Isaías 42:1 - Li Santil hu

¹ Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

Q'eqchi Bible

¹ A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

Isaías 42:1 ပူးပေါင်းရင်းမြစ်များ

San Lucas 3:22

Li Santil Musikꞌej chanchan jun li paloma nak yo̱ chak chi cubec saꞌ xbe̱n li Jesús ut qui-abi̱c xya̱b xcux li Dios toj saꞌ choxa nak quixye: —La̱at li cualal raro̱cat inban. Nasahoꞌ inchꞌo̱l a̱cuiqꞌuin, chan.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Isaías 52:13

Li Ka̱cuaꞌ Dios quixye chi joꞌcaꞌin: —Abihomak li oc cue chixyebal e̱re anakcuan. Laj cꞌanjel chicuu us ta̱e̱lk riqꞌuin li cꞌaꞌru tixba̱nu. Nimak xcuanquil ut ta̱qꞌuehekꞌ xnimal xlokꞌal.

Filipenses 2:7

Quixcanab ban lix lokꞌal nak quicꞌulun saꞌ ruchichꞌochꞌ. Tzꞌakal cui̱nk joꞌ la̱o nak quiyoꞌla saꞌ ruchichꞌochꞌ ut quicꞌanjelac saꞌ kaya̱nk.

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

San Mateo 17:5

Toj yo̱ ajcuiꞌ chi a̱tinac aꞌan nak quichal saꞌ xbe̱neb jun li chok nalemtzꞌun. Li Dios quia̱tinac chak saꞌ li chok, ut quixye: —Aꞌin li cualal raro inban. Riqꞌuin aꞌan nasahoꞌ inchꞌo̱l. Cherabihak li cꞌaꞌru tixye.—

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

1 Pedro 2:4

Cha̱lkex riqꞌuin li Cristo, li yoꞌyo chi junelic. Eb li cristian queꞌxtzꞌekta̱na li Jesucristo li kꞌaxal lokꞌ li sicꞌbil ru xban li Dios chixqꞌuebal kayuꞌam. Li Jesucristo xakabanbil xban li Dios chi cꞌanjelac joꞌ jun nimla pec kꞌaxal cha̱bil li na-oc chokꞌ xxeꞌ li cab.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

1 Pedro 2:6

Tzꞌi̱banbil retalil saꞌ li Santil Hu li quixye li Dios chirix li Cristo nak quixye chi joꞌcaꞌin: La̱in xinsicꞌ ru li Colonel joꞌ nak laj tzꞌac naxsicꞌ ru li cha̱bil pec chokꞌ xxeꞌ li cab. Xinsicꞌ ru chokꞌ xxeꞌ le̱ pa̱ba̱l. Li ani ta̱pa̱ba̱nk re incꞌaꞌ ta̱chꞌina̱nk xchꞌo̱l. (Isa. 28:16)

Hechos 28:28

Joꞌcan nak chenauhak nak li resil li colba-ib li naxqꞌue li Dios quiqꞌueheꞌ reheb li ma̱cuaꞌeb aj judío. Aꞌan eb chic teꞌabi̱nk re, chan laj Pablo.

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

San Lucas 9:35

Queꞌrabi nak li Dios quia̱tinac saꞌ li chok ut quixye: —Aꞌin li cualal li sicꞌbil ru inban. Cherabi li cꞌaꞌru tixye, chan.

Zacarías 3:8

At Josué, la̱at li xbe̱nil laj tij. Chacuabihak la̱at ut cheꞌrabihak ajcuiꞌ eb laj tij li nequeꞌtenkꞌan a̱cue. La̱ex retalil laj cꞌanjel chicuu li tintakla chak, li nequeꞌxye xtux cheꞌ re.

Isaías 2:4

Li Ka̱cuaꞌ ta̱rakok a̱tin saꞌ xbe̱neb li xni̱nkal tenamit li yo̱queb chi pletic ut aꞌan ta̱kꞌusuk reheb nabal chi tenamit. Ut eb aꞌan teꞌxqꞌue lix chꞌi̱chꞌeb chokꞌ xchꞌi̱chꞌul arado. Ut teꞌxqꞌue lix la̱nseb chokꞌ re sabesi̱nc. Ma̱ ani chic tixrahobtesi jalan tenamit riqꞌuin chꞌi̱chꞌ, chi moco teꞌxcauresi chic rib re teꞌxic chi pletic.

