Isaías 47:13 - Li Santil hu

¹³ Tacuajenakex chirabinquil li qꞌuila naꞌleb li nequeꞌxqꞌue aj qꞌuehol naꞌleb. Cha̱lkeb li nequeꞌkꞌehin riqꞌuin li chahim, li nequeꞌyehoc re cꞌaꞌru ta̱cꞌulma̱nk saꞌ li po junju̱nk. Cheꞌxyal xkꞌe che̱colbal chiru li cꞌaꞌru ta̱cꞌulma̱nk.

Q'eqchi Bible

¹³ Xattawaak xb'aan xk'ihaleb' laj k'ehol aana'leb'. Chalqeb' b'i' chakolb'al anaqwan eb' li neke'q'ehink chiru li choxa, eb' li neke'tz'ilok rix eb' li chahim, jo'wi' eb' li neke'xye aawe rajlal po li k'aru taak'ulmanq moqon.

Isaías 47:13 ပူးပေါင်းရင်းမြစ်များ

Isaías 44:25

La̱in nincꞌutbesi nak ma̱cꞌaꞌ na-oc cuiꞌ li cꞌaꞌru nequeꞌxye laj kꞌe. La̱in ninba̱nun re nak incꞌaꞌ na-uxman li cꞌaꞌru nequeꞌxye li nequeꞌbalakꞌin. Ut la̱in ajcuiꞌ nincꞌutbesin re nak ma̱cꞌaꞌ xya̱lal li cꞌaꞌru nequeꞌxye li nequeꞌxcꞌoxla nak cuanqueb xnaꞌleb xjuneseb.

Ezequiel 24:12

Abanan ma̱cꞌaꞌ aj e nak xintacuasi cuib xban nak incꞌaꞌ ajcuiꞌ qui-el li moꞌ usta xinqꞌue saꞌ xam re ta̱e̱lk lix tzꞌajnil.

Jeremías 51:58

Aꞌan aꞌin li naxye li Ka̱cuaꞌ li nimajcual Dios: —Ta̱juqꞌui̱k li tzꞌac chi junaj cua li sutsu cuiꞌ li tenamit usta kꞌaxal nim ru. Ut teꞌcꞌatekꞌ li oqueba̱l li kꞌaxal najt xteram. Ma̱cꞌaꞌ aj e nak queꞌxtacuasi ribeb li tenamit chi cꞌanjelac xban nak yal quicꞌateꞌ li cꞌaꞌru queꞌxyi̱b, chan.

Isaías 57:10

Nequetacuasi e̱rib riqꞌuin li cꞌaꞌru nequeba̱nu. Abanan incꞌaꞌ nequeqꞌue retal nak ma̱cꞌaꞌ rajbal li nequeba̱nu. La̱ex nequecꞌoxla nak quetau e̱tenkꞌanquil. Joꞌcan nak cau chic e̱rib.

Habacuc 2:13

¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Isaías 47:15

Eb aꞌan incꞌaꞌ textenkꞌa usta xesicꞌ e̱tenkꞌanquil riqꞌuineb chalen saꞌ e̱sa̱jilal. Eb aꞌan teꞌxic chixba̱nunquil li cꞌaꞌru nequeꞌraj ut texcanab e̱junes. Ma̱ jun reheb aꞌan ta̱colok e̱re, chan li Ka̱cuaꞌ.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

Isaías 47:9

Abanan kꞌaxal ra te̱cꞌul. Saꞌ junpa̱t ta̱cha̱lk li raylal saꞌ e̱be̱n. Chiru jun cutan ta̱sachekꞌ le̱ cuanquil. Chanchanakex chic junak li ixk li xcam xbe̱lom malaj ut joꞌ junak li xcam ralal xcꞌajol. Usta la̱ex aj kꞌe ut usta nequenau tu̱lac, abanan incꞌaꞌ ta̱ru̱k te̱col e̱rib.

Jeremías 51:64

Ut ta̱ye, “Joꞌ nak xsubun li hu saꞌ li haꞌ, joꞌcan ajcuiꞌ nak ta̱osokꞌ li tenamit Babilonia ut incꞌaꞌ chic ta̱usa̱k xban li raylal li quixqꞌue li Ka̱cuaꞌ saꞌ xbe̱n,” chaꞌakat. Joꞌcaꞌin nak quirakeꞌ chi a̱tinac li profeta Jeremías.