Isaías 46:3 - Li Santil hu

³ Li Dios quixye: —La̱ex li ralal xcꞌajol laj Jacob, chine̱rabihak. Che̱junilex la̱ex laj Israel, li incꞌaꞌ xsacheꞌ e̱ru, cherabi li cꞌaꞌru tinye e̱re. Nak toj ma̱jiꞌ nequeꞌxyoꞌla chak, la̱in quin-iloc e̱re. La̱in quinberesin chak e̱re.

Q'eqchi Bible

³ “Ab'ihomaqin, ex ralal xk'ajol laj Jakob, ut chejunilex aj Israel li xexkole'k: Laa'in kin'iiqanink eere naq toj maji' nekexyo'laak, ut junelik xink'e inch'ool cherilb'al.

Isaías 46:3 ပူးပေါင်းရင်းမြစ်များ

Deuteronomio 1:31

Ut queril chanru nak li Ka̱cuaꞌ quextenkꞌa nak cuanquex saꞌ li chaki chꞌochꞌ. Chanchan nak quexkꞌalu joꞌ jun li yucuaꞌbej naxkꞌalu li ralal. Ut quicꞌamoc be che̱ru toj chalen nak quexcꞌulun saꞌ li naꞌajej aꞌin.

Isaías 51:7

Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Salmos 71:6

Ac la̱at ajcuiꞌ nacat-iloc cue nak toj ma̱jiꞌ ninyoꞌla. La̱at xattenkꞌan cue chi yoꞌla̱c. Joꞌcan nak junelic tinqꞌue a̱lokꞌal.

Isaías 51:1

Li Dios quixye: —Chine̱rabi la̱ex li nequeqꞌue e̱chꞌo̱l chixba̱nunquil li ti̱quilal ut nequesicꞌ li Ka̱cuaꞌ. Cꞌoxlahomak aniheb le̱ xeꞌto̱nil yucuaꞌ. Eb aꞌan chanchaneb li pec li isinbil chak saꞌ junak li sako̱nac.

Isaías 48:1

Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.

Isaías 10:22

Usta kꞌaxal nabaleb laj Israel, joꞌ xqꞌuial li samaib li cuan chire li palau, abanan ta̱cuulak xkꞌehil nak incꞌaꞌ chic qꞌuihakeb. Aꞌaneb li teꞌsukꞌi̱k riqꞌuin li Ka̱cuaꞌ. Ac yebil nak ta̱rakekꞌ a̱tin saꞌ xbe̱neb laj Israel ut ta̱sachekꞌ ruheb lix qꞌuialeb.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

Éxodo 19:4

La̱ex xeril chanru xinba̱nu reheb laj Egipto. La̱ex xexcuisi saꞌ xya̱nkeb ut xexincꞌam cuiqꞌuin joꞌ naxba̱nu li cꞌuch riqꞌuin li cocꞌ ral.

Isaías 46:12

Cherabihak li yo̱quin chixyebal la̱ex li cau e̱chꞌo̱l, la̱ex li nequecꞌoxla nak incꞌaꞌ texcolekꞌ.

Isaías 44:21

Li Ka̱cuaꞌ quixye: —La̱ex aj Israel, la̱ex ralal xcꞌajol laj Jacob. Chijulticokꞌ taxak e̱re li naꞌleb aꞌin. La̱ex aj cꞌanjel chicuu. La̱in quinyoꞌobtesin e̱re. La̱ex aj Israel, incꞌaꞌ taxak tinsachk saꞌ e̱chꞌo̱l.

Isaías 37:4

Lix reyeb laj Asiria quixtakla laj Rabsaces chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Salmos 28:9

At Ka̱cuaꞌ, chacoleb taxak la̱ cualal a̱cꞌajol ut chacuosobtesiheb. Chacuileb joꞌ jun li cha̱bil pastor. Chaberesiheb ut chaqꞌue xcacuileb xchꞌo̱l chi junelic.

Isaías 4:3

Ta̱cuulak xkꞌehil nak li joꞌ qꞌuialeb li tzꞌi̱banbileb xcꞌabaꞌ saꞌ li tenamit Jerusalén, li incꞌaꞌ queꞌsacheꞌ ruheb, teꞌyehekꞌ “Santil Tenamit” reheb. Sión nayeman ajcuiꞌ re li tenamit Jerusalén.

Isaías 10:20

Saꞌ eb li cutan aꞌan eb laj Israel, li ralal xcꞌajol laj Jacob, li incꞌaꞌ queꞌsach ruheb, incꞌaꞌ chic teꞌxcꞌojob xchꞌo̱l riqꞌuineb li cui̱nk li queꞌsachoc ruheb. Teꞌyoꞌoni̱nk ban riqꞌuin li Ka̱cuaꞌ, li Dios Santo, lix Dioseb laj Israel.

Isaías 10:21

Eb laj Israel, li ralal xcꞌajol laj Jacob, li incꞌaꞌ teꞌsachekꞌ ruheb, teꞌsukꞌi̱k riqꞌuin li nimajcual Dios.