Isaías 42:5 - Li Santil hu

⁵ Li Ka̱cuaꞌ li quiyi̱ban re li choxa ut quixhel ru, li quiyi̱ban re li ruchichꞌochꞌ ut chixjunil li cuan chiru, li quiyoꞌobtesin reheb li tenamit ut quixqꞌue xyuꞌameb naxye chi joꞌcaꞌin re laj cꞌanjel chiru:

Q'eqchi Bible

⁵ Jo'ka'in kixye li Qaawa' li kiyoob'tesink ut kihelok re li choxa, li kik'uub'ank re li ruuchich'och' jo'wi' li wank chiru, li kik'ehok xyu'am eb' li poyanam ut kixyoob'tesi chixjunileb' li wankeb' arin:

Isaías 42:5 ပူးပေါင်းရင်းမြစ်များ

Isaías 40:22

Li Dios cuan chak toj saꞌ choxa. Ut eb li cristian saꞌ ruchichꞌochꞌ chanchaneb laj sa̱cꞌ chiru li Dios. Li Dios naxhel ru li choxa. Chanchan jun li muheba̱l nequeꞌcuan cuiꞌ li cristian.

Isaías 45:12

La̱in quinyi̱ban re li ruchichꞌochꞌ ut la̱in quinyoꞌobtesin reheb li cristian li cuanqueb saꞌ ruchichꞌochꞌ. Riqꞌuin lin cuanquil quinyi̱b li choxa. La̱in yal cue saꞌ xbe̱n li sakꞌe, li po ut eb li chahim.

Zacarías 12:1

Li Ka̱cuaꞌ li kꞌaxal nim xcuanquil li quiyi̱ban re li choxa ut quixakaban re li ruchichꞌochꞌ saꞌ xnaꞌaj, li quiqꞌuehoc xmusikꞌ li cui̱nk, aꞌan li xyehoc re aꞌin chirix li tenamit Israel:

Jeremías 10:12

Li Ka̱cuaꞌ Dios, aꞌan li quiyi̱ban re li ruchichꞌochꞌ riqꞌuin xnimal xcuanquil. Riqꞌuin lix naꞌleb quixyi̱b li ruchichꞌochꞌ saꞌ xnaꞌaj ut quixyi̱b ajcuiꞌ li choxa.

Isaías 48:13

La̱in quinyi̱ban re li ruchichꞌochꞌ ut la̱in ajcuiꞌ quinyi̱ban re li choxa. Yal riqꞌuin li cua̱tin queꞌcana saꞌ xnaꞌajeb chixjunileb.

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Salmos 33:6

Li choxa ut chixjunil li cꞌaꞌru cuan chiru yal riqꞌuin li ra̱tin quilajxyi̱b li Dios.

Li xHu LAJ JOB 33:4

Li nimajcual Dios, aꞌan li quiyi̱ban cue ut aꞌan ajcuiꞌ xqꞌuehoc inyuꞌam.

Hechos 17:25

Chi moco aꞌ ta li cui̱nk naqꞌuehoc cꞌaꞌak re ru re aꞌan. Aꞌan ban naqꞌuehoc ke li kayuꞌam ut aꞌan naqꞌuehoc li kamusikꞌ. Aꞌan li naqꞌuehoc chixjunil li cꞌaꞌru cuan.

Li xHu LAJ JOB 12:10

Li Dios naqꞌuehoc re xyuꞌameb chixjunileb li yoꞌyo̱queb ut saꞌ rukꞌ aꞌan cuanqueb.

Isaías 40:12

¿Ma cuan ta biꞌ junak quiru xbisbal li palau riqꞌuin li rukꞌ? Ut, ¿ma cuan ta biꞌ junak quiru xbisbal lix nimal ru li choxa riqꞌuin li rukꞌ? ¿Ani ta biꞌ quiru xbisbal chixjunil li ruchichꞌochꞌ? ¿Ma cuan ta biꞌ junak quiru xbisbaleb li tzu̱l riqꞌuin lix bisleb?