Hechos 11:18

Nak queꞌrabi li cꞌaꞌru quixye laj Pedro, eb laj cꞌamol be saꞌ xya̱nkeb laj pa̱banel aj judío, queꞌxcanab cuechꞌi̱nc. Queꞌxlokꞌoni li Dios ut queꞌxye: —Li Ka̱cuaꞌ xqꞌue ajcuiꞌ li junelic yuꞌam reheb li ma̱cuaꞌeb aj judío xban nak xeꞌxyotꞌ xchꞌo̱l ut xeꞌxjal xcꞌaꞌux, chanqueb.

San Juan 16:32

Xcuulac xkꞌehil, ut anakcuan ajcuiꞌ, nak ta̱chaꞌchaꞌi̱k e̱ru che̱junilex. Ac xbe xbe li junju̱nk tixchap ut tine̱canab injunes. Abanan moco injunes ta xban nak lin Yucuaꞌ cua̱nk cuiqꞌuin.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Isaías 32:16

Ut saꞌ chixjunileb li tenamit teꞌxba̱nu li ti̱quilal ut teꞌcua̱nk saꞌ xya̱lal.

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

San Lucas 4:19

Quinixtakla xyebal resil nak ac xcuulac xkꞌehil nak li Ka̱cuaꞌ tixcoleb lix tenamit. (Isa. 61:1-2)

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

Isaías 41:9

La̱in xin-isin chak e̱re saꞌ li najtil tenamit. Xexinbok nak cuanquex chak saꞌ xmaril li ruchichꞌochꞌ. Ut xinye e̱re: —La̱ex texcꞌanjelak chicuu. La̱in xinsicꞌoc e̱ru ut incꞌaꞌ xexintzꞌekta̱na.

Isaías 42:2

Incꞌaꞌ ta̱cuechꞌi̱nk chi moco tixjap re ut incꞌaꞌ ta̱abi̱k lix ya̱b xcux saꞌ be.

Hageo 2:23

Li Ka̱cuaꞌ li kꞌaxal nim xcuanquil quixye re laj Zorobabel: —Saꞌ li cutan aꞌan la̱in tin-ilok a̱cue, at Zorobabel, ralalat laj Salatiel. Sicꞌbil a̱cuu inban, la̱at laj cꞌanjel chicuu. Raro̱cat inban joꞌ lin matkꞌab re xba̱nunquil sellar, chan li nimajcual Dios.

Salmos 72:4

Aꞌan ta̱rakok a̱tin saꞌ ti̱quilal saꞌ xbe̱neb li rahobtesinbileb ut tixcoleb ajcuiꞌ li ralal xcꞌajol li nebaꞌ. Abanan tixsacheb ru li nequeꞌrahobtesin reheb.

Salmos 89:4

Chalen anakcuan eb la̱ cualal a̱cꞌajol teꞌoc chokꞌ rey chokꞌ a̱cuu̱chil nak tat-e̱lk la̱at. Chi junelic kꞌe cutan, eb la̱ cualal a̱cꞌajol chic teꞌoc chokꞌ rey.—

Isaías 50:10

Abihomak la̱ex li nequexucua ru li Dios ut nequeba̱nu li cꞌaꞌru naxye laj cꞌanjel chiru. Cui cuanquex saꞌ kꞌojyi̱n ut ma̱cꞌaꞌ e̱saken, checacuubresihak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin le̱ Dios.

Isaías 63:1

—¿Ani li cak rakꞌ li yo̱ chak chi cha̱lc Bosra li cuan aran Edom? ¿Ani li cꞌajoꞌ xchꞌinaꞌusal li rakꞌ li yo̱ chak chi cha̱lc riqꞌuin xcuanquil ut xlokꞌal? La̱in li Ka̱cuaꞌ li nina̱tinac saꞌ ti̱quilal ut nim incuanquil chi coloc.