib, chan.

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

1 Timoteo 4:2

Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Romanos 9:8

Aꞌin naraj naxye nak moco chixjunileb ta li ralal xcꞌajol laj Abraham sicꞌbileb ru xban li Dios. Caꞌaj cuiꞌ li yechiꞌinbil re xban li Dios, aꞌaneb li tzꞌakal ralal xcꞌajol li Dios.

Romanos 9:6

Li Dios quixqꞌue li quixyechiꞌi reheb laj Israel. Aban moco chixjunileb ta queꞌxcꞌul li yechiꞌinbil xban li Dios xban nak moco chixjunileb ta tzꞌakaleb aj Israel. Aban incꞌaꞌ ninye nak li Dios incꞌaꞌ quixqꞌue li quixyechiꞌi reheb laj Israel.

Romanos 2:17

La̱at aj judío, ut riqꞌuin aꞌan nacanimobresi a̱cuib, ut nacaye nak li Dios aꞌan aj e̱chal a̱cue. Ut nacacꞌojob a̱chꞌo̱l riqꞌuin lix chakꞌrab laj Moisés.

San Juan 4:24

Li Dios, aꞌan musikꞌej ut li ani ta̱lokꞌoni̱nk re, tento nak tixba̱nu chi anchal xchꞌo̱l ut chi tzꞌakal re ru, chan li Jesús.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Sofonías 1:5

Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.

Isaías 62:8

Li Ka̱cuaꞌ riqꞌuin lix cuanquil quixye riqꞌuin juramento nak incꞌaꞌ chic tixqꞌue lix trigo lix tenamit chixtzacaheb li xicꞌ nequeꞌiloc reheb. Chi moco eb li jalan tenamit tixqꞌueheb xlese̱ns chirucꞌbal li xyaꞌal li uvas li nequeꞌxcꞌanjela.

Isaías 58:2

Cuulaj cuulaj yo̱queb chinsicꞌbal. Nequeꞌraj xnaubal cꞌaꞌru tincuaj teꞌxba̱nu. Chanchaneb jun li tenamit li nequeꞌxba̱nu li us. Chanchan nak incꞌaꞌ xeꞌxkꞌet lin chakꞌrab. Nequeꞌxtzꞌa̱ma chicuu li chakꞌrab li ti̱c. Nequeꞌxye nak nacuulac chiruheb inlokꞌoninquil, chan li Dios.

Isaías 45:23

La̱in xinye li cua̱tin. Saꞌ incꞌabaꞌ la̱in xina̱tinac. Ma̱ ani ta̱jalok re li cꞌaꞌru xinye la̱in saꞌ ti̱quilal. Relic chi ya̱l chixjunileb teꞌxcuikꞌib ribeb chicuu ut teꞌxye nak la̱in li Ka̱cuaꞌ Dios.

Isaías 44:5

Cuanqueb li teꞌxye, “La̱in rehin li Ka̱cuaꞌ.” Ut cuanqueb cuiꞌchic li teꞌxye, “La̱in rehin laj Jacob.” Ut cuanqueb li teꞌxtzꞌi̱ba chiruheb xtel “La̱in rehin li Ka̱cuaꞌ” ut teꞌxye nak aꞌan xcomoneb laj Israel.—

Isaías 26:13

At Ka̱cuaꞌ, at kaDios, ya̱l nak cuanqueb li xeꞌtaklan chi cau saꞌ kabe̱n. Abanan junes la̱at nakaqꞌue a̱lokꞌal.

Proverbios 5:16

¿Cꞌaꞌru aj e nak teꞌcua̱nk a̱cualal a̱cꞌajol saꞌ be? ¿Cꞌaꞌru aj e nak ta̱canabeb chi tzꞌektzꞌo yalak bar?

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Salmos 63:11

Abanan la̱in li rey ta̱sahokꞌ saꞌ inchꞌo̱l riqꞌuin li Dios. Ut chixjunileb li cauheb xchꞌo̱l riqꞌuin li Dios teꞌqꞌuehekꞌ xlokꞌal. Ut eb li nequeꞌticꞌtiꞌic teꞌsachekꞌ xcuanquil ut teꞌmemobresi̱k.

2 Reyes 17:34

Toj chalen anakcuan nequeꞌxba̱nu joꞌ queꞌxba̱nu chak najter. Incꞌaꞌ nequeꞌxlokꞌoni li Ka̱cuaꞌ chi moco nequeꞌxba̱nu li chakꞌrab ut li xtaklanquil, chi moco nequeꞌxba̱nu li cꞌaꞌru quixye li Ka̱cuaꞌ reheb li ralal xcꞌajol laj Jacob, li quixqꞌue “aj Israel” chokꞌ xcꞌabaꞌ.

Deuteronomio 33:28

Joꞌcan nak la̱ex li ralal xcꞌajol laj Israel texcua̱nk chi tuktu le̱ chꞌo̱l. Ma̱cꞌaꞌ ta̱chꞌiꞌchꞌiꞌi̱nk e̱re la̱ex li ralal xcꞌajol laj Jacob. Kꞌaxal nabal li ru le̱ racui̱mk ut kꞌaxal nabal li vino saꞌ le̱ naꞌaj li ta̱tꞌakresi̱k riqꞌuin li hab li nachal saꞌ choxa.

Deuteronomio 10:20

Chexucua ru li Ka̱cuaꞌ le̱ Dios ut caꞌaj cuiꞌ chiru aꞌan texcꞌanjelak. Chexcua̱nk saꞌ ti̱quilal chiru. Ut caꞌaj cuiꞌ saꞌ xcꞌabaꞌ aꞌan te̱ba̱nu li juramento.

