Isaías 45:5 - Li Santil hu

⁵ La̱in li Ka̱cuaꞌ. Ma̱ jun chic dios cuan. Caꞌaj cuiꞌ la̱in. La̱in tatincauresi re tatxic chixba̱nunquil li cꞌanjel xinteneb saꞌ a̱be̱n usta incꞌaꞌ nacanau cuu.

Q'eqchi Bible

⁵ Laa'in li Qaawa' ut maak'a' chik junaq; moko wank ta chik junaq yos chiwu laa'in. Xink'e aakawilal, us ta ink'a' nakanaw wu,

Isaías 45:5 ပူးပေါင်းရင်းမြစ်များ

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Joel 2:27

Ut te̱nau nak la̱in cua̱nkin saꞌ e̱ya̱nk, la̱ex aj Israel. Ut te̱nau ajcuiꞌ nak la̱in li Ka̱cuaꞌ le̱ Dios ut ma̱cꞌaꞌ chic junak Dios. Ut incꞌaꞌ chic texincanab chi hobecꞌ la̱ex intenamit.

1 Reyes 8:60

Choxtenkꞌa taxak re nak eb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan li tzꞌakal Dios. Ma̱cꞌaꞌ chic junak joꞌ aꞌan.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Deuteronomio 4:35

Li Ka̱cuaꞌ quixba̱nu chixjunil aꞌin re xcꞌutbal che̱ru nak aꞌan li tzꞌakal Dios. Ut ma̱cꞌaꞌ chic junak Dios. Caꞌaj cuiꞌ aꞌan.

Li xHu LAJ JOB 12:21

Li Dios naxba̱nu nak incꞌaꞌ chic teꞌqꞌuehekꞌ xlokꞌal li cuanqueb saꞌ xcuanquil. Ut eb li cauheb rib ma̱cꞌaꞌak chic xmetzꞌe̱uheb.

Salmos 18:39

La̱at xatqꞌuehoc inmetzꞌe̱u re tinpletik. La̱at xakꞌaxtesiheb li xicꞌ nequeꞌiloc cue rubel incuanquil.

Deuteronomio 4:39

Joꞌcan nak junelic cua̱nk saꞌ e̱chꞌo̱l nak li Ka̱cuaꞌ, aꞌan li nimajcual Dios, joꞌ saꞌ choxa joꞌ saꞌ ruchichꞌochꞌ. Ma̱ jun chic Dios cuan. Caꞌaj cuiꞌ aꞌan.

Salmos 18:32

Li Dios, aꞌan li naqꞌuehoc incacuilal. Aꞌan li nacꞌamoc be chicuu yalak bar ninxic.

San Juan 1:1

Chalen chak saꞌ xticlajic li ruchichꞌochꞌ ac cuan chak li A̱tin. Li A̱tin cuan chak riqꞌuin li Dios ut aꞌan tzꞌakal Dios. Li A̱tin, aꞌan li Cristo.

Esdras 1:2

Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia: Li Ka̱cuaꞌ Dios li cuan saꞌ choxa xqꞌue rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá.

Isaías 22:21

Tinqꞌue chirix laj Eliaquim la̱ cuakꞌ rochben lix cꞌa̱mal a̱saꞌ. Tinkꞌaxtesi li cuanquil re li quinqꞌue a̱cue junxil. Ut aꞌanak chic li ta̱cꞌamok be chiruheb li cuanqueb Jerusalén joꞌ eb ajcuiꞌ li ralal xcꞌajol laj Judá.

Li xHu LAJ JOB 12:18

Narisiheb saꞌ xcuanquileb li rey ut aꞌan ajcuiꞌ naba̱nun re nak teꞌcꞌamekꞌ chi pre̱xil chi ma̱cꞌaꞌ cuan reheb.

Éxodo 9:14

Ut anakcuan tintakla cuiꞌchic jun raylal saꞌ a̱be̱n joꞌ ajcuiꞌ saꞌ xbe̱neb la̱ mo̱s ut saꞌ xbe̱neb ajcuiꞌ chixjunil li tenamit re nak chi joꞌcan ta̱nau nak ma̱ ani chic junak Dios saꞌ ruchichꞌochꞌ joꞌ la̱in.

Salmos 18:31

¿Ma cuan ta biꞌ chic junak Dios? ¿Ma incꞌaꞌ ta biꞌ caꞌaj cuiꞌ li kaDios naru nacoloc ke?

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Isaías 45:6

Tatintenkꞌa re nak chixjunileb li cuanqueb saꞌ ruchichꞌochꞌ teꞌxqꞌue retal nak la̱in li Ka̱cuaꞌ. Saꞌ chixjunil li ruchichꞌochꞌ teꞌxnau nak ma̱cꞌaꞌ chic junak dios chicuu la̱in. Caꞌaj cuiꞌ la̱in li tzꞌakal Dios.

Isaías 47:8

Joꞌcan nak cherabihak li yo̱quin chixyebal e̱re, la̱ex li nequexcuan chi sa saꞌ e̱chꞌo̱l. La̱ex cꞌojcꞌo e̱chꞌo̱l ut nequecꞌoxla nak ma̱cꞌaꞌ te̱cꞌul ut nequeye saꞌ e̱chꞌo̱l: La̱o cuan kacuanquil. Ma̱ ani chic cuan xcuanquil joꞌ li kacuanquil la̱o, chanquex. Saꞌ e̱chꞌo̱l la̱ex nak ma̱ jaruj te̱cꞌul li raylal joꞌ nequeꞌxcꞌul li ixk li nequeꞌcam xbe̱lomeb malaj ut joꞌ eb li nequeꞌcam li ralal xcꞌajol.

Ezequiel 30:24

La̱in tinqꞌue xcuanquil lix reyeb laj Babilonia. Chanchan nak tinqꞌue lix chꞌi̱chꞌ saꞌ rukꞌ. Ut la̱in tinsach xcuanquil lix reyeb laj Egipto. Ta̱yotꞌekꞌ xchꞌo̱l chiruheb li xicꞌ nequeꞌiloc re toj retal ta̱ca̱mk lix reyeb laj Egipto.

Salmos 18:33

Aꞌan na-iloc cue yalak bar ninnumeꞌ re nak ma̱cꞌaꞌ nincꞌul. Chanchanin li quej li naa̱linac yalak bar saꞌ qꞌuicheꞌ.

Salmos 86:10

Teꞌxqꞌue a̱lokꞌal xban nak kꞌaxal nim a̱cuanquil ut sachba chꞌo̱lej li nalaja̱ba̱nu. Caꞌaj cuiꞌ la̱at li tzꞌakal Dios.

Isaías 37:20

Anakcuan ut at Ka̱cuaꞌ, at kaDios, nakatzꞌa̱ma cha̱cuu nak choa̱col chiruheb laj Asiria re nak chixjunileb li cuanqueb xcuanquil saꞌ ruchichꞌochꞌ teꞌxnau nak la̱at li Ka̱cuaꞌ Dios ut ma̱ ani chic junak dios cuan. Caꞌaj cuiꞌ la̱at, chan laj Ezequías.