Isaías 41:16 - Li Santil hu

¹⁶ Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

Q'eqchi Bible

¹⁶ Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Isaías 41:16 ပူးပေါင်းရင်းမြစ်များ

Jeremías 51:2

La̱in tintaklaheb li jalan xtenamiteb chirisinquileb laj Babilonia saꞌ lix naꞌajeb. Teꞌisi̱k joꞌ nak na-isi̱c rix li trigo xban ikꞌ. Ut teꞌxcanab chi ma̱cꞌaꞌ chic cuan chi saꞌ lix tenamiteb xban nak yalak bar teꞌcha̱lk chak li ta̱sachok reheb.—

Habacuc 3:18

Usta chixjunil li cꞌaꞌak re ru aꞌin ma̱cꞌaꞌak chic, abanan la̱in ta̱sahokꞌ saꞌ inchꞌo̱l riqꞌuin li Ka̱cuaꞌ laj Colol cue.

Jeremías 15:7

La̱in tinjeqꞌui ruheb laj Judá saꞌ chixjunil li tenamit joꞌ nak nacꞌameꞌ li qꞌuim xban ikꞌ, ut tebincanab chi ma̱cꞌaꞌ chic ralal xcꞌajoleb, ut tinpoꞌ lix tenamit, abanan incꞌaꞌ ajcuiꞌ teꞌxcanab xba̱nunquil li ma̱usilal.

Filipenses 3:3

La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

Romanos 5:11

Ut moco caꞌaj cuiꞌ ta li kacolbal quixqꞌue li Dios. Naxqꞌue aj ban cuiꞌ lix sahilal kachꞌo̱l saꞌ xcꞌabaꞌ li Ka̱cuaꞌ Jesucristo li quicꞌamoc ke saꞌ usilal riqꞌuin li Dios.

San Mateo 3:12

Ac cuan chak saꞌ rukꞌ lix cꞌanjeleba̱l. Ut ta̱rapu ru chi us li riyajil li trigo ut tixchꞌutub lix trigo saꞌ lix cꞌu̱leba̱l ut li rix tixcꞌat saꞌ li xam li ma̱ jaruj nachup, chan laj Juan.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Salmos 1:4

Moco joꞌcaneb ta li incꞌaꞌ useb xnaꞌleb. Eb aꞌan chanchaneb lix mokoj ixim li nacꞌameꞌ xban ikꞌ.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Isaías 28:5

Saꞌ eb li cutan aꞌan li Ka̱cuaꞌ li nimajcual Dios aꞌanak lix lokꞌaleb lix tenamit li incꞌaꞌ teꞌsachekꞌ ru. Chanchanak jun li corona cꞌajoꞌ xchꞌinaꞌusal yi̱banbil riqꞌuin utzꞌuꞌuj.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Isaías 40:24

Eb aꞌan teꞌosokꞌ. Chanchan li ma̱ jun sut queꞌcuan saꞌ ruchichꞌochꞌ. Chanchaneb li acui̱mk li tojeꞌ xmok ut toj ma̱jiꞌ xchap xxeꞌ chi us. Nak li Ka̱cuaꞌ naxtakla li ikꞌ, nequeꞌchakic ut nequeꞌcꞌameꞌ xban li ikꞌ joꞌ li qꞌuim.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

Isaías 60:19

Incꞌaꞌ chic tento nak li sakꞌe ta̱cutanobresi̱nk e̱re chi cutan chi moco li po chi kꞌek xban nak la̱in li Ka̱cuaꞌ tincutanobresi̱nk e̱re junelic ut la̱in li Dios tinqꞌue e̱lokꞌal.

Isaías 65:18

Chisahokꞌ taxak saꞌ le̱ chꞌo̱l chi junelic xban li cꞌaꞌru tinyi̱b. La̱in tinyi̱b jun acꞌ Jerusalén nujenak chi sahil chꞌo̱lejil. Ut numtajenak xsahileb xchꞌo̱l li teꞌcua̱nk aran.

Jeremías 51:20

Li Ka̱cuaꞌ quixye: —La̱ex aj Babilonia, chanchanex lin martillo re sachoc. La̱ex texcꞌanjelak chicuu re xsachbaleb li xni̱nkal ru tenamit ut re xsachbal lix cuanquileb.

Jeremías 51:33

Li Ka̱cuaꞌ li nimajcual Dios, lix Dioseb laj Israel, quixye: —Eb laj Babilonia teꞌsachekꞌ ru chixjunileb. Chanchanakeb li trigo li nayekꞌiman re risinquil li rix.—

Daniel 2:35

Ut quimuchꞌeꞌ ajcuiꞌ li hierro, li cꞌatbil saklun, li bronce, li plata ut li oro. Ut poks quicana chanchan xpoksil li trigo li nacana nak nayekꞌiman re risinquil saꞌ rix. Ut lix poksil li chꞌi̱chꞌ ut li cꞌatbil saklun quicꞌameꞌ chi junaj cua xban ikꞌ. Abanan li pec quicana ut quiniman toj retal quicuulac xnimal joꞌ jun li tzu̱l ut quixtzꞌap chixjunil li ruchichꞌochꞌ.

Oseas 11:9

La̱in incꞌaꞌ tinba̱nu li cꞌaꞌru quincꞌoxla xba̱nunquil e̱riqꞌuin nak quechikꞌ xxamlel injoskꞌil. La̱in incꞌaꞌ chic texinsach chi junaj cua, la̱ex aj Efraín, xban nak la̱in Diosin. Ma̱cuaꞌin yal cui̱nk. La̱in li Dios Santo li cuanquin saꞌ e̱ya̱nk. Incꞌaꞌ tin-oc saꞌ le̱ tenamit che̱sachbal.

Joel 2:23

Chisahokꞌ taxak saꞌ e̱chꞌo̱l la̱ex li cuanquex Sión. Chisahokꞌ taxak saꞌ e̱chꞌo̱l riqꞌuin li Ka̱cuaꞌ, xban nak aꞌan ta̱qꞌuehok e̱re li cꞌaꞌru nequeraj. Aꞌan tixqꞌue li hab saꞌ xkꞌehil. Tixqꞌue saꞌ sakꞌehil ut tixqꞌue ajcuiꞌ saꞌ habalkꞌe joꞌ quixba̱nu junxil.

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Isaías 29:19

Ut eb li tu̱laneb teꞌsahokꞌ cuiꞌchic xchꞌo̱l riqꞌuin li Ka̱cuaꞌ. Eb li nebaꞌ teꞌsahokꞌ xchꞌo̱l riqꞌuin li Ka̱cuaꞌ lix Dios Santo laj Israel.