Isaías 41:26 - Li Santil hu

²⁶ ¿Ani quiyehoc chak ke resil aꞌin chalen saꞌ xticlajic re takanau lix ya̱lal? ¿Ani quiyehoc ke li naꞌleb aꞌin re nak takaye, “Ya̱l li cꞌaꞌru naxye?” Ma̱ ani quiyehoc re. Ma̱ ani quiyehoc ke cꞌaꞌru ta̱cꞌulma̱nk. Ma̱ ani qui-abin re.

Q'eqchi Bible

²⁶ Ani xyehok resil a'in chalen chaq sa' xtiklajik re naq xqanaw chiqajunilo? Ani ta xyehok chaq xb'enwa re raj naq xqaye laa'o naq yaal li yo chi xyeeb'al? Maajun eere laa'ex xyehok a'an chi moko xwank ani xk'ehok chi ab'iik; maajun eere x'ab'ink junaq aatin.

Isaías 41:26 ပူးပေါင်းရင်းမြစ်များ

Isaías 44:7

¿Ma cuan ta biꞌ junak li quixye cꞌaꞌru ta̱cꞌulma̱nk chalen saꞌ xticlajic ut li ta̱cha̱lk mokon? ¿Ma cuan ta biꞌ junak li quiru xba̱nunquil li quinba̱nu la̱in nak quinxakabeb lin tenamit saꞌ xnaꞌajeb junxil? Cui cuan junak, xyehak chak cꞌaꞌru ta̱cꞌulma̱nk mokon.

Isaías 41:22

Quimkex ut yehomak ke li cꞌaꞌru ta̱cha̱lk chiku mokon. Yehomak ke cꞌaꞌru quicꞌulman saꞌ xticlajic ut la̱o takaqꞌue kachꞌo̱l chixtaubal ru. Yehomak ke li cꞌaꞌru ta̱cꞌulma̱nk mokon re nak ac takanau.

Isaías 45:21

A̱tinankex re xcolbal rixeb le̱ yi̱banbil dios. Chepatzꞌak saꞌ comonil. ¿Ani li quiyehoc chak re najter kꞌe cutan li cꞌaꞌru talajcꞌulma̱nk? ¿Ma ma̱cuaꞌ ta biꞌ la̱in li Ka̱cuaꞌ, li nimajcual Dios? La̱in li nincoloc reheb lin tenamit. Ma̱ jun chic Dios cuan chicuu la̱in. Caꞌaj cuiꞌ la̱in li tzꞌakal Dios.

Isaías 43:9

Chꞌutubomak li xni̱nkal ru tenamit. Chꞌutubomak chixjunileb li tenamit. ¿Ma cuan junak saꞌ xya̱nkeb li quiyehoc re li cꞌaꞌru ac xcꞌulman? ¿Ma cuan junak saꞌ xya̱nkeb li nanaꞌoc re li cꞌaꞌru toj ta̱cꞌulma̱nk? Cui cuan, chixcꞌamak li ani ta̱a̱tinak chirix re xcꞌutbal nak ya̱l li cꞌaꞌru tixye.

Isaías 41:4

¿Ani li quiba̱nun re chixjunil aꞌin? ¿Ani li ya̱l re saꞌ xbe̱n li ruchichꞌochꞌ chalen saꞌ xticlajic? La̱in li Ka̱cuaꞌ. Ac cuanquin chak saꞌ xticlajic ut cua̱nkin ajcuiꞌ toj saꞌ rosoꞌjic. La̱in li Dios quinba̱nun re chixjunil.

Isaías 46:9

Chijulticokꞌ e̱re li cꞌaꞌru quicꞌulman najter kꞌe cutan. La̱in li Dios. Ma̱ jun chic dios cuan. Caꞌaj cuiꞌ la̱in ut ma̱ ani juntakꞌe̱t cuiqꞌuin.