Isaías 43:7 - Li Santil hu

⁷ Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.

Q'eqchi Bible

⁷ k'ameb' chaq chixjunileb' li neke'patz'ok ink'ab'a', eb' li xinyoob'tesiheb', xinwinqob'resiheb' ut xinkawresiheb' re naq te'xloq'oni wu».

Isaías 43:7 ပူးပေါင်းရင်းမြစ်များ

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Isaías 43:21

Li tenamit aꞌin quinsicꞌ ruheb re teꞌxqꞌue inlokꞌal.

Efesios 1:12

Quixba̱nu chi joꞌcan re nak lokꞌoninbilak ru kaban la̱o li co-oybenin re li Cristo nak toj ma̱jiꞌ nacꞌulun saꞌ ruchichꞌochꞌ.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Romanos 9:23

Ut riqꞌuin lix nimal rusilal quiruxta̱na ku ut quixcꞌut chiku lix lokꞌal. Junxil sicꞌbil chak ku xban re nak totzꞌako̱nk saꞌ lix lokꞌal.

San Juan 15:8

Nequeqꞌue xlokꞌal lin Yucuaꞌ riqꞌuin li cha̱bilal nequeba̱nu. Cui yo̱kex chixba̱nunquil li cꞌaꞌru naraj li Dios, la̱exak tzꞌakal intzolom.

Isaías 56:5

la̱in tinqꞌue reheb li cꞌaꞌru lokꞌ chiruheb li cocꞌal. Tzꞌi̱banbilak retalil lix cꞌabaꞌeb chiru li tzꞌac saꞌ lin templo. Lix cꞌabaꞌeb ta̱julticama̱nk chi junelic kꞌe cutan. Incꞌaꞌ ta̱sachk.

Isaías 48:11

Saꞌ incꞌabaꞌ la̱in ut xban lin rahom nincuy cuib. Incꞌaꞌ ninsach e̱ru. Incꞌaꞌ tinqꞌue cuib chi hobecꞌ ut incꞌaꞌ tinqꞌue lin lokꞌal re jalan chic.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

Salmos 50:23

Li bantioxi̱nc chicuu, aꞌan li mayej li naxqꞌue inlokꞌal. Relic chi ya̱l la̱in tincolok reheb li nequeꞌxba̱nu li cꞌaꞌru ninye.—

Isaías 29:23

Nak teꞌril le̱ ralal e̱cꞌajol li cꞌaꞌru xinba̱nu la̱in, teꞌxqꞌue retal nak la̱in santin ut tineꞌxlokꞌoni la̱in lix Dioseb laj Israel, li ralal xcꞌajol laj Jacob. Ut teꞌxxucua cuu.

Apocalipsis 3:12

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, tinqꞌue xlokꞌal ut ma̱ ani ta̱ru̱k ta̱isi̱nk re saꞌ lix naꞌaj li ta̱qꞌuehekꞌ re xban lin Yucuaꞌ. Chanchanak li okech li nacu̱tun re lix templo li Dios, li incꞌaꞌ na-ecꞌan saꞌ xnaꞌaj. Aꞌan ta̱cua̱nk riqꞌuin lin Yucuaꞌ chi junelic saꞌ li Acꞌ Jerusalén li tixqꞌue lin Yucuaꞌ cuan saꞌ choxa. Acꞌ chic lix cꞌabaꞌ tinqꞌue. Ut chixjunileb teꞌxnau nak aꞌan ralal xcꞌajol lin Yucuaꞌ. Ut tinqꞌue ajcuiꞌ re lin cꞌabaꞌ la̱in.

Jeremías 33:16

Saꞌ eb li cutan aꞌan, eb laj Judá colbilakeb ut eb laj Jerusalén cauhakeb xchꞌo̱l riqꞌuin li Ka̱cuaꞌ ut aꞌin li teꞌxqꞌue chokꞌ xcꞌabaꞌ: Li Ka̱cuaꞌ, Aꞌan aj qꞌuehol ti̱quilal, chaꞌakeb.

Santiago 2:7

¿Ma ma̱cuaꞌ ta biꞌ aꞌaneb li nequeꞌmajecuan re lix lokꞌlaj cꞌabaꞌ li Cristo, li nequecꞌabaꞌin la̱ex?

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Gálatas 6:15

Usta takacꞌul li circuncisión, usta incꞌaꞌ, ma̱cꞌaꞌ chic na-oc cuiꞌ chiku xban nak reho chic li Jesucristo. Li kꞌaxal lokꞌ aꞌan li acꞌ yuꞌam li naxqꞌue ke li Dios.

Hechos 11:26

Ut queꞌcuan aran jun chihab tzꞌakal riqꞌuineb ut queꞌxcꞌut lix ya̱lal chiruheb nabal. Ut aran Antioquía queꞌxtiquib xyebal “cristiano” reheb laj pa̱banel.

Isaías 63:19

Chanchano jun li tenamit li ma̱ jun sut xataklan saꞌ xbe̱n. Chanchan li ma̱ jun sut xkacꞌabaꞌi la̱ cꞌabaꞌ.

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.

2 Corintios 5:17

Joꞌcan ut cui junak xpa̱b li Cristo, acꞌobresinbil aꞌan. Lix yuꞌam quicuan junxil xnumeꞌ ut anakcuan acꞌ chic lix yuꞌam.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

Isaías 27:11

Eb li rukꞌ li cheꞌ queꞌchakic ut queꞌtokeꞌ. Ut eb li ixk nequeꞌxsicꞌ chokꞌ xsiꞌeb. Eb li tenamit incꞌaꞌ nequeꞌxtau xya̱lal. Joꞌcan nak li Ka̱cuaꞌ, li quiyoꞌobtesin reheb incꞌaꞌ quiril xtokꞌoba̱l ruheb. Incꞌaꞌ quiruxta̱naheb ru.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

Amós 9:12

Ut eb lin tenamit Israel teꞌnumta̱k cuiꞌchic saꞌ xbe̱neb laj Edom. Ut teꞌre̱chani cuiꞌchic li naꞌajej li ac qꞌuebil reheb junxil inban la̱in, chan li Ka̱cuaꞌ. Ut li Ka̱cuaꞌ li quiyehoc re aꞌin, aꞌan li ta̱ba̱nu̱nk re.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Jeremías 14:9

¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Daniel 9:18

Chacuabi taxak lin tij, at Ka̱cuaꞌ Dios, ut chacuil taxak xtokꞌoba̱l ku, at inDios. Chacuil taxak li raylal li yo̱co chixcꞌulbal. Chacuil taxak la̱ tenamit Jerusalén li sachbil ru. Nakaya̱ba la̱ cꞌabaꞌ saꞌ xbe̱n li tenamit aꞌan. Moco xban ta nak ti̱c li kachꞌo̱l nak nocotijoc cha̱cuu. Nocotijoc ban cha̱cuu xban nak nim la̱ cuuxta̱n.

Daniel 9:19

Choa̱cuabi, at Ka̱cuaꞌ. Chacuy taxak li kama̱c, at kaDios. At Ka̱cuaꞌ, chasume taxak li katij. Matbay taxak chixsumenquil li cꞌaꞌru xkatzꞌa̱ma a̱cue saꞌ xcꞌabaꞌ lix nimal la̱ rahom. La̱o nakaya̱ba la̱ cꞌabaꞌ saꞌ xbe̱n li tenamit aꞌin ut saꞌ xbe̱neb la̱ cualal a̱cꞌajol, chanquin re li Ka̱cuaꞌ.