Isaías 42:11 - Li Santil hu

¹¹ Cheꞌbicha̱nk chixjunileb li cuanqueb saꞌ li chaki chꞌochꞌ joꞌ eb ajcuiꞌ li cuanqueb saꞌ eb li tenamit. Cheꞌsahokꞌ taxak saꞌ xchꞌo̱leb li cuanqueb Cedar. Cheꞌbicha̱nk xban xsahil xchꞌo̱l li cuanqueb Sela. Cheꞌxjapak reheb xban xsahil xchꞌo̱leb saꞌ xbe̱neb li tzu̱l.

Q'eqchi Bible

¹¹ Chisaho'q sa' xch'ool li chaqich'och' ut eb' li xtenamitul, chixjunileb' li muheb'aal wankeb' wi' laj Kedar. Sahoqeb' chaq li wankeb' Petra ut xjapaqeb' re chi b'ichank toj sa' xb'eeneb' li tzuul.

Isaías 42:11 ပူးပေါင်းရင်းမြစ်များ

Isaías 32:16

Ut saꞌ chixjunileb li tenamit teꞌxba̱nu li ti̱quilal ut teꞌcua̱nk saꞌ xya̱lal.

Isaías 60:7

Teꞌxchꞌutub chixjunileb li queto̱mk aran Cedar re teꞌxcꞌam e̱riqꞌuin. Teꞌxsi e̱re li carner re Nebaiot. Ut aꞌan ta̱cꞌanjelak re teꞌxmayeja saꞌ li artal li nequeꞌxlokꞌoni cuiꞌ. Ut li Ka̱cuaꞌ tixqꞌue xlokꞌal saꞌ lix templo.

Nahum 1:15

Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.

Isaías 52:7

Cꞌajoꞌ xlokꞌal li rokeb li tenamit nak yo̱keb chi xic saꞌ eb li tzu̱l chixyebal resil li cha̱bil esilal. Nequeꞌxye resil li tuktu̱quil usilal ut li cha̱bilal. Ut nequeꞌxye ajcuiꞌ resil li colba-ib. Nequeꞌxye reheb li cuanqueb Sión, “Li Ka̱cuaꞌ le̱ Dios, aꞌan li Rey”.

Isaías 35:6

Ut eb li ye̱k rok chanchanakeb chic li quej nak teꞌpiscꞌok xban xsahileb xchꞌo̱l. Li mem teꞌa̱tinak chic ut teꞌxjap re xban xsahileb xchꞌo̱l. Ut saꞌ li chaki chꞌochꞌ ta̱cua̱nk li yuꞌam haꞌ chi numtajenak.

Isaías 21:16

Aꞌan aꞌin li quixye cue li Ka̱cuaꞌ: —Joꞌcaꞌin saꞌ jun chihab ta̱osokꞌ chixjunil lix lokꞌaleb laj Cedar, joꞌ nak nabiseꞌ xcutan jun li mo̱s.

Isaías 16:1

La̱ex aj Moab, li cuanquex saꞌ li chaki chꞌochꞌ Sela, taklahomakeb li carner re li rey li cuan saꞌ li tzu̱l Sión.

Salmos 120:5

Kꞌaxal ra chokꞌ cue nak cuanquin saꞌ li tenamit Mesec saꞌ xya̱nkeb li ralal xcꞌajol laj Cedar.

Génesis 25:23

Li Ka̱cuaꞌ Dios quixye re lix Rebeca: —Li cocꞌal li teꞌyoꞌla̱k, luteb. Li asbej ta̱cꞌanjelak chiru li i̱tzꞌinbej. Riqꞌuin li cuib li cocꞌal aꞌin teꞌcua̱nk cuib li ni̱nki tenamit. Jun li tenamit kꞌaxal nimak xcuanquil chiru li tenamit jun chic. Ut incꞌaꞌ teꞌxcꞌam rib saꞌ usilal, chan li Dios.

