Isaías 41:5 - Li Santil hu

⁵ Eb li najtil tenamit queꞌril li cꞌaꞌru yo̱ chi cꞌulma̱nc ut queꞌxucuac. Li cuanqueb saꞌ chixjunil li ruchichꞌochꞌ queꞌoc xxiuheb. Joꞌcan nak queꞌxchꞌutub ribeb chi cha̱lc.

Q'eqchi Bible

⁵ Ex tenamit li wankatqex chire li palaw, ilomaq ut chexxiwaq; chesiksiki eerib', ex xnub'ajlil li ruuchich'och'. Jilonqex chaq ut chalqex.

Isaías 41:5 ပူးပေါင်းရင်းမြစ်များ

Salmos 67:7

Li Dios ta̱osobtesi̱nk ke. Joꞌcan nak cheꞌxqꞌue taxak xlokꞌal li Ka̱cuaꞌ chixjunileb li tenamit yalak bar.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Salmos 65:8

Chixjunileb li cuanqueb saꞌ ruchichꞌochꞌ nequeꞌsach xchꞌo̱leb chirilbal li sachba chꞌo̱lej li nacaba̱nu. Junelic nequeꞌxjap reheb xban xsahil xchꞌo̱leb chi kꞌek chi cutan.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Josué 2:10

La̱o nakanau nak quex-el chak Egipto li Dios quixchakihobresi li haꞌ saꞌ li Caki Palau re nak texnumekꞌ jun pacꞌal. Ut nakanau ajcuiꞌ nak la̱ex quesach ruheb chi junaj cua li cuib chi rey laj Sehón ut laj Og, lix reyeb laj amorreo li cuanqueb jun pacꞌal li nimaꞌ Jordán.

Éxodo 15:14

Eb li jalaneb xtenamit teꞌrabi resil li cꞌaꞌru xaba̱nu. Ut sicsotkeb xbaneb xxiu. Ut cꞌajoꞌ nak teꞌxucuak laj filisteo.

Génesis 10:5

Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Isaías 41:1

Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Isaías 41:6

Chixjunju̱nkaleb queꞌxtenkꞌaheb li rech cabal ut queꞌxye reheb li ras ri̱tzꞌin, “Cacuubresihomak e̱chꞌo̱l.”

Ezequiel 26:18

Anakcuan xsacheꞌ ru li tenamit Tiro. Eb li cuanqueb saꞌ eb li cocꞌ tenamit li sutsu̱queb xban li palau nequeꞌsicsot xban xxiuheb xban nak xsacheꞌ ruheb laj Tiro.

Salmos 65:9

La̱at nacat-iloc re li ruchichꞌochꞌ. La̱at nacattaklan chak re li hab ut nacaqꞌue chi cha̱bilocꞌ li chꞌochꞌ. La̱at nacatqꞌuehoc re li haꞌ saꞌ eb li nimaꞌ ut la̱at nacatba̱nun re nak ta̱e̱lk li acui̱mk saꞌ li chꞌochꞌ. Joꞌcaꞌin nacaba̱nu riqꞌuin li chꞌochꞌ.