Isaías 42:2 - Li Santil hu

² Incꞌaꞌ ta̱cuechꞌi̱nk chi moco tixjap re ut incꞌaꞌ ta̱abi̱k lix ya̱b xcux saꞌ be.

Q'eqchi Bible

² Ink'a' tixjap re chi aatinak chi moko taawech'inq; ink'a' taa'ab'iiq li xyaab' xkux sa' b'e.

Isaías 42:2 ပူးပေါင်းရင်းမြစ်များ

2 Timoteo 2:24

Junak aj cꞌanjel chiru li Ka̱cuaꞌ ma̱cuaꞌak aj sicꞌol ra xi̱cꞌ. Tu̱lanak ban riqꞌuineb chixjunileb. Cua̱nk xnaꞌleb re xcꞌutbal lix ya̱lal chiruheb li ras ri̱tzꞌin ut nimak xcuyum.

San Lucas 17:20

Eb laj fariseo queꞌxpatzꞌ re li Jesús jokꞌe ta̱cha̱lk lix nimajcual cuanquilal li Dios. Li Jesús quichakꞌoc ut quixye reheb: —Lix cuanquilal li Dios moco cua̱nk ta retalil lix cꞌulunic re nak te̱nau jokꞌe xkꞌehil.

San Mateo 11:29

Cꞌulumak li yugo li tinqꞌue saꞌ e̱be̱n ut tzolomak e̱rib cuiqꞌuin xban nak tu̱lanin ut kꞌun inchꞌo̱l ut te̱tau xcꞌojobanquil e̱chꞌo̱l,

1 Pedro 2:23

Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.

Zacarías 9:9

Chisahokꞌ taxak saꞌ le̱ chꞌo̱l la̱ex li cuanquex saꞌ li tenamit Sión. Chexbicha̱nk xban xsahil le̱ chꞌo̱l, la̱ex li cuanquex Jerusalén xban nak yo̱ chak chi cha̱lc le̱ rey. Aꞌan ti̱c xchꞌo̱l ut tu̱lan. Aꞌan laj Colonel. Cꞌojcꞌo chak chirix jun chꞌina bu̱r. Chirix jun chꞌina ral bu̱r yo̱ chak chi cha̱lc.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Isaías 42:3

Incꞌaꞌ tixrahobtesi li tacuajenakeb. Incꞌaꞌ tixchoy xtokbal li caxlan aj li ac tokecꞌ re, chi moco tixchoy xchupbal li ru xam li toj yo̱ chi e̱lc xsibel. Tixxakab lix cuanquil ut ta̱rakok a̱tin saꞌ ti̱quilal.