Isaías 41:27 - Li Santil hu

²⁷ La̱in li Ka̱cuaꞌ. La̱in li xbe̱n quincꞌutuc chiruheb laj Israel cꞌaꞌru ta̱cꞌulma̱nk. La̱in quintaklan re li takl chixyebal resilal li sahil chꞌo̱lej li ta̱cha̱lk.

Q'eqchi Bible

²⁷ Laa'in xinyehok xb'enwa re Sión chalen chaq sa' xtiklajik; laa'in xintaqlank re jun aj yehol chaab'il esilal aran Jerusalén.

Isaías 41:27 ပူးပေါင်းရင်းမြစ်များ

Isaías 40:9

At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Isaías 52:7

Cꞌajoꞌ xlokꞌal li rokeb li tenamit nak yo̱keb chi xic saꞌ eb li tzu̱l chixyebal resil li cha̱bil esilal. Nequeꞌxye resil li tuktu̱quil usilal ut li cha̱bilal. Ut nequeꞌxye ajcuiꞌ resil li colba-ib. Nequeꞌxye reheb li cuanqueb Sión, “Li Ka̱cuaꞌ le̱ Dios, aꞌan li Rey”.

Nahum 1:15

Yo̱ chak chi cha̱lc saꞌ xbe̱n li tzu̱l li taklanbil chak li yo̱ chak chi cꞌamoc re li cha̱bil esilal chirix li tuktu̱quil usilal. Anakcuan ba̱nuhomak le̱ ninkꞌe joꞌ cꞌaynakex xba̱nunquil la̱ex aj Judá ut ba̱nuhomak li cꞌaꞌru xeyechiꞌi re li Dios xban nak incꞌaꞌ chic teꞌnumta̱k saꞌ e̱be̱n li xicꞌ nequeꞌiloc e̱re. Xeꞌsacheꞌ ruheb chi junaj cua.

Isaías 48:3

Li Ka̱cuaꞌ Dios quixye reheb laj Israel: —Li cꞌaꞌru xcꞌulman, ac inyehom chak resilal junxil. La̱in quinyehoc chak re ut li cꞌaꞌru quinye quicꞌulman saꞌ junpa̱t.

Isaías 44:28

Nak la̱in tinye re laj Ciro nak aꞌan ta̱cꞌanjelak chicuu, laj Ciro tixba̱nu li cꞌaꞌru nacuaj toj retal nak tixye nak li tenamit Jerusalén ta̱yi̱ba̱k cuiꞌchic. Ut tixye ajcuiꞌ nak li templo ta̱yi̱ba̱k cuiꞌchic, chan li Ka̱cuaꞌ.

Apocalipsis 2:8

Ut quixye cuiꞌchic cue: —Tzꞌi̱ban riqꞌuin lix takl li Dios, li na-iloc reheb li jun chꞌu̱tal chi aj pa̱banel li cuanqueb Esmirna. Ut ta̱ye re: Li ac cuan chak saꞌ xticlajic ut cua̱nk ajcuiꞌ toj saꞌ rosoꞌjic, li quicam ut quicuacli cuiꞌchic chi yoꞌyo saꞌ xya̱nkeb li camenak, naxye e̱re chi joꞌcaꞌin:

Romanos 10:15

Ut ¿chanru nak ta̱chꞌoloba̱k chak xya̱lal chiruheb cui ma̱ ani taklanbil xban li Ka̱cuaꞌ? Joꞌcaꞌin tzꞌi̱banbil saꞌ li Santil Hu: Cꞌajoꞌ xlokꞌal eb li nequeꞌxic yalak bar chixyebal resil li colba-ib, li naqꞌuehoc tuktu̱quil usilal. (Isa. 52:7)

Isaías 48:12

La̱ex laj Israel, li ralal xcꞌajol laj Jacob, cherahihak li oc cue chixyebal. La̱in li Ka̱cuaꞌ. La̱in cuanquin saꞌ xticlajic ut cua̱nkin ajcuiꞌ toj saꞌ rosoꞌjic.

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Isaías 43:10

La̱in li Ka̱cuaꞌ ninyehoc re chi joꞌcaꞌin: —La̱ex aj Israel, la̱exak li texchꞌoloba̱nk li ya̱l nak la̱in li tzꞌakal Dios. La̱ex laj cꞌanjel chicuu. La̱in xinsicꞌoc e̱re re nak te̱nau cuu ut tine̱pa̱b. Te̱tau ru nak la̱in li Ka̱cuaꞌ. Moco cuanjenak ta chak junak Dios junxil chicuu la̱in, chi moco ta̱cua̱nk mokon.

Isaías 41:4

¿Ani li quiba̱nun re chixjunil aꞌin? ¿Ani li ya̱l re saꞌ xbe̱n li ruchichꞌochꞌ chalen saꞌ xticlajic? La̱in li Ka̱cuaꞌ. Ac cuanquin chak saꞌ xticlajic ut cua̱nkin ajcuiꞌ toj saꞌ rosoꞌjic. La̱in li Dios quinba̱nun re chixjunil.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.