Isaías 47:3 - Li Santil hu

³ Anakcuan ta̱cꞌutu̱nk chiruheb chixjunileb li cꞌaꞌak re ru xuta̱nal xlaje̱ba̱nu. Chicꞌutu̱nk nak muxbil chic e̱ru. La̱in tinqꞌue re̱kaj e̱re li rahobtesi̱nc xeba̱nu ut ma̱ ani ta̱ru̱k ta̱colekꞌ chicuu, chan li Dios.

Q'eqchi Bible

³ Tatkanaaq chi t'ust'u re xk'utb'al aaxutaan. Tink'e reeqaj li xab'aanu we ut maajun taaramoq chiwu”.

Isaías 47:3 ပူးပေါင်းရင်းမြစ်များ

Nahum 3:5

Li nimajcual Dios quixye: —La̱in tinsach e̱ru la̱ex aj Nínive. Chanchan tꞌustꞌu texincanab nak tinmakꞌ che̱ru li cꞌaꞌru e̱re. Tincꞌut e̱xuta̱n chiruheb li xni̱nkal ru tenamit.

Apocalipsis 16:19

Li tenamit li kꞌaxal nim xcuanquil quijacheꞌ. Oxib jachal qui-el. Ut eb li jun chꞌol chic tenamit quilajeꞌtꞌaneꞌ. Ut quijulticoꞌ re li Dios li ma̱c queꞌxba̱nu li tenamit Babilonia. Joꞌcan nak quixqꞌueheb chixtojbal rix lix ma̱queb chi tzꞌakal xban nak yo̱ xjoskꞌil saꞌ xbe̱neb.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

Ezequiel 16:37

Joꞌcan nak la̱in tinchꞌutubeb chixjunileb li cui̱nk li queꞌcuan a̱cuiqꞌuin, li nacacꞌojob cuiꞌ a̱chꞌo̱l, joꞌ eb ajcuiꞌ li xicꞌ nacacuileb. Tinchꞌutubeb cha̱jun sutam ut chiruheb aꞌan tincuisi la̱ cuakꞌ re nak tꞌustꞌu tatcana̱k chiruheb.

Jeremías 51:56

Teꞌcha̱lk chixsachbal li tenamit Babilonia. Eb lix soldado laj Babilonia teꞌchapekꞌ ut teꞌtokekꞌ lix tzimaj. La̱in li Ka̱cuaꞌ tinqꞌueheb laj Babilonia chixtojbal xma̱queb joꞌ xcꞌulubeb xcꞌulbal.

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Jeremías 51:4

Chixjunileb laj Babilonia teꞌcamsi̱k. Telajeꞌcamsi̱k saꞌ eb li be.

Jeremías 13:26

La̱in tincꞌut e̱xuta̱n ut ta̱cꞌutu̱nk chiruheb chixjunileb li incꞌaꞌ us li xeba̱nu.

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Génesis 3:7

Tojoꞌnak chi xcabichaleb queꞌxnau chic cꞌaꞌru li us ut cꞌaꞌru li incꞌaꞌ us. Queꞌxqꞌue retal nak tꞌustꞌu̱queb. Queꞌxboj xak li cheꞌ higuera xcꞌabaꞌ chokꞌ ru̱chileb li rakꞌ. Ut riqꞌuin aꞌan queꞌxtzꞌap ribeb.

Isaías 20:4

Lix reyeb laj Asiria ta̱numta̱k saꞌ xbe̱neb laj Egipto ut eb laj Etiopía. Tixchapeb li tenamit ut tixcꞌameb chi pre̱xil. Joꞌ ni̱nk joꞌ cocꞌ teꞌxic chi ma̱cꞌaꞌ xa̱b chi rok ut chi ma̱cꞌaꞌeb rakꞌ. Cꞌajoꞌ nak teꞌxuta̱na̱k eb laj Egipto nak teꞌxic chi tꞌustꞌu̱queb.

Isaías 35:4

Qꞌuehomak xcacuil xchꞌo̱leb li yo̱queb chi lucta̱c. Yehomak reheb: —Cacuubresihomak e̱chꞌo̱l. Mexxucuac. Li Ka̱cuaꞌ ta̱colok e̱re ut tixqꞌueheb chixtojbal lix ma̱queb li xicꞌ nequeꞌiloc e̱re.—

Isaías 3:17

Re xqꞌuebal chixtojbaleb xma̱c la̱in tinqꞌueheb chi tꞌanecꞌ li rismal. Tꞌuruꞌ chic lix jolomeb ta̱cana̱k re xcutbal xxuta̱neb, chan li Ka̱cuaꞌ.