Isaías 47:10 - Li Santil hu

¹⁰ Xecꞌojob e̱chꞌo̱l riqꞌuin li ma̱usilal xeba̱nu ut xeye, “Ma̱ ani na-iloc ke,” chanquex. Xebalakꞌi e̱rib xban nak xecꞌoxla nak cuan e̱naꞌleb ut xeye, “La̱o kꞌaxal cuan kacuanquil. Ma̱ jun chic cuan xcuanquil joꞌ la̱o,” chanquex.

Q'eqchi Bible

¹⁰ Jwal xak'ojob' aach'ool sa' laamaa'usilal ut xaye: «Maajun na'ilok we», chankat. Laana'leb' ut laanawom xe'b'alaq'ink aawe. Xaye ajwi' sa' laach'ool: «Ka'ajin wi' ut maak'a' chik junaq jo' laa'in».

Isaías 47:10 ပူးပေါင်းရင်းမြစ်များ

Isaías 5:21

Raylal ta̱cha̱lk saꞌ e̱be̱n la̱ex li nequeye nak cuan e̱naꞌleb e̱junes e̱rib ut la̱ex li se̱b e̱chꞌo̱l nak nequecꞌoxla e̱rib.

Isaías 29:15

Raylal ta̱cha̱lk saꞌ xbe̱neb li nequeꞌxcꞌoxla xba̱nunquil chi mukmu chiru li Ka̱cuaꞌ li cꞌaꞌru nequeꞌxcꞌu̱b ru xba̱nunquil. Nequeꞌxcꞌoxla nak ma̱ ani na-iloc reheb. Saꞌ xchꞌo̱leb aꞌan nak ma̱ ani nanaꞌoc re li cꞌaꞌru nequeꞌxba̱nu.

Romanos 1:22

Eb aꞌan nequeꞌxye nak cuanqueb xnaꞌleb abanan ma̱cꞌaꞌeb xnaꞌleb.

Salmos 52:7

Ut teꞌxye, Ilomak a cui̱nk aꞌan. Incꞌaꞌ quixcꞌojob xchꞌo̱l riqꞌuin li Dios. Quixcꞌojob ban xchꞌo̱l saꞌ xbe̱n lix biomal. Saꞌ xchꞌo̱l aꞌan nak tixcol rib riqꞌuin li ma̱usilal naxba̱nu.

Ezequiel 8:12

Li chanchan cui̱nk quixye cue: —At ralal cui̱nk, ¿ma xaqꞌue retal li cꞌaꞌru yo̱queb chixba̱nunquil eb li nequeꞌcꞌamoc be saꞌ xya̱nkeb laj Israel? Chixjunileb yo̱queb chixlokꞌoninquileb li yi̱banbil dios chi mukmu. Ut nequeꞌxye nak la̱in incꞌaꞌ nacuil li cꞌaꞌru nequeꞌxba̱nu. Nequeꞌxye nak la̱in xintzꞌekta̱na lix naꞌajeb.

Isaías 59:4

Ma̱ ani na-ajoc rakoc a̱tin saꞌ ti̱quilal. Incꞌaꞌ nequeye li ya̱l saꞌ li rakleb a̱tin. Nequecꞌojob e̱chꞌo̱l riqꞌuin li ticꞌtiꞌ. Junes raylal ut ma̱usilal nequeba̱nu.

1 Corintios 3:19

Lix naꞌleb li ruchichꞌochꞌ, aꞌan to̱ntil naꞌleb chiru li Dios. Joꞌcaꞌin tzꞌi̱banbil saꞌ li Santil Hu: Li Dios naxcanabeb chixsachbaleb rib xban lix se̱baleb xchꞌo̱l li ani nequeꞌrecꞌa nak cuanqueb xnaꞌleb xjuneseb rib. (Job 5:13)

