Isaías 45:3 - Li Santil hu

³ Tinqꞌue a̱cue li terto xtzꞌak li xocxo chi mukmu. Tinkꞌaxtesi a̱cue re nak ta̱nau nak la̱in li Ka̱cuaꞌ. La̱in lix Dioseb laj Israel. La̱in li xinsicꞌoc a̱cuu re ta̱tenkꞌaheb lin tenamit.

Q'eqchi Bible

³ Tink'e aawe eb' li sahil eechej wankeb' chi muqmu, jo' ajwi' chixjunil li b'ihomal ink'a' nawb'il, re naq taanaw naq laa'in li Qaawa', li xYos laj Israel, li ninb'oqok aawe rik'in laak'ab'a'.

Isaías 45:3 ပူးပေါင်းရင်းမြစ်များ

Isaías 48:15

La̱in xinyehoc re ut la̱in xinxakaban re ut la̱in tintakla̱nk re. Ut li cꞌaꞌru tixba̱nu, us ta̱e̱lk chiru.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Esdras 1:2

Aꞌan aꞌin li resil li quixtakla: —Joꞌcaꞌin naxye laj Ciro lix reyeb laj Persia: Li Ka̱cuaꞌ Dios li cuan saꞌ choxa xqꞌue rubel incuanquil chixjunileb li tenamit li cuanqueb saꞌ ruchichꞌochꞌ. Ut xqꞌue ajcuiꞌ saꞌ inbe̱n xyi̱banquil li templo aran Jerusalén xcue̱nt Judá.

Éxodo 33:12

Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu.

Éxodo 33:17

Ut li Ka̱cuaꞌ Dios quixye re laj Moisés: —La̱in tinba̱nu li cꞌaꞌru xatzꞌa̱ma chicuu xban nak la̱at xacꞌam a̱cuib saꞌ usilal cuiqꞌuin ut la̱at sicꞌbil a̱cuu inban, chan.

Jeremías 50:37

Teꞌcamsi̱k saꞌ li ple̱t eb li cacua̱y ut teꞌsachekꞌ ru li carruajes. Ut teꞌcamsi̱k li jalaneb xtenamiteb li cuanqueb saꞌ xya̱nkeb. Chanchanakeb chic ixk. Teꞌsachekꞌ ru li raro xbaneb ut ta̱cꞌamekꞌ lix biomaleb.

Jeremías 51:53

Usta teꞌxyi̱b lix naꞌajeb chi najt xteram ut ta̱cuulak toj saꞌ choxa, abanan la̱in tintaklaheb laj sachonel chixsachbal, chan li Ka̱cuaꞌ.

Isaías 49:1

Abihomak la̱ex li cuanquex saꞌ najtil tenamit. Qꞌuehomak retal li oc cue chixyebal. Nak toj ma̱jiꞌ ninyoꞌla li Ka̱cuaꞌ quixsicꞌ chak cuu chi cꞌanjelac chiru. Nak toj ma̱jiꞌ ninyoꞌla ac naxnau ani incꞌabaꞌ.

Jeremías 41:8

Abanan laje̱b li cui̱nk xcomoneb li ca̱cꞌa̱l chi cui̱nk, queꞌxye re laj Ismael: —Moa̱camsi la̱o. Cuan li trigo, li cebada, li aceite ut li xyaꞌal cab mukmu kaban saꞌ cꞌaleba̱l, chanqueb. Ut xban aꞌan nak laj Ismael incꞌaꞌ quixcamsiheb.

Isaías 41:23

Yehomak ke cꞌaꞌru ta̱cꞌulma̱nk re nak takanau nak la̱ex diosex. Ba̱nuhomak junak cꞌaꞌak re ru re nak takanau nak diosex. Usta cha̱bil, malaj ut incꞌaꞌ us, ba̱nuhomak junak naꞌleb re nak ta̱sachk kachꞌo̱l e̱ban ut toxucuak.

Jeremías 50:26

La̱ex aj najtil tenamit, quimkex chi pletic riqꞌuineb laj Babilonia. Tehomak li naꞌajej li xocxo cuiꞌ li ru li trigo. Te̱sach ruheb chi junaj cua ut te̱canabeb chi tu̱btu. Ma̱ ani ta̱canaba̱k chi yoꞌyo saꞌ xya̱nkeb.

Jeremías 51:13

La̱ex aj Babilonia, li sutsu le̱ tenamit xbaneb li nimaꞌ, ta̱sachekꞌ e̱ru. Nabal le̱ biomal, abanan xcuulac xkꞌehil nak tex-osokꞌ.

2 Crónicas 6:17

Joꞌcan nak anakcuan, at Ka̱cuaꞌ at kaDios la̱o aj Israel, chaba̱nu taxak li cꞌaꞌru cayechiꞌi chak re laj David laj cꞌanjel cha̱cuu.