Isaías 47:7 - Li Santil hu

⁷ La̱ex queye, “Junelic ta̱cua̱nk kacuanquil.” Abanan incꞌaꞌ quecꞌoxla li cꞌaꞌru queba̱nu, chi moco quecꞌoxla li cꞌaꞌru yo̱quex chixcꞌulbal anakcuan.

Q'eqchi Bible

⁷ Xaye ajwi' sa' laach'ool: «Taawanq inwankil chi junwaakaj». Ab'anan ink'a' xak'oxla rix a'an chi moko xnume'k sa' laawaanm k'aru toxraqe'q wi'.

Isaías 47:7 ပူးပေါင်းရင်းမြစ်များ

Deuteronomio 32:29

Us raj cui cuan xnaꞌlebeb. Us raj nak teꞌxqꞌue retal li raylal li teꞌxcꞌul. Ut us raj ajcuiꞌ cui teꞌxqꞌue retal chanru nak teꞌosokꞌ.

Isaías 47:5

—La̱ex aj Babilonia, cꞌojlankex ut mex-ecꞌan chic. Cana̱kex saꞌ kꞌojyi̱n xban nak ma̱cꞌaꞌ chic e̱cuanquil saꞌ xbe̱neb li xni̱nkal tenamit.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Daniel 4:29

Ac xnumeꞌ chic jun chihab nak li rey yo̱ chak chi be̱c saꞌ lix nimal palacio aran Babilonia.

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Apocalipsis 18:7

Cheꞌrahobtesi̱k xban nak queꞌxnimobresi ribeb ut queꞌxba̱nu li ma̱usilal. Eb aꞌan nequeꞌxye, “La̱o chanchano li reina. Moco nebaꞌo ta joꞌ junak xma̱lcaꞌan. La̱o ma̱ jun cua takacꞌul rahil chꞌo̱lej,” chanqueb.

Isaías 57:1

Nak nequeꞌcam li ti̱queb xchꞌo̱l, ma̱ ani naxcꞌoxla cꞌaꞌut nak nequeꞌcam. Nak nequeꞌcam li cha̱bileb xnaꞌleb, ma̱ ani naqꞌuehoc retal nak yal xeꞌisi̱c saꞌ li raylal li cha̱lc re.

Isaías 57:11

Li Ka̱cuaꞌ quixye e̱re: —¿Cꞌaꞌut nak nequexxucuac xbaneb li yi̱banbil dios ut nequelokꞌoniheb? ¿Cꞌaꞌut nak xecanab inlokꞌoninquil xbaneb ut ninsach saꞌ e̱chꞌo̱l? Usta incꞌaꞌ xine̱lokꞌoni, aban chalen chak junxil yo̱quin chixcuybal. Joꞌcan nak incꞌaꞌ niquine̱xucua.

Lamentaciones 1:9

Quicꞌutun chi tzꞌakal li ma̱usilal li queꞌxba̱nu, abanan incꞌaꞌ quiyotꞌeꞌ xchꞌo̱leb. Incꞌaꞌ queꞌxqꞌue retal cꞌaꞌru teꞌxcꞌul mokon. Cꞌajoꞌ li raylal queꞌxcꞌul nak qui-isi̱c xcuanquileb. Ma̱ ani nacꞌojoban xchꞌo̱leb. Nequeꞌtijoc ut nequeꞌxye re li Dios: —At Ka̱cuaꞌ, chaqꞌue taxak retal li raylal li yo̱co chixcꞌulbal. Chaqꞌue taxak retal chanru nak eb li xicꞌ nequeꞌiloc ke yo̱queb chi numta̱c saꞌ kabe̱n, chanqueb.

Ezequiel 7:2

—At ralal cui̱nk, la̱in li Ka̱cuaꞌ Dios. Aꞌan aꞌin li yo̱quin chixyebal reheb laj Israel. Cuulac re xkꞌehil rosoꞌjic chixjunil le̱ tenamit. Cuulac re xkꞌehil nak ta̱osokꞌ le̱ naꞌaj.

Daniel 4:4

La̱in laj Nabucodonosor, cuanquin saꞌ li cuochoch chi sa saꞌ inchꞌo̱l ut chixjunil yo̱ chi e̱lc chi us chicuu.

Éxodo 7:23

Ut laj faraón ma̱cꞌaꞌ naraj re li cꞌaꞌru yo̱ chixcꞌulbal. Quixsukꞌisi rib ut co̱ saꞌ rochoch.