Isaías 41:1 - Li Santil hu

¹ Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Q'eqchi Bible

¹ Ch'anab'aq eek'ank, ex tenamit li wankatqex chire li palaw; kawaq eech'ool, ex tenamit. Jilonqex chaq re naq too'aatinaq chi us, qach'utub'aq qib' chiqajunilo chi raqok aatin.

Isaías 41:1 ပူးပေါင်းရင်းမြစ်များ

Isaías 1:18

Joꞌcaꞌin quixye li Ka̱cuaꞌ: —Quimkex. Abihomak ut chetauhak xya̱lal li cꞌaꞌru tinye e̱re. Cui tzꞌaj ru le̱ ra̱m xban li ma̱c, la̱in tinsakobresi nak tincuy le̱ ma̱c. Sak chic ta̱cana̱k joꞌ xsakal li ratzꞌam que. Cui le̱ ma̱c joꞌ li caki bon ma̱ jokꞌe na-el, aban la̱in tinsakobresi le̱ ra̱m ut joꞌ xsakal li nokꞌ ta̱cana̱k.

Habacuc 2:20

Li tzꞌakal Dios, aꞌan cuan saꞌ lix santil templo. Chixjunileb taxak li cuanqueb saꞌ ruchichꞌochꞌ teꞌxxucua ru.

Zacarías 2:13

Chixjunileb li cuanqueb saꞌ ruchichꞌochꞌ cheꞌxxucua ta ru li Ka̱cuaꞌ ut incꞌaꞌ ta chic teꞌecꞌa̱nk xban nak aꞌan tixcanab chak lix Santil Naꞌaj ut ta̱cha̱lk saꞌ kaya̱nk.

Salmos 46:10

Li Ka̱cuaꞌ Dios quixye: —Canabomak li pletic. Qꞌuehomak retal nak la̱in li Ka̱cuaꞌ Dios. Ta̱qꞌuehekꞌ inlokꞌal xbaneb li xni̱nkal ru tenamit ut ta̱qꞌuehekꞌ incuanquil saꞌ chixjunil li ruchichꞌochꞌ.—

Isaías 34:1

Quimkex la̱ex li cuanquex saꞌ eb li xni̱nkal ru tenamit, ut chꞌutubomak e̱rib chirabinquil li oc cue chixyebal. Ex tenamit checanabak e̱rib chixqꞌuebal retal li tinye e̱re. Cherabihak che̱junilex la̱ex li cuanquex saꞌ ruchichꞌochꞌ ut cheqꞌuehak retal.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Li xHu LAJ JOB 38:3

Anakcuan cꞌutbesi la̱ cui̱nkilal chicuu ut ta̱sume li a̱tin tinpatzꞌ a̱cue.

Isaías 50:8

Laj Colol cue cuan cuiqꞌuin. ¿Ani ta̱ru̱k ta̱yehok re nak cuan inma̱c? Toxic riqꞌuin laj rakol a̱tin. ¿Ani ta̱ru̱k ta̱jitok cue? Chicha̱lk ut chixyehak cue.

Isaías 49:1

Abihomak la̱ex li cuanquex saꞌ najtil tenamit. Qꞌuehomak retal li oc cue chixyebal. Nak toj ma̱jiꞌ ninyoꞌla li Ka̱cuaꞌ quixsicꞌ chak cuu chi cꞌanjelac chiru. Nak toj ma̱jiꞌ ninyoꞌla ac naxnau ani incꞌabaꞌ.

Isaías 48:16

Cha̱lkex cuiqꞌuin ut cherabihak li tinye e̱re. Chalen saꞌ xticlajic incꞌaꞌ xina̱tinac e̱riqꞌuin riqꞌuin a̱tin chꞌaꞌaj xtaubal ru. Cuanquin e̱riqꞌuin nak yo̱ chi cꞌulma̱nc chixjunil aꞌin. Li nimajcual Dios ut li Santil Musikꞌej queꞌtaklan chak cue.—

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Isaías 41:5

Eb li najtil tenamit queꞌril li cꞌaꞌru yo̱ chi cꞌulma̱nc ut queꞌxucuac. Li cuanqueb saꞌ chixjunil li ruchichꞌochꞌ queꞌoc xxiuheb. Joꞌcan nak queꞌxchꞌutub ribeb chi cha̱lc.

Isaías 43:9

Chꞌutubomak li xni̱nkal ru tenamit. Chꞌutubomak chixjunileb li tenamit. ¿Ma cuan junak saꞌ xya̱nkeb li quiyehoc re li cꞌaꞌru ac xcꞌulman? ¿Ma cuan junak saꞌ xya̱nkeb li nanaꞌoc re li cꞌaꞌru toj ta̱cꞌulma̱nk? Cui cuan, chixcꞌamak li ani ta̱a̱tinak chirix re xcꞌutbal nak ya̱l li cꞌaꞌru tixye.

Isaías 43:26

Cui la̱in xinpaltoꞌ che̱ru toxic saꞌ li rakleb a̱tin ut takatzꞌil rix re rilbal ani na cuan xma̱c.