Isaías 47:6 - Li Santil hu

⁶ Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Q'eqchi Bible

⁶ K'ajo' naq xinjosq'o'k rik'in lintenamit, xink'e chi muxe'k li weechanihom ut xinq'axtesiheb' sa' laawuq', a Babilonia. A'ut laa'at ink'a' xawil xtoq'ob'aal ruheb' ut xateneb' li kawil k'anjel sa' xb'eeneb' li cheekel winq.

Isaías 47:6 ပူးပေါင်းရင်းမြစ်များ

Zacarías 1:15

Yo̱ caꞌchꞌin injoskꞌil saꞌ xbe̱neb lin tenamit. Abanan kꞌaxal cuiꞌchic yo̱ injoskꞌil saꞌ xbe̱neb li tenamit li incꞌaꞌ nequeꞌpa̱ban ut cꞌojcꞌo̱queb xchꞌo̱l xjuneseb xban nak kꞌaxal cuiꞌchic ra xeꞌxba̱nu reheb lin tenamit, chan.

2 Crónicas 28:9

Saꞌ li tenamit Samaria cuan jun lix profeta li Dios, aj Obed xcꞌabaꞌ. Qui-el chixcꞌulbaleb li soldado aj Israel nak oqueb re saꞌ li tenamit. Li profeta quixye reheb: —Li Ka̱cuaꞌ lix Dioseb le̱ xeꞌto̱nil yucuaꞌ quijoskꞌoꞌ riqꞌuineb laj Judá. Joꞌcan nak quixkꞌaxtesiheb saꞌ e̱rukꞌ la̱ex. Abanan li Ka̱cuaꞌ toj saꞌ choxa quixqꞌue chak retal nak xecamsiheb chi yo̱ e̱joskꞌil.

Deuteronomio 28:50

Kꞌaxal joskꞌeb. Incꞌaꞌ teꞌril xtokꞌoba̱l e̱ru, chi moco li cocꞌal, chi moco li ac ti̱xeb.

Abdías 1:10

La̱ex aj Edom, ralal xcꞌajolex laj Esaú, ta̱cꞌutekꞌ e̱xuta̱n ut texsachekꞌ chi junaj cua xban li ma̱usilal li queba̱nu reheb li ralal xcꞌajol laj Jacob, li ri̱tzꞌin le̱ xeꞌto̱nil yucuaꞌ.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Salmos 69:26

Nequeꞌxrahobtesi li catakla chak chi cꞌuluc raylal ut cꞌajoꞌ nak nequeꞌxhob.

Abdías 1:16

Joꞌ nak xerecꞌa xcꞌahil li rahobtesi̱c la̱ex saꞌ lin tzu̱l Sión, joꞌcan ajcuiꞌ nak teꞌrecꞌa xcꞌahil li rahobtesi̱c chixjunileb li tenamit toj retal teꞌosokꞌ.

Isaías 14:17

¿Ma ma̱cuaꞌ ta biꞌ aꞌin li cui̱nk li quisachoc ruheb li xni̱nkal ru tenamit ut quixsukꞌisi li qꞌuicheꞌ chokꞌ chaki chꞌochꞌ? ¿Ma ma̱cuaꞌ ta biꞌ aꞌin li cui̱nk li incꞌaꞌ quirachꞌabeb li cristian li queꞌcꞌameꞌ chi pre̱xil? chanqueb.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Ezequiel 28:16

Kꞌaxal latzꞌ a̱cuu chi cꞌayi̱nc ut chi lokꞌoc ut riqꞌuin aꞌan catiquib xba̱nunquil li ma̱usilal ut catma̱cob chicuu. Joꞌcan nak la̱in catcuisi saꞌ lin santil tzu̱l saꞌ xya̱nkeb li pec li nequeꞌlemtzꞌun.

Ezequiel 24:21

Joꞌcaꞌin naxye li Ka̱cuaꞌ li nimajcual Dios e̱re la̱ex aj Israel: La̱in li Ka̱cuaꞌ tincanab chi muxecꞌ ru lin templo li kꞌaxal nequera, li cꞌojcꞌo cuiꞌ e̱chꞌo̱l ut nacuulac che̱ru rilbal. Ut eb le̱ ralal e̱cꞌajol li toj cuanqueb Jerusalén teꞌcamsi̱k saꞌ li ple̱t, chan li Ka̱cuaꞌ e̱re.

Lamentaciones 2:2

Li Ka̱cuaꞌ cꞌajoꞌ lix joskꞌil. Ma̱ jun chic li rochocheb li ralal xcꞌajol laj Jacob quixcanab chi xakxo. Quilajxsach ajcuiꞌ ruheb chixjunil li cab li nequeꞌxcol cuiꞌ ribeb laj Judá. Quixcꞌut xxuta̱n li rey joꞌ eb ajcuiꞌ chixjunileb li nequeꞌtenkꞌan re.

Isaías 43:28

Eb li nequeꞌtaklan saꞌ e̱be̱n xeꞌxmux ru lin templo. Joꞌcan nak la̱in xincanabeb chi sachc laj Israel. Xincanabeb lin tenamit chi hobecꞌ, chan li Dios.

Isaías 13:16

Eb li cocꞌal sacꞌbileb chiru pec nak teꞌcamsi̱k chiruheb li naꞌbej yucuaꞌbej. Telajeꞌcꞌamekꞌ chixjunil li cꞌaꞌru cuan reheb saꞌ rochocheb. Ut eb li rixakileb telajeꞌchapekꞌ xbaneb li cui̱nk.

