Isaías 45:20 - Li Santil hu

²⁰ Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

Q'eqchi Bible

²⁰ “Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

Isaías 45:20 ပူးပေါင်းရင်းမြစ်များ

Jeremías 10:5

Xakxo̱queb saꞌ xnaꞌaj. Chanchaneb li cheꞌ palmera. Incꞌaꞌ naru nequeꞌa̱tinac. Tento xpakonquileb xban nak incꞌaꞌ naru nequeꞌbe̱c. Mexxucuac chiruheb xban nak incꞌaꞌ nequeꞌxba̱nu li us, chi moco li incꞌaꞌ us, xban nak ma̱cꞌaꞌeb xcuanquil.—

Isaías 43:9

Chꞌutubomak li xni̱nkal ru tenamit. Chꞌutubomak chixjunileb li tenamit. ¿Ma cuan junak saꞌ xya̱nkeb li quiyehoc re li cꞌaꞌru ac xcꞌulman? ¿Ma cuan junak saꞌ xya̱nkeb li nanaꞌoc re li cꞌaꞌru toj ta̱cꞌulma̱nk? Cui cuan, chixcꞌamak li ani ta̱a̱tinak chirix re xcꞌutbal nak ya̱l li cꞌaꞌru tixye.

Isaías 46:1

Nequeꞌtꞌaneꞌ li dios Bel ut li dios Nebo li nequeꞌxlokꞌoniheb laj Egipto. Eb li dios aꞌan i̱kanbileb xbaneb li bu̱r. Kꞌaxal a̱l chokꞌ reheb li bu̱r ri̱kanquileb xban nak ac tacuajenakeb chi i̱ka̱nc.

Salmos 115:8

Eb li queꞌyi̱ban reheb li dios aꞌin, chanchaneb ajcuiꞌ lix dios li queꞌxyi̱b. Ut eb li nequeꞌxcꞌojob xchꞌo̱l riqꞌuin li yi̱banbil dios, chanchaneb ajcuiꞌ lix dios li nequeꞌxlokꞌoni.

Efesios 2:16

Riqꞌuin lix camic chiru li cruz li Cristo quirisi lix joskꞌinquil kib chi kibil kib ut coxcꞌam cuiꞌchic saꞌ usilal riqꞌuin li Dios ut junaj chic ku.

Efesios 2:12

Junxil moco cuan ta li Cristo e̱riqꞌuin ut ma̱cuaꞌex xcomoneb laj Israel. Incꞌaꞌ querabi resil li contrato li quiyehoc resil lix cꞌulunic laj Colonel. Cuanquex arin saꞌ ruchichꞌochꞌ chi ma̱cꞌaꞌ cꞌaꞌru yo̱quex chiroybeninquil ut chi ma̱cꞌaꞌ li Dios e̱riqꞌuin.

Jeremías 50:28

Cuanqueb li queꞌe̱lelic Babilonia ut queꞌco̱eb Jerusalén ut yo̱queb chixserakꞌinquil chanru nak li Ka̱cuaꞌ li kaDios quixqꞌue re̱kaj li incꞌaꞌ us li queꞌxba̱nu eb laj Babilonia re lix templo li Ka̱cuaꞌ.

Jeremías 10:14

To̱nteb chixjunileb li cui̱nk ut ma̱cꞌaꞌeb xnaꞌleb. Chixjunileb laj tꞌenol chꞌi̱chꞌ nacꞌuteꞌ xxuta̱neb xban li dios li queꞌxyi̱b. Ma̱cꞌaꞌ na-oc cuiꞌ li jalanil dios li nequeꞌxyi̱b xban nak moco yoꞌyo̱queb ta.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Isaías 41:21

Quimkex la̱ex li yi̱banbil dios. A̱tinankex re xcolbal e̱rib. Cha̱lkex, ut cꞌutumak chicuu li cꞌaꞌru xeba̱nu, chan li Ka̱cuaꞌ lix Dioseb laj Israel.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Isaías 48:14

Chꞌutubomak e̱rib ut abihomak li cꞌaꞌru tinye. ¿Ani junak e̱re ta̱yehok re cꞌaꞌru ta̱cꞌulma̱nk mokon? La̱in xinsicꞌ ru jun li cui̱nk. Aꞌan ta̱ba̱nu̱nk re li cꞌaꞌru xincꞌoxla xba̱nunquil reheb laj Babilonia ut reheb laj Caldea.

2 Crónicas 25:15

Cꞌajoꞌ nak quixchikꞌ xjoskꞌil li Dios laj Amasías. Li Dios quixtakla lix profeta riqꞌuin ut li profeta quixye re: —¿Cꞌaꞌut nak nacalokꞌoniheb li yi̱banbil dios aꞌin li incꞌaꞌ queꞌru xcolbaleb laj Edom cha̱cuu la̱ex? chan.

2 Crónicas 28:23

Quixqꞌue xmayej chiruheb lix dioseb laj Damasco li queꞌnumta saꞌ xbe̱neb laj Judá. Ut quixye: —Eb lix reyeb laj Siria queꞌtenkꞌa̱c xbaneb lix dioseb. Joꞌcan nak la̱in tinmayejak chiruheb re nak tineꞌxtenkꞌa ajcuiꞌ la̱in, chan. Abanan xban li ma̱c aꞌan li quixba̱nu laj Acaz, joꞌcan nak qui-isi̱c xcuanquil ut qui-isi̱c ajcuiꞌ xcuanquil chixjunileb laj Judá.

Isaías 44:9

Eb li nequeꞌyi̱ban re li yi̱banbil dios ma̱cꞌaꞌ nequeꞌoc cuiꞌ. Ut lix dioseb li nequeꞌxyi̱b ma̱cꞌaꞌ nequeꞌoc cuiꞌ. Eb aꞌan nequeꞌxnau nak li cꞌaꞌru nequeꞌxba̱nu, aꞌan ajcuiꞌ nabalakꞌin reheb xban nak lix dioseb incꞌaꞌ nequeꞌiloc ut ma̱cꞌaꞌ nequeꞌxnau.

Isaías 44:10

Li ani naxyi̱b junak xdios riqꞌuin cheꞌ malaj ut riqꞌuin chꞌi̱chꞌ ma̱cꞌaꞌ na-oc cuiꞌ.

Isaías 57:13

Nak te̱jap e̱re chixtzꞌa̱manquil e̱tenkꞌanquil, eb le̱ yi̱banbil dios incꞌaꞌ textenkꞌa. Texcꞌamekꞌ xban ikꞌ usta moco cau ta ta̱ecꞌa̱nk. Abanan eb li nequeꞌxcꞌojob xchꞌo̱l cuiqꞌuin teꞌre̱chani li naꞌajej ut teꞌre̱chani ajcuiꞌ lin santil tzu̱l.

Jeremías 48:13

Saꞌ eb li cutan aꞌan eb laj Moab teꞌxuta̱na̱k xban nak queꞌxcꞌojob xchꞌo̱leb riqꞌuin laj Quemos lix dioseb joꞌ nak eb laj Israel queꞌxuta̱na̱c xban lix dioseb li cuan Bet-el, li queꞌxcꞌojob cuiꞌ xchꞌo̱leb.

Jeremías 48:47

Abanan ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb li ralal xcꞌajol laj Moab ut sa chic teꞌcua̱nk, chan li Ka̱cuaꞌ. Aꞌan aꞌin li resilal li cꞌaꞌru tixcꞌul li tenamit Moab.