Isaías 47:11 - Li Santil hu

¹¹ Ta̱cha̱lk li raylal saꞌ e̱be̱n ut incꞌaꞌ ta̱ru̱k te̱col e̱rib chiru usta la̱ex aj kꞌe. Chi ma̱cꞌaꞌ saꞌ e̱chꞌo̱l te̱cꞌul li raylal ut ma̱cꞌaꞌ ta̱ru̱k te̱ba̱nu re xcolbal e̱rib. Chi incꞌaꞌ nequenau kꞌaxal ra te̱cꞌul.

Q'eqchi Bible

¹¹ Jo'kan naq taachalq sa' aab'een jun rahilal chi ink'a' tatruuq chi xkolb'al aawib' chiru; q'axal ra taak'ul ut maak'a' xja'lenkil. Chi junpaat taachaalunq jun raaxiik' sa' aab'een li ink'a' nakawoyb'eni.

Isaías 47:11 ပူးပေါင်းရင်းမြစ်များ

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Apocalipsis 3:3

Chijulticokꞌ e̱re lix ya̱lal li querabi chak junxil. Chiyotꞌekꞌ e̱chꞌo̱l ut jalomak e̱cꞌaꞌux. Cacuubresihomak e̱chꞌo̱l saꞌ le̱ pa̱ba̱l. Cui incꞌaꞌ te̱ba̱nu aꞌan, la̱in tincuulak e̱riqꞌuin chi ma̱cꞌaꞌ saꞌ e̱chꞌo̱l joꞌ naxba̱nu laj e̱lkꞌ ut tinrakok a̱tin saꞌ e̱be̱n.

San Lucas 12:59

La̱in ninye a̱cue nak incꞌaꞌ tat-e̱lk aran cui incꞌaꞌ ta̱toj chixjunil li joꞌ qꞌuial teꞌxpatzꞌ a̱cue, chan li Jesús.

Salmos 50:22

Cheqꞌuehak retal aꞌin la̱ex li nequextzꞌekta̱nan cue. Cheba̱nuhak cue̱nt. Ma̱re anchal texinsach chi junaj cua ut ma̱ ani chic naru ta̱colok e̱re.

Nehemías 4:11

Li xicꞌ nequeꞌiloc ke queꞌxcꞌoxla nak la̱o incꞌaꞌ takaqꞌue retal li cꞌaꞌru yo̱queb chixcꞌoxlanquil saꞌ kabe̱n. Saꞌ xchꞌo̱leb aꞌan nak incꞌaꞌ takil nak teꞌoc saꞌ li katenamit chikacamsinquil re nak takacanab xba̱nunquil li cꞌanjel aꞌin.

San Mateo 18:34

Cꞌajoꞌ nak quipoꞌ li rey ut quixkꞌaxtesi saꞌ rukꞌeb laj ilol tzꞌalam toj retal quixtoj chixjunil lix cꞌas.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

San Lucas 17:27

Saꞌ eb li cutan aꞌan li tenamit yo̱queb chi cuaꞌac ut yo̱queb chi ucꞌac. Yo̱queb chi sumla̱c ut yo̱queb chi sumuba̱nc toj quicuulac xkꞌehil nak laj Noé qui-oc saꞌ li jucub cab. Nak ma̱cꞌaꞌ saꞌ xchꞌo̱leb quichal li butꞌi haꞌ ut quilajxsacheb chixjunileb li incꞌaꞌ queꞌoc saꞌ li jucub cab.

Salmos 35:8

Chicha̱lk ta li sachecꞌ saꞌ xbe̱neb chi ma̱cꞌaꞌeb saꞌ xchꞌo̱l. Aꞌaneb ta li cheꞌtꞌanekꞌ saꞌ lix raꞌaleb. Ut aꞌaneb ta ajcuiꞌ cheꞌtꞌanekꞌ saꞌ li jul li queꞌxyi̱b.

Salmos 55:15

Cheꞌca̱mk taxak ut teꞌxic ta chi junpa̱t saꞌ xbalba xban nak junes incꞌaꞌ us nequeꞌxba̱nu saꞌ rochocheb ut li ra̱meb nujenak chi ma̱usilal.

Salmos 73:19

Saꞌ junpa̱t teꞌsachekꞌ ruheb. Cꞌajoꞌ nak teꞌxucuak.

Proverbios 13:21

Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Isaías 30:13

La̱ex cuan le̱ ma̱c. Chanchanex jun li tzꞌac najt xteram, jorol. Chi ma̱cꞌaꞌ saꞌ e̱chꞌo̱l ta̱tꞌanekꞌ.

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

Isaías 47:9

Abanan kꞌaxal ra te̱cꞌul. Saꞌ junpa̱t ta̱cha̱lk li raylal saꞌ e̱be̱n. Chiru jun cutan ta̱sachekꞌ le̱ cuanquil. Chanchanakex chic junak li ixk li xcam xbe̱lom malaj ut joꞌ junak li xcam ralal xcꞌajol. Usta la̱ex aj kꞌe ut usta nequenau tu̱lac, abanan incꞌaꞌ ta̱ru̱k te̱col e̱rib.

Isaías 48:8

Incꞌaꞌ xerabi chi moco xetau ru. Chalen najter incꞌaꞌ nequetau xya̱lal. La̱in ninnau chanru le̱ naꞌleb. La̱in ninnau nak kꞌetkꞌetex chalen saꞌ le̱ yoꞌlajic.

Isaías 57:1

Nak nequeꞌcam li ti̱queb xchꞌo̱l, ma̱ ani naxcꞌoxla cꞌaꞌut nak nequeꞌcam. Nak nequeꞌcam li cha̱bileb xnaꞌleb, ma̱ ani naqꞌuehoc retal nak yal xeꞌisi̱c saꞌ li raylal li cha̱lc re.

Jeremías 51:8

Abanan chiru junpa̱t quisacheꞌ ru li tenamit Babilonia. Chexya̱bak chirixeb. Yalomak xbanbal lix tochꞌolal. Ma̱re ta̱qꞌuira̱k.

Jeremías 51:29

Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Jeremías 51:43

Ma̱cꞌaꞌ chic ta̱cana̱k saꞌ eb li tenamit li cuanqueb Babilonia. Ma̱ ani chic teꞌcua̱nk aran ut ma̱ ani chic teꞌnumekꞌ saꞌ li naꞌajej aꞌan.

Lamentaciones 1:21

Eb li tenamit queꞌrabi nak yo̱co chi ya̱bac xban li raylal, abanan ma̱ ani nacꞌojoban kachꞌo̱l. Nequeꞌsahoꞌ saꞌ xchꞌo̱leb li xicꞌ nequeꞌiloc ke nak nequeꞌrabi resil li raylal li xaqꞌue saꞌ kabe̱n. Chicuulak taxak xkꞌehil li rakba a̱tin re nak teꞌxcꞌul ajcuiꞌ eb aꞌan joꞌ yo̱co chixcꞌulbal la̱o.

Ezequiel 7:26

Ta̱numta̱k li raylal saꞌ e̱be̱n. Rajlal yo̱kex chirabinquil resil li raylal li ta̱cha̱lk saꞌ e̱be̱n. Te̱tzꞌa̱ma chiruheb li profeta nak teꞌxye e̱re li cꞌaꞌru ta̱cꞌulma̱nk, abanan incꞌaꞌ teꞌxba̱nu. Eb laj tij ma̱cꞌaꞌ chic cꞌaꞌru teꞌxcꞌut che̱ru, chi moco eb laj qꞌuehol naꞌleb ta̱ru̱k teꞌxchꞌolob xya̱lal che̱ru.