Isaías 41:11 - Li Santil hu

¹¹ Chixjunileb li nequeꞌjoskꞌoꞌ e̱riqꞌuin teꞌcꞌutekꞌ xxuta̱n. Ut eb li nequeꞌxyal e̱tꞌanbal teꞌsachekꞌ xcuanquil ut teꞌsachekꞌ ruheb. Chanchan nak incꞌaꞌ queꞌcuan saꞌ ruchichꞌochꞌ.

Q'eqchi Bible

¹¹ Chixjunileb' li xik' neke'ilok aawe te'kanaaq sa' xutaan ut te'kub'siiq xwankil; tik maak'a'eb' chik te'kanaaq eb' li neke'raj numtaak sa' aab'een.

Isaías 41:11 ပူးပေါင်းရင်းမြစ်များ

Éxodo 23:22

Cui la̱ex te̱rabi li cꞌaꞌru naxye e̱re ut te̱ba̱nu chi tzꞌakal li cꞌaꞌru xinye la̱in, la̱in xicꞌ teꞌcuil li xicꞌ nequeꞌiloc e̱re. Ut tinba̱nu raylal reheb li nequeꞌxba̱nu raylal e̱re la̱ex.

Isaías 45:24

Teꞌxye nak relic chi ya̱l caꞌaj cuiꞌ cuiqꞌuin cuan li ti̱quilal ut li cuanquilal. Chixjunileb teꞌcha̱lk cuiqꞌuin ut eb li xicꞌ nequeꞌiloc cue teꞌcꞌutekꞌ xxuta̱n.—

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

Hechos 16:39

Nak queꞌcuulac, queꞌxkꞌunbesiheb ut queꞌxtzꞌa̱ma chiruheb nak teꞌe̱lk saꞌ li tenamit.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Éxodo 11:8

Laj Moisés quixye ajcuiꞌ re laj faraón: —Chixjunileb laj cꞌanjel cha̱cuu teꞌcuulak cuiqꞌuin ut teꞌxcuikꞌib rib chicuu chixtzꞌa̱manquil. Teꞌxye cue, “Ba̱nu usilal, ayu la̱at a̱cuochbeneb chixjunileb laj Israel.” Ut chirix aꞌan tine̱lk saꞌ e̱ya̱nk, chan laj Moisés. Ut ma̱ caꞌchꞌin xjoskꞌil laj Moisés nak qui-el riqꞌuin laj faraón.

Zacarías 12:3

Ut saꞌeb li cutan aꞌan la̱in tinqꞌue cuiꞌchic xcuanquileb laj Jerusalén. Chanchanakeb chic jun li pec kꞌaxal a̱l. Ut chixjunileb li xni̱nkal ru tenamit teꞌxjunaji ribeb ut teꞌxyal numta̱c saꞌ xbe̱neb laj Jerusalén. Abanan incꞌaꞌ teꞌxcuy xmetzꞌe̱uheb laj Jerusalén. Kꞌaxal ra teꞌxcꞌul.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Isaías 41:29

Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

Isaías 29:8

Chanchanakeb li ta̱tzꞌoca̱k ut naxmatqꞌue nak yo̱ chi cuaꞌac. Abanan nak na-aj ru ta̱tzꞌoca̱k. Malaj ut chanchanakeb li ta̱chakik re. Naxmatqꞌue nak yo̱ chi ucꞌac. Abanan nak na-aj ru, ta̱raj ucꞌac. Joꞌcan teꞌxcꞌul li qꞌuila tenamit li nequeꞌpletic saꞌ li tzu̱l Sión.

Isaías 41:24

La̱ex yi̱banbil dios ma̱cꞌaꞌ nequex-oc cuiꞌ. Ma̱cꞌaꞌ naru nequeba̱nu. Ut chixjunileb li nequeꞌlokꞌonin e̱re tzꞌekta̱nanbilakeb.

Isaías 40:17

Chiru li Ka̱cuaꞌ ma̱cꞌaꞌ nequeꞌoc cuiꞌ li xni̱nkal ru tenamit. Chi ti̱c ma̱cꞌaꞌ nequeꞌoc cuiꞌ.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Isaías 29:7

Ut chixjunileb li tenamit li yo̱queb chi pletic riqꞌuineb laj Jerusalén joꞌ eb li nequeꞌrahobtesin reheb telajeꞌosokꞌ. Chanchanakeb li matcꞌ malaj ut jun li visión chiru kꞌojyi̱n li yal nanumeꞌ.

Isaías 34:12

Incꞌaꞌ chic ta̱cua̱nk rey chi takla̱nc saꞌ li naꞌajej aꞌan. Ut chixjunileb li cuanqueb xcuanquil ma̱cꞌaꞌakeb chic.

Isaías 40:2

Chex-a̱tinak riqꞌuineb lin tenamit Jerusalén saꞌ kꞌunil. Cheye reheb nak tzꞌakal li raylal li ac xeꞌxcꞌul. Cuybil sachbil chic lix ma̱queb. Nabal lix tojbal rix lix ma̱queb xinqꞌue, chan li Dios.

Isaías 54:15

Cui ani ta̱pletik e̱riqꞌuin ma̱cuaꞌ xban nak la̱in xinqꞌue xlese̱ns. Eb aꞌan incꞌaꞌ teꞌnumta̱k saꞌ e̱be̱n. La̱ex ban texnumta̱k saꞌ xbe̱neb.

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Éxodo 12:29

Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Isaías 49:25

Li Ka̱cuaꞌ naxye: —Aꞌan aꞌin li ta̱cꞌulma̱nk. Eb li cuanqueb chi pre̱xil teꞌmakꞌekꞌ chiruheb li soldado. Ut li cꞌaꞌru quire̱chani li kꞌaxal joskꞌ ta̱makꞌekꞌ chiru. La̱in tinpletik riqꞌuineb li nequeꞌpletic a̱cuiqꞌuin ut la̱in tincolok reheb la̱ tenamit.

Jeremías 12:17

Abanan cui incꞌaꞌ teꞌabi̱nk chicuu la̱in tincuisiheb chi junaj cua saꞌ lix naꞌajeb ut tinsach ruheb, chan li Ka̱cuaꞌ.