Isaías 41:24 - Li Santil hu

²⁴ La̱ex yi̱banbil dios ma̱cꞌaꞌ nequex-oc cuiꞌ. Ma̱cꞌaꞌ naru nequeba̱nu. Ut chixjunileb li nequeꞌlokꞌonin e̱re tzꞌekta̱nanbilakeb.

Q'eqchi Bible

²⁴ Ab'anan moko yosex ta ut maak'a' nekex'ok wi': maak'a' k'a' ru teeb'aanu. Tz'eqtaananb'ileb' chi junajwa eb' li neke'sik'ok eere.

Isaías 41:24 ပူးပေါင်းရင်းမြစ်များ

1 Corintios 8:4

Anakcuan tina̱tinak chirix li tzacae̱mk mayejanbil chiruheb li yi̱banbil dios. La̱o nakanau nak li yi̱banbil dios ma̱cꞌaꞌ nequeꞌoc cuiꞌ xban nak moco dioseb ta. Nakanau nak jun ajcuiꞌ li Dios cuan.

Salmos 115:8

Eb li queꞌyi̱ban reheb li dios aꞌin, chanchaneb ajcuiꞌ lix dios li queꞌxyi̱b. Ut eb li nequeꞌxcꞌojob xchꞌo̱l riqꞌuin li yi̱banbil dios, chanchaneb ajcuiꞌ lix dios li nequeꞌxlokꞌoni.

Isaías 41:29

Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Apocalipsis 17:5

Ut tzꞌi̱banbil saꞌ lix pe̱quem jun li cꞌabaꞌej mukmu xya̱lal. Aꞌan aꞌin li tzꞌi̱banbil: Li nimla tenamit Babilonia aꞌaneb li nequeꞌcꞌamoc be chi coꞌbe̱tac yumbe̱tac ut chixba̱nunquil chixjunil li ma̱usilal.

Jeremías 10:14

To̱nteb chixjunileb li cui̱nk ut ma̱cꞌaꞌeb xnaꞌleb. Chixjunileb laj tꞌenol chꞌi̱chꞌ nacꞌuteꞌ xxuta̱neb xban li dios li queꞌxyi̱b. Ma̱cꞌaꞌ na-oc cuiꞌ li jalanil dios li nequeꞌxyi̱b xban nak moco yoꞌyo̱queb ta.

Isaías 66:24

Teꞌe̱lk ut teꞌril lix tibeleb li cristian li xeꞌtzꞌekta̱nan cue. Ac camenakeb chic. Eb li motzoꞌ li nequeꞌcꞌuxuc re lix tibel incꞌaꞌ teꞌca̱mk, chi moco ta̱chupk li xam li nacꞌatoc reheb. Cꞌajoꞌak xyibaleb ru ta̱cꞌutu̱nk chiruheb li tenamit, chan li Ka̱cuaꞌ Dios.

Isaías 37:19

Queꞌxcꞌat chixjunileb lix dioseb xban nak moco tzꞌakal dioseb ta. Yal pec ut yal cheꞌ yi̱banbileb xbaneb li cui̱nk. Joꞌcan nak queꞌsacheꞌ.

Deuteronomio 27:15

Tzꞌekta̱nanbil li ani tixyi̱b lix jalanil dios ut xjalam u̱ch riqꞌuin chꞌi̱chꞌ ut riqꞌuin cheꞌ usta tixqꞌue saꞌ junak naꞌajej mukmu re tixlokꞌoni xban nak li Ka̱cuaꞌ xicꞌ naril aꞌan. Ut chixjunileb li tenamit teꞌchakꞌok ut teꞌxye: Joꞌcan taxak.

Deuteronomio 7:26

Me̱rocsi saꞌ le̱ rochoch li cꞌaꞌ re ru tzꞌekta̱nanbil xban li Dios. Me̱qꞌue e̱rib chi sachecꞌ xbaneb re nak incꞌaꞌ texsachekꞌ ajcuiꞌ la̱ex. Xicꞌ ban te̱ril chixjunileb. Tento nak teꞌsachekꞌ ru chi junaj cua xban nak ac kꞌaxtesinbil re sachecꞌ.

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

Jeremías 10:5

Xakxo̱queb saꞌ xnaꞌaj. Chanchaneb li cheꞌ palmera. Incꞌaꞌ naru nequeꞌa̱tinac. Tento xpakonquileb xban nak incꞌaꞌ naru nequeꞌbe̱c. Mexxucuac chiruheb xban nak incꞌaꞌ nequeꞌxba̱nu li us, chi moco li incꞌaꞌ us, xban nak ma̱cꞌaꞌeb xcuanquil.—

Jeremías 10:15

Ma̱cꞌaꞌ nequeꞌoc cuiꞌ li yi̱banbil dios. Xcꞌulubeb nak teꞌtzꞌekekꞌ. Ta̱cuulak xkꞌehil nak teꞌsachekꞌ ruheb nak li Ka̱cuaꞌ ta̱cha̱lk chi rakoc a̱tin.

Deuteronomio 7:25

Te̱cꞌat chixjunileb lix yi̱banbil dios. Me̱rahi ru li plata ut li oro li cuan chiru lix dioseb ut me̱xoc chokꞌ e̱re ma̱re anchal te̱tzꞌek e̱rib xbaneb, xban nak li Ka̱cuaꞌ xicꞌ narileb lix yi̱banbil dios.