Jeremías 49:16

Xeꞌxbalakꞌi ribeb nak xeꞌxqꞌue xxiuheb li tenamit. Xeꞌxbalakꞌi ribeb nak xeꞌxnimobresi ribeb. Eb aꞌan xeꞌxyi̱b lix naꞌajeb saꞌ xya̱nkeb li sako̱nac saꞌ eb li ni̱nki tzu̱l joꞌ naxba̱nu li tꞌiu. Abanan usta najt xteram teꞌxyi̱b chak lix naꞌajeb, la̱in tebincubsi chak toj aran.

Jeremías 48:28

Canabomak le̱ tenamit ut texxic chi cua̱nc saꞌ xya̱nkeb li pec, la̱ex li cuanquex Moab. Chanchanakex chic li mucuy li naxyi̱b xsoc saꞌ li oqueba̱l re li ochoch pec.

Jeremías 21:13

La̱in yo̱ injoskꞌil saꞌ e̱be̱n la̱ex li cuanquex saꞌ li helho ru saꞌ xbe̱n li tzu̱l. La̱ex nequecꞌoxla nak cau e̱rib joꞌ jun sako̱nac. La̱in tinsach e̱ru la̱ex li nequeye, “¿Ani ta biꞌ ta̱sachok ku? ¿Ani ta biꞌ ta̱ru̱k ta̱oc saꞌ katenamit li ac cauresinbil re takacol cuiꞌ kib?”

Isaías 43:19

Jalan chic li cꞌaꞌru tinba̱nu anakcuan. Chi se̱b nequeril li cꞌaꞌru tinba̱nu. Tinyi̱b jun li be saꞌ li chaki chꞌochꞌ ut tinqꞌueheb ajcuiꞌ li nimaꞌ.

Isaías 35:1

Ta̱sahokꞌ cuiꞌchic saꞌ xchꞌo̱l li chaki chꞌochꞌ. Teꞌatzꞌumak cuiꞌchic li utzꞌuꞌuj saꞌ li chꞌochꞌ li ma̱cꞌaꞌ na-el chiru.

Abdías 1:3

Xebalakꞌi e̱rib e̱junes xban le̱ kꞌetkꞌetil. Xeyi̱b le̱ naꞌaj toj saꞌ xbe̱n li tzu̱l saꞌ xya̱nkeb li ni̱nki pec ut nequeye saꞌ e̱chꞌo̱l, ¿Ani ta biꞌ ta̱ru̱k ta̱taꞌok ke arin? Arin ma̱ ani ta̱numta̱k saꞌ kabe̱n, chanquex.

Isaías 40:3

Quicuabi jun xya̱b cux quixye cue chi joꞌcaꞌin: —Yi̱bomak ru li be saꞌ li chaki chꞌochꞌ chiru li Ka̱cuaꞌ. Ti̱cobresihomak li be chiru li kaDios.

Isaías 12:5

Bichahomak xlokꞌal li Ka̱cuaꞌ xban li sachba chꞌo̱lej li nalajxba̱nu. Chi-abi̱k resil li cꞌaꞌru nalajxba̱nu saꞌ chixjunil li ruchichꞌochꞌ.

Jeremías 49:31

Ayukex chi pletic riqꞌuin li nimla tenamit li cꞌojcꞌo xchꞌo̱leb xban nak cuan chixjunil li cꞌaꞌru reheb. Li tenamit aꞌan moco sutsu ta saꞌ tzꞌac chi moco tzꞌaptzꞌo ta li oqueba̱l. Xjunes cuan li tenamit.

Ezequiel 27:21

Eb laj Arabia ut eb li cuanqueb xcuanquil aran Cedar queꞌyacoc e̱riqꞌuin. Queꞌxjal li cꞌaꞌru e̱re riqꞌuin li cocꞌ carner ut li te̱lom carner ut li te̱lom chiba̱t.