Salmos 136:6

Aꞌan li quiyi̱ban re li ruchichꞌochꞌ saꞌ xnaꞌaj saꞌ xbe̱n li haꞌ xban nak kꞌaxal nim li ruxta̱n saꞌ kabe̱n junelic.

Amós 9:6

Li Ka̱cuaꞌ quixyi̱b lix naꞌaj saꞌ choxa ut quixyi̱b ajcuiꞌ lix sahob ru li choxa. Aꞌan li nachꞌutuban ru li haꞌ li cuan saꞌ li palau ut riqꞌuin aꞌan naxtꞌakresi li ruchichꞌochꞌ. Ka̱cuaꞌ lix cꞌabaꞌ.

Génesis 2:7

Li Ka̱cuaꞌ Dios quixyi̱b li cui̱nk. Quixpacꞌ riqꞌuin chꞌochꞌ ut quirapu saꞌ li ruꞌuj re nak tixqꞌue lix musikꞌ. Ut cuan chic xyuꞌam li cui̱nk.

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

Isaías 40:28

¿Ma incꞌaꞌ ta biꞌ nequenau nak li Ka̱cuaꞌ ac aꞌan ajcuiꞌ chalen chak najter kꞌe cutan? Ut, ¿Ma incꞌaꞌ ta biꞌ e̱rabiom nak li Ka̱cuaꞌ, aꞌan li quiyoꞌobtesin re li cꞌaꞌru cuan saꞌ chixjunil li ruchichꞌochꞌ? Aꞌan incꞌaꞌ nalub chi moco nalaj lix metzꞌe̱u. Lix cꞌaꞌux ma̱ ani nataꞌoc re.

Li xHu LAJ JOB 34:14

Cui li Dios ta̱risiheb lix musikꞌeb li cristian,

Li xHu LAJ JOB 27:3

Joꞌ najtil chic tixqꞌue inyuꞌam li Dios,

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Hechos 17:24

Ut aꞌan ajcuiꞌ li Dios, li quiyi̱ban re li ruchichꞌochꞌ ut chixjunil li cꞌaꞌak re ru cuan. Aꞌan laj e̱chal re li choxa ut li ruchichꞌochꞌ. Aꞌan incꞌaꞌ nacuan saꞌ junak cab yi̱banbil xban cui̱nk.

Génesis 1:1

Saꞌ xticlajic li Dios quixyi̱b chak li choxa ut li ruchichꞌochꞌ.

Isaías 37:16

—At nimajcual Dios, la̱at lix Dioseb laj Israel. Cuancat saꞌ xyiheb li querubines. Caꞌaj cuiꞌ la̱at li tzꞌakal Dios. La̱at cuan a̱cuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

Isaías 57:16

Moco junelic ta yo̱kin chixcꞌutbal chiruheb lin tenamit lix ma̱queb, ut moco junelic ta yo̱kin chi joskꞌocꞌ riqꞌuineb. Cui junelic yo̱kin chixyebal reheb, ta̱chꞌina̱nk xchꞌo̱leb li cristian li quinyoꞌobtesiheb ut incꞌaꞌ raj teꞌxcuy rabinquil.

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

Jeremías 38:16

Ut li rey Sedequías quixba̱nu li juramento saꞌ mukmu riqꞌuin laj Jeremías, ut quixye re: —Saꞌ xcꞌabaꞌ li yoꞌyo̱quil Dios, li naqꞌuehoc kayuꞌam, la̱in incꞌaꞌ tatincamsi, chi moco tatinkꞌaxtesi saꞌ rukꞌeb li cui̱nk li teꞌajok a̱camsinquil, chan.

Ezequiel 18:4

Chixjunileb li cristian cueheb la̱in joꞌ li naꞌbej yucuaꞌbej joꞌ eb ajcuiꞌ li alal cꞌajolbej. Ut li ani nama̱cob, aꞌan ta̱ca̱mk.

Salmos 96:5

Eb li dios li nequeꞌxlokꞌoni li jalanil tenamit yal yi̱banbil. Moco tzꞌakal dios ta. Abanan li Ka̱cuaꞌ, aꞌan li tzꞌakal Dios. Aꞌan li quiyi̱ban re li choxa.