Isaías 41:14 - Li Santil hu

¹⁴ Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Q'eqchi Bible

¹⁴ Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 41:14 ပူးပေါင်းရင်းမြစ်များ

Isaías 43:14

Li Ka̱cuaꞌ lix santil Dioseb laj Israel li nacoloc e̱re naxye chi joꞌcaꞌin: —La̱in tintaklaheb li xicꞌ nequeꞌiloc reheb laj Babilonia chi pletic riqꞌuineb re e̱colbal la̱ex. La̱in tinqꞌueheb chi numta̱c saꞌ xbe̱neb. Ut eb li tenamit teꞌchapekꞌ ut teꞌcꞌamekꞌ saꞌ lix jucubeb li queꞌxkꞌetkꞌeti cuiꞌ ribeb junxil.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Salmos 22:6

Chiruheb li tenamit chanchan li ma̱cuaꞌin chic cristian. Chanchanin chic li motzoꞌ chiruheb. Tzꞌekta̱nanbilin xbaneb ut xicꞌ niquineꞌril.

Jeremías 50:34

Abanan li ani ta̱colok reheb, aꞌan cau rib. “Nimajcual Dios” xcꞌabaꞌ. Relic chi ya̱l aꞌan ta̱oque̱nk chirixeb re nak naru teꞌcua̱nk saꞌ tuktu̱quil usilal saꞌ lix naꞌajeb. Abanan eb laj Babilonia ta̱cha̱lk raylal saꞌ xbe̱neb.

Salmos 19:14

Chicuulak taxak cha̱cuu chixjunil li ninye ut li nincꞌoxla. At Ka̱cuaꞌ, at inDios, la̱at nacaqꞌue xcacuilal inchꞌo̱l ut la̱at laj Colol cue.

Li xHu LAJ JOB 25:6

Cui eb aꞌan incꞌaꞌ nequeꞌxtau xlokꞌal li Dios, ¿ma tojaꞌ ta chic li cui̱nk tixtau xlokꞌal li Dios? Aꞌan saꞌ ruchichꞌochꞌ quiyoꞌla. Chanchan li motzoꞌ, chan laj Bildad.

Li xHu LAJ JOB 19:25

La̱in ninnau nak li nacoloc cue yoꞌyo. Ut ninnau nak aꞌan ta̱a̱tinak chicuix re incolbal arin saꞌ ruchichꞌochꞌ.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Isaías 48:17

Li Dios Santo, le̱ Dios la̱ex aj Israel, laj Colol e̱re, quixye chi joꞌcaꞌin: —La̱in li Ka̱cuaꞌ le̱ Dios. La̱in nincꞌutuc che̱ru li cꞌaꞌru te̱ba̱nu re nak us tex-e̱lk. La̱in ninberesin e̱re re nak te̱ba̱nu li us.

Isaías 47:4

Laj Colol ke, aꞌan li nimajcual Dios, lix santil Dios eb laj Israel. Naxye:

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Isaías 44:6

Li Ka̱cuaꞌ li nimajcual Dios, lix Reyeb laj Israel ut laj Colol reheb naxye chi joꞌcaꞌin: —La̱in ac cuanquin ajcuiꞌ chak nak toj ma̱jiꞌ nayi̱ba̱c li ruchichꞌochꞌ. Ut cua̱nkin ajcuiꞌ saꞌ rosoꞌjic. Ma̱cꞌaꞌ junak chic dios chicuu la̱in. Caꞌaj cuiꞌ la̱in.

Apocalipsis 5:9

Queꞌxbicha jun li acꞌ bich ut queꞌxye: A̱cꞌulub xchapbal li botbil hu ut xtebal li sello xban nak la̱at catcamsi̱c. Riqꞌuin la̱ quiqꞌuel xalokꞌeb nabal re nak teꞌoc chokꞌ ralal xcꞌajol li Dios. Yalak ani xacoleb aꞌ yal ani xte̱paleb xxeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

San Mateo 7:14

Abanan li oqueba̱l ut li be li naxic saꞌ li junelic yuꞌam, aꞌan caꞌchꞌin ru ut incꞌaꞌ qꞌuiheb li nequeꞌoc aran.

Isaías 63:16

At Ka̱cuaꞌ, la̱at li kayucuaꞌ usta laj Abraham ut laj Israel (Jacob) incꞌaꞌ queꞌxnau ku. La̱at li kayucuaꞌ. Ut la̱at laj Colol ke chalen chak najter.

