Isaías 41:13 - Li Santil hu

¹³ La̱in li Ka̱cuaꞌ le̱ Dios. La̱in nequexinchap riqꞌuin le̱ nim ukꞌ. La̱in ninyehoc e̱re: Mexxucuac. La̱in tintenkꞌa̱nk e̱re.

Q'eqchi Bible

¹³ Xb'aan naq laa'in li Qaawa', laaYos, chapchookat chawuq' inb'aan. Laa'in ninyehok aawe: “Matxiwak, laa'in nintenq'ank aawe”.

Isaías 41:13 ပူးပေါင်းရင်းမြစ်များ

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Salmos 73:23

Usta la̱in incꞌaꞌ xintau ru, abanan junelic cuanquin a̱cuiqꞌuin ut la̱at xina̱tenkꞌa. Chanchan nak xina̱chap chiru lin nim ukꞌ re nak incꞌaꞌ tintꞌanekꞌ.

Salmos 63:8

Junelic nacatincꞌoxla, at inDios. Incꞌaꞌ nacatsach saꞌ inchꞌo̱l. Ut saꞌ la̱ nim ukꞌ cuan lin yuꞌam.

Salmos 109:31

Tinqꞌue xlokꞌal li Ka̱cuaꞌ xban nak riqꞌuin lix cuanquil naxcoleb li tenkꞌa̱c teꞌraj. Naxcoleb chiruheb li nequeꞌkꞌaban reheb.

Isaías 42:6

La̱in li Ka̱cuaꞌ li nimajcual Dios. La̱in xinsicꞌoc a̱cuu. La̱in xinqꞌuehoc re la̱ cuanquilal re nak ta̱xakab li ti̱quilal saꞌ ruchichꞌochꞌ. Saꞌ a̱cꞌabaꞌ la̱at la̱in tinba̱nu li contrato riqꞌuineb li tenamit. Ut la̱at tatcutanobresi̱nk re lix cꞌaꞌuxeb li tenamit li ma̱cuaꞌeb aj judío.

2 Timoteo 4:17

Abanan li Ka̱cuaꞌ quitenkꞌan cue ut quixqꞌue xcacuilal inchꞌo̱l re xjulticanquil chi tzꞌakal resil li colba-ib re nak chixjunileb li ma̱cuaꞌeb aj judío teꞌrabi resil li evangelio. Joꞌcan nak quincoleꞌ saꞌ rukꞌ li cakcoj.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Isaías 43:6

La̱in tinye reheb li cuanqueb saꞌ li norte nak teꞌxcanabeb chi xic li cualal incꞌajol. Ut tinye reheb li cuanqueb saꞌ li sur nak teꞌxcanabeb chi sukꞌi̱c saꞌ xnaꞌajeb li cualal incꞌajol li cuanqueb chak saꞌ chixjunil li ruchichꞌochꞌ.

Isaías 51:18

Ma̱ jun cuan saꞌ xya̱nkeb le̱ ralal e̱cꞌajol li ta̱beresi̱nk e̱re. Ma̱ jun saꞌ xya̱nkeb li xeqꞌuiresi naru ta̱cꞌamok be che̱ru.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Éxodo 20:20

Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

Jeremías 30:10

Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

Jeremías 46:27

La̱ex aj Israel, li ralal xcꞌajol laj Jacob, mexxucuac. Michꞌinan e̱chꞌo̱l. La̱in tincolok e̱re usta saꞌ najtil tenamit cuanquex chak. Ut tinqꞌueheb cuiꞌchic chi sukꞌi̱c eb la̱ cualal a̱cꞌajol li cuanqueb chi pre̱xil. Texcua̱nk cuiꞌchic saꞌ tuktu̱quil usilal. Ut incꞌaꞌ chic texxucuak.

Hageo 2:5

Nak quex-el chak aran Egipto, la̱in quinye e̱re nak cua̱nkin e̱riqꞌuin. Ut chalen anakcuan cuanquin e̱riqꞌuin. Joꞌcan nak mexxucuac.

Salmos 118:7

Li Ka̱cuaꞌ cuan cuiqꞌuin. Aꞌan li natenkꞌan cue. La̱in toj tincuil nak li Ka̱cuaꞌ ta̱numta̱k saꞌ xbe̱neb li xicꞌ nequeꞌiloc cue.