Ezequiel 9:9

Li Ka̱cuaꞌ quixye cue: —Kꞌaxal numtajenak lix ma̱queb li ralal xcꞌajol laj Israel ut laj Judá. Saꞌ chixjunil li naꞌajej queꞌxcamsi ras ri̱tzꞌin ut queꞌxba̱nu li ma̱usilal. Nequeꞌxye nak la̱in xintzꞌekta̱na lix naꞌajeb ut incꞌaꞌ nacuil li ma̱usilal li nequeꞌxba̱nu.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

Isaías 44:20

Chanchan nak naxcuaꞌ li cha. Naxqꞌue rib chi balakꞌi̱c. Incꞌaꞌ naru tixcol rib chiru li ticꞌtiꞌ. Incꞌaꞌ naru tixye, “moco dios ta li cuan saꞌ lin nim ukꞌ.”

Eclesiastés 8:8

Ma̱ ani junak nacuan xcuanquil saꞌ xbe̱n lix musikꞌ li junju̱nk. Moco ta̱ru̱k ta tixye nak toj ta̱cua̱nk lix yuꞌam xban nak ma̱cuaꞌ aꞌan yal re saꞌ xbe̱n lix yuꞌam. Chi moco cuan junak cuan xcuanquil saꞌ xbe̱n li ca̱mc xban nak ma̱ ani naru nacoleꞌ chiru li ca̱mc. Li incꞌaꞌ us xnaꞌleb incꞌaꞌ ta̱colekꞌ xban li ma̱usilal naxba̱nu.

Salmos 64:5

Nequeꞌxqꞌue xcacuil xchꞌo̱l chiribileb rib chixba̱nunquil li ma̱usilal. Nequeꞌxcꞌu̱b chanru nak teꞌxqꞌue li raꞌal re nak tintꞌanekꞌ chi saꞌ. Ut nequeꞌxye: ¿Ani ta cuiꞌ ta̱naꞌok re cꞌaꞌru yo̱co? chanqueb.

Isaías 28:15

La̱ex nequeye: —La̱o xkaba̱nu jun li contrato riqꞌuin li ca̱mc ut riqꞌuin lix naꞌajeb li camenak. La̱o incꞌaꞌ takacꞌul li raylal saꞌ eb li cutan nak nachal. Xkacꞌojob kachꞌo̱l riqꞌuin li balakꞌi̱nc ut li ticꞌtiꞌic, chanquex.

Salmos 10:11

Li incꞌaꞌ useb xnaꞌleb nequeꞌxye saꞌ xchꞌo̱l: —Li Dios incꞌaꞌ nocoril. Incꞌaꞌ naxnau cꞌaꞌru yo̱co xba̱nunquil, chanqueb.

Isaías 47:8

Joꞌcan nak cherabihak li yo̱quin chixyebal e̱re, la̱ex li nequexcuan chi sa saꞌ e̱chꞌo̱l. La̱ex cꞌojcꞌo e̱chꞌo̱l ut nequecꞌoxla nak ma̱cꞌaꞌ te̱cꞌul ut nequeye saꞌ e̱chꞌo̱l: La̱o cuan kacuanquil. Ma̱ ani chic cuan xcuanquil joꞌ li kacuanquil la̱o, chanquex. Saꞌ e̱chꞌo̱l la̱ex nak ma̱ jaruj te̱cꞌul li raylal joꞌ nequeꞌxcꞌul li ixk li nequeꞌcam xbe̱lomeb malaj ut joꞌ eb li nequeꞌcam li ralal xcꞌajol.

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Daniel 4:27

At rey Nabucodonosor, chacꞌul taxak li cua̱tin. Chacanabak xba̱nunquil li ma̱c ut chaba̱nu li ti̱quilal. Ma̱ba̱nu chic li ma̱usilal. Chacuuxta̱na taxak ruheb li nebaꞌ. Cui ta̱ba̱nu aꞌan, ma̱re chan nak toj tatcana̱k saꞌ la̱ cuanquil, chan laj Daniel.

Sofonías 2:15

Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.