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Isaías 59:20

Laj Colonel ta̱cha̱lk chak aran Sión ut tixcoleb li ralal xcꞌajol laj Jacob li teꞌxcanab xba̱nunquil li ma̱usilal. La̱in li Ka̱cuaꞌ ninyehoc re aꞌin.

Isaías 54:8

Nak yo̱ injoskꞌil xinmuk cuib che̱ru junpa̱t. Abanan xban nak junelic nin-uxta̱nan u, la̱in tincuil cuiꞌchic xtokꞌoba̱l e̱ru, chan li Ka̱cuaꞌ laj Colol e̱re.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Romanos 9:27

Joꞌcaꞌin quixye laj Isaías chirixeb laj Israel: Usta nabaleb li ralal xcꞌajol laj Israel joꞌ xqꞌuial li samaib chire li palau, aban moco qꞌuiheb ta li teꞌcolekꞌ.

Deuteronomio 7:7

Moco xban ta nak kꞌaxal nabalex joꞌ eb li tenamit jun chꞌol chic nak quixsicꞌ e̱ru li Dios ut quexra, xban nak la̱ex moco qꞌuihex ta.

Salmos 46:5

Li Dios cuan riqꞌuin lix tenamit junelic ut aꞌan ta̱colok re. Li Dios ta̱tenkꞌa̱nk re chi sake̱uc.

Salmos 78:35

Toj aran nequeꞌjulticoꞌ reheb nak li nimajcual Dios, aꞌan li natenkꞌan reheb ut aꞌan li nacoloc reheb.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Jeremías 46:27

La̱ex aj Israel, li ralal xcꞌajol laj Jacob, mexxucuac. Michꞌinan e̱chꞌo̱l. La̱in tincolok e̱re usta saꞌ najtil tenamit cuanquex chak. Ut tinqꞌueheb cuiꞌchic chi sukꞌi̱c eb la̱ cualal a̱cꞌajol li cuanqueb chi pre̱xil. Texcua̱nk cuiꞌchic saꞌ tuktu̱quil usilal. Ut incꞌaꞌ chic texxucuak.

Lamentaciones 3:57

Saꞌ li cutan nak quintzꞌa̱ma intenkꞌanquil a̱cue, la̱at caye cue: Matxucuac.

Daniel 10:12

Ut li cui̱nk quixye cue: —At Daniel, matxucuac xban nak chalen nak xaqꞌue a̱chꞌo̱l chixtaubal ru li yo̱ chi cꞌulma̱nc ut xacubsi a̱cuib chiru la̱ Dios, aꞌan quirabi la̱ tij. Joꞌcan nak xinchal a̱cuiqꞌuin chixchꞌolobanquil lix ya̱lal cha̱cuu.

Oseas 11:9

La̱in incꞌaꞌ tinba̱nu li cꞌaꞌru quincꞌoxla xba̱nunquil e̱riqꞌuin nak quechikꞌ xxamlel injoskꞌil. La̱in incꞌaꞌ chic texinsach chi junaj cua, la̱ex aj Efraín, xban nak la̱in Diosin. Ma̱cuaꞌin yal cui̱nk. La̱in li Dios Santo li cuanquin saꞌ e̱ya̱nk. Incꞌaꞌ tin-oc saꞌ le̱ tenamit che̱sachbal.

Josué 17:18

La̱ex te̱re̱chani chixjunil li naꞌajej li tzu̱l ru ut te̱cꞌale. Ta̱cꞌanjelak che̱ru li qꞌuicheꞌ. Te̱risiheb laj cananeo saꞌ li naꞌajej aꞌan. Usta cuanqueb xcarruaje re pletic ut usta kꞌaxal cauheb rib, la̱ex tex-e̱chani̱nk re, chan.

Isaías 37:4

Lix reyeb laj Asiria quixtakla laj Rabsaces chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Isaías 43:3

La̱in li Ka̱cuaꞌ le̱ Dios. La̱in le̱ santil Dios la̱ex aj Israel. La̱in laj Colol e̱re. La̱in xinkꞌaxtesiheb laj Egipto chokꞌ e̱ru̱chil la̱ex ut xinqꞌueheb laj Etiopía ut laj Seba chokꞌ e̱re̱kaj.