Deuteronomio 5:28

Li Ka̱cuaꞌ quirabi li cꞌaꞌru xeye cue ut quixye cue, “La̱in xcuabi chixjunil li queꞌxye a̱cue eb li tenamit aꞌin. Us li cꞌaꞌru xeꞌxye.

Números 24:7

Cua̱nk tzꞌakal lix haꞌeb. Tzꞌakalak lix haꞌeb re teꞌrucꞌ ut re teꞌxtꞌakresi li racui̱mkeb. Ut nima̱k xcuanquil lix reyeb chiru lix cuanquil li rey Agag. Qꞌuebilak xlokꞌal lix cuanquil.

Levítico 19:12

Me̱ba̱nu li juramento saꞌ incꞌabaꞌ la̱in chi ma̱cꞌaꞌ rajbal. Cui te̱ba̱nu chi joꞌcan te̱mux ru lin cꞌabaꞌ. La̱in li Ka̱cuaꞌ xinyehoc re aꞌin.

Éxodo 23:13

Cheba̱nu chixjunil li xinye e̱re. Incꞌaꞌ te̱lokꞌoni li jalanil dios chi moco te̱patzꞌ xcꞌabaꞌeb.

Génesis 35:10

Li Ka̱cuaꞌ Dios quixye re: —La̱at aj Jacob a̱cꞌabaꞌ. Abanan anakcuan ma̱cuaꞌ chic aj Jacob teꞌxye a̱cue. Aj Israel chic a̱cꞌabaꞌ, chan. Joꞌcaꞌin nak li Dios quixqꞌue aj Israel chokꞌ xcꞌabaꞌ.

Isaías 46:12

Cherabihak li yo̱quin chixyebal la̱ex li cau e̱chꞌo̱l, la̱ex li nequecꞌoxla nak incꞌaꞌ texcolekꞌ.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.

Jeremías 44:26

Abanan la̱ex aj judío li cuanquex arin Egipto, cherabi li cꞌaꞌru naxye li Ka̱cuaꞌ. Li Ka̱cuaꞌ naxye: —La̱in li yoꞌyo̱quil Dios riqꞌuin juramento ninye nak ma̱ jun aj judío li cuan Egipto tixpatzꞌ incꞌabaꞌ nak ta̱tijok, chi moco tixba̱nu chic li juramento saꞌ incꞌabaꞌ.

Zacarías 5:3

Ut aꞌan quixye cue: —Li cꞌaꞌru tzꞌi̱banbil chiru li hu aꞌin, aꞌan retalil nak ac xteneba̱c li tojba ma̱c saꞌ xbe̱neb chixjunileb li cuanqueb saꞌ ruchichꞌochꞌ. Jun pacꞌal tzꞌi̱banbil nak eb li nequeꞌelkꞌac teꞌxcꞌul li tojba ma̱c. Ut saꞌ li jun pacꞌal chic tzꞌi̱banbil nak eb li nequeꞌxpatzꞌ xcꞌabaꞌ li Dios chi ma̱cꞌaꞌ rajbal teꞌxcꞌul ajcuiꞌ li tojba ma̱c. Ma̱ jun reheb teꞌcana̱k chi incꞌaꞌ teꞌxcꞌul li tojba ma̱c.

2 Reyes 5:20

nak laj Giezi lix mo̱s li profeta Eliseo quixye saꞌ xchꞌo̱l: —Lin patrón xcanab chi xic laj Naamán laj Siria chi ma̱cꞌaꞌ xcꞌul. Incꞌaꞌ xcꞌul li cꞌaꞌru xcꞌam chak re tixsi re. Saꞌ xcꞌabaꞌ li Ka̱cuaꞌ Dios, tinxic chi junpa̱t re nak tixsi bayak cue, chan.

Salmos 68:27

Li yo̱queb chi xic chi ubej, aꞌaneb li nequeꞌcꞌamoc be saꞌ xya̱nkeb li ralal xcꞌajol laj Benjamín. Ut chirixeb aꞌan cuanqueb li nequeꞌcꞌamoc be saꞌ xya̱nkeb li ralal xcꞌajol laj Judá joꞌ ajcuiꞌ li nequeꞌcꞌamoc be saꞌ xya̱nkeb li ralal xcꞌajol laj Zabulón ut joꞌ ajcuiꞌ li nequeꞌcꞌamoc be saꞌ xya̱nkeb laj Neftalí.

Isaías 51:1

Li Dios quixye: —Chine̱rabi la̱ex li nequeqꞌue e̱chꞌo̱l chixba̱nunquil li ti̱quilal ut nequesicꞌ li Ka̱cuaꞌ. Cꞌoxlahomak aniheb le̱ xeꞌto̱nil yucuaꞌ. Eb aꞌan chanchaneb li pec li isinbil chak saꞌ junak li sako̱nac.

Isaías 51:2

Chijulticokꞌ e̱re le̱ xeꞌto̱nil yucuaꞌ laj Abraham ut lix Sara. Saꞌ xcꞌabaꞌ aꞌan nak cuanquex la̱ex. Nak la̱in xinsicꞌ ru laj Abraham, aꞌan jun ajcuiꞌ. Abanan la̱in quicuosobtesi ut queꞌnabaloꞌ li ralal xcꞌajol.

Miqueas 2:7

¿Ma nacacꞌoxla nak li Dios toxtzꞌekta̱na la̱o aj Israel? ¿Ma tixba̱nu ta biꞌ chi joꞌcan li Ka̱cuaꞌ? Aꞌan junelic naxtenkꞌaheb li ralal xcꞌajol, chanqueb.