2 Samuel 24:14

Laj David quixye: —Kꞌaxal ra saꞌ inchꞌo̱l ut incꞌaꞌ nintau cꞌaꞌru tinba̱nu. Abanan takacanab kib saꞌ rukꞌ li Dios xban nak nim li rusilal. Incꞌaꞌ nakaj nak totꞌanekꞌ saꞌ rukꞌeb li xicꞌ nequeꞌiloc ke, chan laj David.

Isaías 14:6

Li Dios quixsach xcuanquileb li queꞌtacuasin reheb li tenamit saꞌ joskꞌil. Quixsach xcuanquileb li incꞌaꞌ queꞌxcanab xrahobtesinquileb li tenamit. Rajlal queꞌxsicꞌ xya̱lal chanru nak teꞌxchꞌiꞌchꞌiꞌi.

Jeremías 50:42

Cuanqueb xtzimaj ut cuanqueb xla̱ns. Kꞌaxal joskꞌeb. Ma̱ ani nequeꞌril xtokꞌoba̱l ru. Nak nequeꞌxjap re chanchaneb li palau li cau na-ecꞌan. Yo̱queb chi cha̱lc chirix cacua̱y. Ac cauresinbileb re teꞌcha̱lk chi pletic e̱riqꞌuin la̱ex aj Babilonia.

Lamentaciones 1:14

Li Ka̱cuaꞌ yo̱ chak chixqꞌuebal retal li ma̱c li xkaba̱nu. Chanchan nak quixchꞌutubeb li kama̱c ut quixbacꞌ chiru li kacux. Chanchan li yugo li kꞌaxal a̱l xcꞌambal. Yo̱ chi osocꞌ li kametzꞌe̱u. Li Ka̱cuaꞌ coxkꞌaxtesi saꞌ rukꞌeb li xicꞌ nequeꞌiloc ke ut la̱o incꞌaꞌ chic nakacuy xcolbal kib chiruheb.

Lamentaciones 1:21

Eb li tenamit queꞌrabi nak yo̱co chi ya̱bac xban li raylal, abanan ma̱ ani nacꞌojoban kachꞌo̱l. Nequeꞌsahoꞌ saꞌ xchꞌo̱leb li xicꞌ nequeꞌiloc ke nak nequeꞌrabi resil li raylal li xaqꞌue saꞌ kabe̱n. Chicuulak taxak xkꞌehil li rakba a̱tin re nak teꞌxcꞌul ajcuiꞌ eb aꞌan joꞌ yo̱co chixcꞌulbal la̱o.

Lamentaciones 5:12

Eb li queꞌcꞌamoc be chiku queꞌbaqꞌueꞌ li rukꞌeb ut riqꞌuin aꞌan queꞌtꞌuyuba̱c. Ut eb li ac ti̱xeb incꞌaꞌ chic queꞌqꞌueheꞌ xlokꞌal.

2 Crónicas 10:11

Cui lin yucuaꞌ xqꞌue li cacuil trabaj saꞌ e̱be̱n, la̱in kꞌaxal cuiꞌchic cau li trabaj tinqꞌue. Lin yucuaꞌ xexsacꞌ chi tzꞌu̱m, abanan la̱in texinsacꞌ riqꞌuin li tzꞌu̱m li cuan chꞌi̱chꞌ saꞌ ruꞌuj,” chaꞌkat reheb.—

2 Crónicas 36:17

Xban lix ma̱usilaleb laj Judá, li Ka̱cuaꞌ quixcanab lix reyeb laj Babilonia chi numta̱c saꞌ xbe̱neb. Queꞌxcamsiheb chi chꞌi̱chꞌ saꞌ li templo li toj sa̱jeb. Incꞌaꞌ queꞌril xtokꞌoba̱l ruheb li sa̱j cui̱nk ut li sa̱j ixk, chi moco queꞌril xtokꞌoba̱l ruheb li ti̱xeb ut eb li incꞌaꞌ nequeꞌbe̱c. Quixkꞌaxtesiheb ban chixjunileb saꞌ rukꞌ lix reyeb laj Babilonia.

2 Crónicas 36:20

Chixjunileb li incꞌaꞌ queꞌcamsi̱c, queꞌchapeꞌ ut queꞌcꞌameꞌ Babilonia. Ut aran queꞌcana chokꞌ xmo̱seb li rey ut chokꞌ xmo̱seb li ralal xcꞌajol toj quicuulac xkꞌehil nak eb laj Persia queꞌnumta saꞌ xbe̱neb laj Babilonia.

Esdras 5:12

Ut queꞌxye ajcuiꞌ, “Eb li kaxeꞌto̱nil yucuaꞌ queꞌxchikꞌ xjoskꞌil li Dios li cuan saꞌ choxa. Joꞌcan nak li Dios quixkꞌaxtesiheb saꞌ rukꞌ laj Nabucodonosor laj Caldea lix reyeb laj Babilonia. Li rey aꞌan quixjucꞌ li templo ut quixchapeb ut quixcꞌameb Babilonia li kaxeꞌto̱nil yucuaꞌ.

Lamentaciones 4:16

Xban xjoskꞌil li Ka̱cuaꞌ quixchaꞌchaꞌi ruheb ut incꞌaꞌ chic quixcꞌoxlaheb. Incꞌaꞌ queꞌqꞌueheꞌ xlokꞌal eb laj tij chi moco queꞌileꞌ xtokꞌoba̱l ruheb li nequeꞌcꞌamoc be.

Zacarías 1:12

Ut lix ángel li Ka̱cuaꞌ quixye: —At nimajcual Dios, laje̱b xca̱cꞌa̱l chihab yo̱ a̱joskꞌil saꞌ xbe̱neb li tenamit Jerusalén ut Judá. ¿Joꞌ najtil chic ta̱cua̱nk la̱ joskꞌil saꞌ xbe̱neb? Ut, ¿jokꞌe ta̱cuuxta̱na ruheb? chan li ángel.